حُوشِيعَا
1
1 أَوَاڒْ ن سِيذِي إِ د-يُوسِينْ غَارْ حُوشِيعَا، مِّيسْ ن بِيرِي، ذڭْ وُوسَّانْ ن عُوزِّييَا، يُوثَامْ، أَحَازْ ذ حِيزْقِييَا، إِجدْجِيذنْ ن يَاهُوذَا، ؤُ ذڭْ وُوسَّانْ ن يَارُوبْعَامْ، مِّيسْ ن يُووَاشْ، أَجدْجِيذْ ن إِسْرَائِيل. ◼1:1 ’حُوشِيعَا‘ - إِسمْ-أَ وَانِيثَا إِخْسْ أَذْ يِينِي ’أَسنْجمْ‘ نِيغْ ’أَفْڒَاحْ‘. ’بِيرِي‘ - إِسمْ-أَ وَانِيثَا إِخْسْ أَذْ يِينِي ’أَنُو إِنُو‘. ’حَازَاقِييَا‘ - إِسمْ نّسْ إِكمّْڒنْ ’يَاحَازَاقِييَا‘.
حُوشِيعَا يجّْ-د ثْڒَاثَا ن إِحنْجِيرنْ غَارْ خُومَارْ
2 أَبدُّو ن وَاوَاڒْ ن سِيذِي س هُوشِيعَا. سِيذِي إِنَّا إِ هُوشِيعَا: ”رُوحْ، أَوِي إِشْثْ ن ثمْغَارْثْ ن فَارْقْ-شّْغڒْ ؤُڒَا ذ ثَارْوَا ن فَارْقْ-شّْغڒْ، مَاغَارْ س فَارْقْ-شّْغڒْ نّسْ ثزْنَا ثمُّورْثْ ثفّغْ زڭْ أَوَارْنِي إِ سِيذِي.“ 3 ؤُشَا يُويُورْ نتَّا، يِيوِي جُومَارْ، يدْجِيسْ ن ذِيبْلَايِيمْ، ؤُ نتَّاثْ ثكْسِي س دّيْسثْ، ثُورُووْ أَسْ-د إِجّْ ن مِّيسْ. ◼1:3 ’ذِيبْلَايِيمْ‘ - ’ثْنَاينْ ن ثْغَايِيطَاثْ ن ثَازَارْثْ‘. 4 خنِّي إِنَّا أَسْ سِيذِي: ”ڒَْاغَا أَسْ س يِيسمْ ن ’يَازْرَاعِيلْ‘، مَاغَارْ شْوَايْثْ نْ ڒْوقْثْ وَاهَا ؤُ خنِّي نشّْ أَذْ خدْجْصغْ إِذَامّنْ ن يَازْرَاعِيلْ خْ ثَادَّارْثْ ن يَاهُو ؤُ نشّْ أَذْ قْضِيغْ خْ ثْڭلْذَا ن ثَادَّارْثْ ن إِسْرَائِيل. ◼1:4 ’يَازْرَاعِيلْ‘ - أَذْ ثَاغْ إِسمْ-أَ وَانِيثَا إِخْسْ أَذْ يِينِي ’أَربِّي أَذْ إِزدْجعْ‘ نِيغْ ’أَربِّي أَذْ إِزَارْعْ‘ نِيغْ ’أَغِيڒْ ن أَربِّي‘. 5 ذڭْ وَاسّْ نِّي أَذْ يِيڒِي، أَقَا نشّْ أَذْ أَرْژغْ ڒْقوْسْ ن إِسْرَائِيل ذِي ڒوْضَا ن ثغْزُورْثْ ن يَازْرَاعِيلْ.“ ◼1:5 ’ڒْقوْسْ ن إِسْرَائِيل‘ - ثُوغَا إِسْرَائِيل إِتّْوَاسّْننْ بلِّي غَارسْ أَطَّاسْ ن إِمجَّابنْ ن ڒْقوْسْ.
