1 أَزهّذْ ن ذَاوُوذْ.

سِيذِي إِسَّاوَاڒْ أَكْ-ذ سِيذِي إِنُو:

قِيمْ غَارْ ؤُفُوسْ أَفُوسِي إِنُو،

أَڒْ د-سَّارْسغْ ڒْعذْيَانْ نّشْ

ذ ثَانبْذَاثْ سَاذُو إِضَارنْ نّشْ. [a]

2 سِيذِي أَذْ إِسّكّْ أَزدْجَاضْ ن صُّولْطَا نّشْ

زِي صِيهْيُونْ،

شكْ أَذْ ثْصلّْطذْ ذِي ڒْوسْطْ ن ڒْعذْيَانْ نّشْ.

3 ڒْڭنْسْ نّشْ أَذْ يِيڒِي ذ أَمْسعَّافْ

ذڭْ وَاسّْ ن صُّولْطَا نّشْ،

أَذْ د-يَاسْ ذِي ثِيسِّيقْثْ إِقدّْسنْ

زِي ڒمْڒَاوْڒثْ ن ثُوفُّوثْ،

أَمُّو إِ غَا يِيڒِي إِ شكْ نّْذَا

ن يِينِّي عَاذْ مَامّشْ

ذ أَشْ د-إِتّْوَاخڒْقنْ.

4 سِيذِي إِجِّيدْجْ،عمَّارْصْ أَذْ خَاسْ إِنْذمْ:

”شكْ ذ أَكهَّانْ إِ ڒبْذَا،

عْلَاحْسَابْ صِّيفثْ ن مَالْكِيصَاذِيقْ!“،

إِخْسْ أَذْ يِينِي ’أَجدْجِيذْ ذ أَمْسڭّذْ‘. [b]

5 سِيذِي أَقَا-ث غَارْ ؤُفُوسْ أَفُوسِي نّشْ.

نتَّا أَذْ إِڒْبزْ إِجدْجِيذنْ

ذڭْ وَاسّْ ن وغْضَابْ نّسْ.

6 نتَّا أَذْ إِحَاكمْ خْ ڒڭْنُوسْ،

أَقَا ذَا ثَامُّورْثْ ثشُّورْ س ڒْخشْبَاثْ،

أَذْ إِڒْبزْ أَزدْجِيفْ

خْ إِشْثْ ن ثمُّورْثْ ثَامقّْرَانْثْ. [c]

7 أَكْ-ذ وبْرِيذْ أَذْ إِسُو زِي ثغْزَارْثْ،

خْ ؤُيَا أَذْ إِسّْڭعّذْ أَزدْجِيفْ نّسْ.