1 أَسّْ مِينْ ذِي إِڭَّا أَربِّي أَذَامْ، إِڭَّا إِ-ث ذِي صِّيفثْ ن أَربِّي. [a] 2 أَوْثمْ ذ ثوْثمْثْ إِخْڒقْ إِ-ثنْ-د. إِبَارْكْ إِ-ثنْ ؤُشَا إِڒَاغَا أَسنْ س يِيسمْ ’أَذَامْ‘، بْنَاذمْ، ذڭْ وَاسّْ إِ ذِي ثنْ د-إِخْڒقْ. ◼5:‏2 ’ذڭْ وَاسّْ إِ ذِي ثنْ إِخْڒقْ‘ - س ثْعِيبْرَانِيثْ ’ذڭْ وَاسّْ إِ ذِي د-تّْوَاخڒْقنْ‘.  [c]

3 أَوَارْنِي ڒَامِي إِدَّارْ أَذَامْ مْيَا ؤُ-ثْڒَاثِينْ ن إِسڭّْوُوسَا، إِجَّا-د أَحنْجِيرْ ذڭْ وَارْوَاسْ نّسْ ؤُ ذِي صِّيفثْ نّسْ ؤُشَا إِڒَاغَا أَسْ شِيثْ. 4 أَوَارْنِي ڒَامِي د-إِجَّا شِيثْ، إِدَّارْ أَذَامْ عَاذْ ثمْنْ-مْيَا ن إِسڭّْوُوسَا، إِجَّا-د إِحنْجِيرنْ ذ ثْحنْجِيرِينْ. [d] 5 أَمُّو إِ إِدَّارْ أَذَامْ ثسْعَا-مْيَا ؤُ-ثْڒَاثِينْ ن إِسڭّْوُوسَا ؤُشَا إِمُّوثْ.

6 أَوَارْنِي ڒَامِي إِدَّارْ شِيثْ مْيَا ؤُ-خمْسَا ن إِسڭّْوُوسَا، إِجَّا-د أَنُوشْ. [e] 7 أَوَارْنِي ڒَامِي د-إِجَّا أَنُوشْ، إِدَّارْ شِيثْ عَاذْ ثمْنْ-مْيَا ؤُ-سبْعَا ن إِسڭّْوُوسَا، إِجَّا-د إِحنْجِيرنْ ذ ثْحنْجِيرِينْ. 8 أَمُّو إِ إِدَّارْ شِيثْ ثسْعَا-مْيَا ؤُ-ثنْعَاشْ ن إِسڭّْوُوسَا ؤُشَا إِمُّوثْ.

9 أَوَارْنِي ڒَامِي إِدَّارْ أَنُوشْ ثسْعِينْ ن إِسڭّْوُوسَا، إِجَّا-د قِينَانْ. ◼5:‏9 ’قِينَانْ‘ - إِسمْ وَانِيثَا إِخْسْ أَذْ يِينِي ’أَڭْڒَا‘ نِيغْ ’لْمُولْكْ‘ نِيغْ ’ڒْْعُوشّْ‘ نِيغْ ’ثَازذِّيغْثْ‘.  [g] 10 أَوَارْنِي ڒَامِي د-إِجَّا قِينَانْ، إِدَّارْ أَنُوشْ عَاذْ ثمْنْ-مْيَا ؤُ-خمّسْطَاشْ ن إِسڭّْوُوسَا، إِجَّا-د إِحنْجِيرنْ ذ ثْحنْجِيرِينْ. 11 أَمُّو إِ إِدَّارْ أَنُوشْ ثسْعَا-مْيَا ؤُ-خمْسَا ن إِسڭّْوُوسَا ؤُشَا إِمُّوثْ.

12 أَوَارْنِي ڒَامِي إِدَّارْ قِينَانْ سبْعِينْ ن إِسڭّْوُوسَا، إِجَّا-د مَاهَالَالْ-إِلْ. ◼5:‏12 ’مَاهَالَالْ-إِلْ‘ - إِسمْ وَانِيثَا إِخْسْ أَذْ يِينِي ’أَسمْغَارْ زِي أَربِّي‘. 13 أَوَارْنِي ڒَامِي د-إِجَّا مَاهَالَالْ-إِلْ، إِدَّارْ قِينَانْ عَاذْ ثمْنْ-مْيَا ؤُ-ربْعِينْ ن إِسڭّْوُوسَا، إِجَّا-د إِحنْجِيرنْ ذ ثْحنْجِيرِينْ. 14 أَمُّو إِ إِدَّارْ قِينَانْ ثسْعَا-مْيَا ؤُ -عشْرَا ن إِسڭّْوُوسَا ؤُشَا إِمُّوثْ.

15 أَوَارْنِي ڒَامِي إِدَّارْ مَاهَالَالْ-إِلْ خمْسَا ؤُ-ستِّينْ ن إِسڭّْوُوسَا، إِجَّا-د يَارَاذْ. ◼5:‏15 ’يَارَاذْ‘ - إِسمْ وَانِيثَا إِخْسْ أَذْ يِينِّي ’إِجّنْ ونِّي إِ د-إِقَارّْسنْ زِي‘. 16 أَوَارْنِي ڒَامِي د-إِجَّا يَارَاذْ، إِدَّارْ مَاهَالَالْ-إِلْ عَاذْ ثمْنْ-مْيَا ؤُ-ثْڒَاثِينْ ن إِسڭّْوُوسَا، إِجَّا-د إِحنْجِيرنْ ذ ثْحنْجِيرِينْ. 17 أَمُّو إِ إِدَّارْ مَاهَالَالْ-إِلْ ثمْنْ-مْيَا ؤُ-خمْسَا ؤُ-ثسْعِينْ ن إِسڭّْوُوسَا ؤُشَا إِمُّوثْ.