6 ؤُشَا ثكْسِي نتَّاثْ عَاوذْ س دّيْسثْ، ثُورُووْ-د يدْجِيسْ ؤُشَا إِنَّا أَسْ سِيذِي: ”ڒَْاغَا أَسْ س يِيسمْ ن لُو-رُوحَامَا، مَاغَارْ وَارْ أَرّحّْمغْ عَاذْ خْ ثَادَّارْثْ ن إِسْرَائِيل، وَارْ تّْغِيمِيغْ سمّْحغْ أَسنْ. ◼1:6 ’لُو-رُوحَامَا‘ - إِسمْ وَانِيثَا-أَ إِخْسْ أَذْ يِينِي ’وَارْ أَرّحْمغْ‘. 7 مَاشَا أَذْ أَرّحْمغْ خْ ثَادَّارْثْ ن يَاهُوذَا ؤُ نشّْ أَذْ ثنْ سّْنجْمغْ س ؤُفُوسْ ن سِيذِي، أَربِّي نْسنْ! نشّْ وَارْ ثنْ سّنْجْمغْ س ڒْقوْسْ نِيغْ س سِّيفْ نِيغْ س إِيْسَانْ ؤُڒَا س إِمْنَاينْ.“ [f]
8 أَڒَامِي ثكّسْ ؤُطُّوضْ إِ لُو-رُوحَامَا، ثكْسِي عَاوذْ س دّيْسثْ ؤُشَا ثُورُووْ-د إِجّْ ن مِّيسْ. 9 ؤُشَا إِنَّا سِيذِي: ”ڒَْاغَا أَسْ س يِيسمْ ن لُو-عَامِّي، مَاغَارْ كنِّيوْ وَارْ ثدْجِيمْ عَاذْ ذ ڒْڭنْسْ إِنُو ؤُ نشّْ وَارْ دْجِيغْ عَاذْ ذَا إِ كنِّيوْ.“ ◼1:9 ’لُو-عَامِّي‘ - إِسمْ وَانِيثَا-أَ إِخْسْ أَذْ يِينِي ’وَارْ إِدْجِي ڒْڭنْسْ إِنُو‘.
- a 1:1 ’حُوشِيعَا‘ - إِسمْ-أَ وَانِيثَا إِخْسْ أَذْ يِينِي ’أَسنْجمْ‘ نِيغْ ’أَفْڒَاحْ‘. ’بِيرِي‘ - إِسمْ-أَ وَانِيثَا إِخْسْ أَذْ يِينِي ’أَنُو إِنُو‘. ’حَازَاقِييَا‘ - إِسمْ نّسْ إِكمّْڒنْ ’يَاحَازَاقِييَا‘.
- b 1:3 ’ذِيبْلَايِيمْ‘ - ’ثْنَاينْ ن ثْغَايِيطَاثْ ن ثَازَارْثْ‘.
- c 1:4 ’يَازْرَاعِيلْ‘ - أَذْ ثَاغْ إِسمْ-أَ وَانِيثَا إِخْسْ أَذْ يِينِي ’أَربِّي أَذْ إِزدْجعْ‘ نِيغْ ’أَربِّي أَذْ إِزَارْعْ‘ نِيغْ ’أَغِيڒْ ن أَربِّي‘.
- d 1:5 ’ڒْقوْسْ ن إِسْرَائِيل‘ - ثُوغَا إِسْرَائِيل إِتّْوَاسّْننْ بلِّي غَارسْ أَطَّاسْ ن إِمجَّابنْ ن ڒْقوْسْ.
- e 1:6 ’لُو-رُوحَامَا‘ - إِسمْ وَانِيثَا-أَ إِخْسْ أَذْ يِينِي ’وَارْ أَرّحْمغْ‘.
- f 1:7 زَاك. 4:6
- g 1:9 ’لُو-عَامِّي‘ - إِسمْ وَانِيثَا-أَ إِخْسْ أَذْ يِينِي ’وَارْ إِدْجِي ڒْڭنْسْ إِنُو‘.