إِزهِّيذنْ
1
أَذْلِيسْ أَمزْوَارُو - إِزهِّيذنْ 1-41
1 سّعْذْ ن ورْيَازْ،
ونِّي وَارْ إِڭُّورنْ
ذِي شّْوَارْ ن إِعفَّاننْ،
ذ ونِّي وَارْ إِبدّنْ
ذڭْ وبْرِيذْ ن إِمذْنَابْ،
ذ ونِّي وَارْ إِقِّيمنْ
خْ ڒْكُورْسِي ن إِمسْثهْزَاينْ، [a]
2 مَاشَا ڒفْرَاحثْ نّسْ
أَقَا-ت ذِي شَّارِيعَا ن سِيذِي
ؤُ إِتّْخَارّصْ ذِي شَّارِيعَا نّسْ أَسّْ ذ دْجِيڒثْ. [b]
3 أَذْ يِيڒِي أَمْ يِيشْثْ ن ثْشجَّارْثْ
إِ إِتّْوَاژُّونْ غَارْ ثْغزْرَاثِينْ ن وَامَانْ،
ثنِّي إِتِّيشنْ ڒْغِيدْجثْ نّسْ ذِي ڒْوقْثْ نّسْ،
أَفَارْ نّسْ وَارْ إِتِّيژغْ.
مَارَّا مِينْ إِتّڭّْ، أَذْ يِيڒِي. ◼1:3 ’ثَاشجَّارْثْ‘ - نِيغْ ’أَدَّاڭْ‘ (’إِدَّاڭنْ‘). [d]
4 وَارْ تِّيڒِينْ إِعفَّاننْ أَمُّو،
مِينْزِي نِيثْنِي أَمْ إِشَارْفَا إِتَّاوِي-يْ-إِ-ث ؤُسمِّيضْ. [e]
5 خْ ؤُيَا إِعفَّاننْ وَارْ تّْبذِّينْ شَا
ذڭْ وَاسّْ ن ڒحْسَابْ،
ؤُڒَا ذ إِمذْنَابْ ذِي ثْمسْمُونْثْ ن إِمْسڭَّاذنْ.
6 مِينْزِي سِيذِي إِسّنْ أَبْرِيذْ ن إِمْسڭَّاذنْ،
مَاشَا أَبْرِيذْ ن إِعفَّاننْ أَذْ إِفْنَا.