18 أَوَارْنِي ڒَامِي إِدَّارْ يَارَاذْ مْيَا ؤُ-ثْنَاينْ ؤُ-ستِّينْ ن إِسڭّْوُوسَا، إِجَّا-د حَانُوخْ. ◼5:‏18 ’حَانُوخْ‘ - خْزَارْ أَمز. 4:17.  [k] 19 أَوَارْنِي ڒَامِي د-إِجَّا حَانُوخْ، إِدَّارْ يَارَاذْ عَاذْ ثمْنْ-مْيَا ن إِسڭّْوُوسَا، إِجَّا-د إِحنْجِيرنْ ذ ثْحنْجِيرِينْ. 20 أَمُّو إِ إِدَّارْ يَارَاذْ ثسْعَا-مْيَا ؤُ-ثْنَاينْ ؤُ-ستِّينْ ن إِسڭّْوُوسَا ؤُشَا إِمُّوثْ.

21 أَوَارْنِي ڒَامِي إِدَّارْ حَانُوخْ خمْسَا ؤُ-ستِّينْ ن إِسڭّْوُوسَا، إِجَّا-د مَاثُوشَالَاحْ. ◼5:‏21 ’مَاثُوشَالَاحْ‘ - إِسمْ-أَ وَانِيثَا إِخْسْ أَذْ يِينِي ’أَرْيَازْ س فْڒِيثْشَا‘ نِيغْ ’ونِّي د-إِتّْوَاسّكّنْ‘ نِيغْ ’أَرْيَازْ ونِّي غَارْ إِدْجْ إِشْثْ ن ؤُرقَّاسْ نِيغْ إِشْثْ ن ثَابْرَاثْ‘.  [m] 22 أَوَارْنِي ڒَامِي د-إِجَّا مَاثُوشَالَاحْ، يُويُورْ حَانُوخْ أَكْ-ذ أَربِّي ثڒْثْ-مْيَا ن إِسڭّْوُوسَا، إِجَّا-د إِحنْجِيرنْ ذ ثْحنْجِيرِينْ. [n] 23 أَمُّو إِ إِدَّارْ حَانُوخْ ثڒْثْ-مْيَا ؤُ-خمْسَا ؤُ-ستِّينْ ن إِسڭّْوُوسَا. 24 يُويُورْ حَانُوخْ أَكْ-ذ أَربِّي ؤُشَا وَارْ إِتّْوِيفْ عَاذْ مِينْزِي أَربِّي إِكْسِي إِ-ث. [o]

25 أَوَارْنِي ڒَامِي إِدَّارْ مَاثُوشَالَاحْ مْيَا ؤُ-سبْعَا ؤُ-ثْمَانْيِينْ ن إِسڭّْوُوسَا، إِجَّا-د لَامَاكْ. ◼5:‏25 ’لَامَاكْ‘ - أَذْ ثَاغْ إِخْسْ أَذْ يِينِي إِسمْ-أَ ’ونِّي إِجهْذنْ‘ نِيغْ ’أَمْوَاضعْ‘. 26 أَوَارْنِي ڒَامِي د-إِجَّا لَامَاكْ، إِدَّارْ مَاثُوشَالَاحْ عَاذْ سبْعَا-مْيَا ؤُ-ثْنَاينْ ؤُ-ثْمَانْيِينْ ن إِسڭّْوُوسَا، إِجَّا-د إِحنْجِيرنْ ذ ثْحنْجِيرِينْ. 27 أَمُّو إِ إِدَّارْ مَاثُوشَالَاحْ ثسْعَا-مْيَا ؤُ-ثسْعَا ؤُ-ستِّينْ ن إِسڭّْوُوسَا ؤُشَا إِمُّوثْ.

28 أَوَارْنِي ڒَامِي إِدَّارْ لَامَاكْ مْيَا ؤُ-ثْنَاينْ ؤُ-ثْمَانْيِينْ ن إِسڭّْوُوسَا، إِجَّا-د إِجّْ ن ؤُحنْجِيرْ. 29 إِڒَاغَا إِسمْ نّسْ نُوحْ، إِنَّا: ”وَا أَذْ أَنغْ إِسّْفوّجْ خْ ڒْخذْمثْ نّغْ ذ ثَامَارَا ن إِفَاسّنْ نّغْ، مِينْزِي سِيذِي أَقَا إِنْعڒْ ثَامُّورْثْ!“ ◼5:‏29 ’نُوحْ‘ - إِسمْ-أَ وَانِيثَا إِخْسْ أَذْ يِينِي ’أَفوّجْ‘. 30 أَوَارْنِي ڒَامِي د-إِجَّا نُوحْ، إِدَّارْ لَامَاكْ عَاذْ خمْسَا-مْيَا ؤُ-خمْسَا ؤُ-ثسْعِينْ ن إِسڭّْوُوسَا، إِجَّا-د إِحنْجِيرنْ ذ ثْحنْجِيرِينْ. 31 أَمُّو إِ إِدَّارْ لَامَاكْ سبْعَا-مْيَا ؤُ-سبْعَا ؤُ-سبْعِينْ ن إِسڭّْوُوسَا ؤُشَا إِمُّوثْ.

32 أَوَارْنِي ڒَامِي إِدَّارْ نُوحْ خمْسَا-مْيَا ن إِسڭّْوُوسَا، نُوحْ إِجَّا-د شَامْ ذ حَامْ ذ يَافَاثْ.