1 ؤُڒَا ذ كنِّيوْ ثُوغَا ثمُّوثمْ س دّْنُوبْ نْومْ ؤُ س ثُوبُّوهڒْيَا نْومْ [a] 2 مِينْ ذِي ثُوغَا ثُويُورمْ عْلَاحْسَابْ ثُوذَارْثْ ن كُوڒْ أَسّْ ن دُّونشْثْ-أَ، عْلَاحْسَابْ ڒْخَاضَارْ ن ؤُزدْجِيفْ ن صُّولْطَا خْ وَازَّايْ ن ڒعْوِينْ، ؤُ عْلَاحْسَابْ ڒْخَاضَارْ ن أَرُّوحْ نِّي إِخدّْمنْ ذِي ثَارْوَا ن ڒْمُوعْصِييّثْ. [b] 3 ؤُڒَا ذ نشِّينْ ثُوغَا نْرُوحْ قْبڒْ ذِي شّْغُوڒَاثْ نِّي، ؤُمِي نضْفَارْ نّشْوَاثْ ن ويْسُومْ نّغْ، نڭَّا مِينْ إِخْسْ ويْسُومْ نّغْ ذ نّيّثْ نّغْ، ؤُ ثُوغَا أَنغْ ذ ثَارْوَا ن وغْضَابْ قَاعْ أَمْ إِنّغْنِي.

4 مَاشَا أَربِّي إِشُّورْ س أَرّحْمثْ س ثَايْرِي نّسْ ثَامقّْرَانْثْ إِ زِي خَانغْ إِعِيزّْ. 5 ڒَامِي ثُوغَا أَنغْ عَاذْ ذ إِمتِّيننْ ذِي دّْنُوبْ نّغْ، أَقَا يَارّْ أَنغْ-د غَارْ ثُوذَارْثْ أَكْ-ذ لْمَاسِيحْ، ؤُ س أَرْضَا نّسْ إِسّنْجمْ أَنغْ [c] 6 ؤُ إِسّْنكَّارْ أَنغْ-د أَكِيذسْ ؤُشَا إِسّْغِيمَا أَنغْ أَكِيذسْ ذڭْ إِجنْوَانْ ذِي يَاسُوع لْمَاسِيحْ، 7 حِيمَا أَذْ إِسّْشنْ أَفيّضْ ن وَاڭْڒَا ن أَرْضَا نّسْ ذ ثْشُونِي نّسْ ذِي زّْمَانَاثْ إِ د غَا يَاسنْ، ونِّي خَانغْ د-يُوسِينْ س يَاسُوع لْمَاسِيحْ. 8 مِينْزِي س أَرْضَا نّسْ نتّْوَاسّنْجمْ، س لْ-إِيمَانْ، وَارْ إِدْجِي زَّايْومْ، أَقَا-ت ذ ثَاوْهِيبْثْ ن أَربِّي، [d] 9 وَارْ ثدْجِي س ڒْخذْمثْ، مَاحنْذْ وَارْ إِتُّوفّْ ؤُڒَا ذ إِجّْ. [e] 10 مَاغَارْ نشِّينْ ذ أَخڒْقِي نّسْ، نتّْوَاخْڒقْ-د ذِي يَاسُوع لْمَاسِيحْ حِيمَا أَذْ نڭّْ ڒخْذَايمْ ثِيصبْحَانِينْ نِّي ذ أَنغْ إِسّوْجذْ أَربِّي قْبڒْ، مَاحنْذْ أَذْ نُويُورْ ذَايْسنْثْ. [f]

11 س ؤُينِّيعقْڒمْ، أَقَا زِيشْ ثُوغَا كنِّيوْ ذ ڒڭْنُوسْ عْلَاحْسَابْ جَّاذِيرَا ن أَرِّيمثْ، ثتّْوَاسمَّامْ ’نْبْڒَا أَخْثَانْ‘ زڭْ إِنِّي ثُوغَا س وخْثَانْ نِّي إِدْجَانْ ذ ڒْخذْمثْ ن إِفَاسّنْ ذڭْ ويْسُومْ. 12 ذِي ڒْوقْثْ نِّي ثُوغَا كنِّيوْ بْڒَا لْمَاسِيحْ، ذ إِغْرِيبنْ زِي جِّيهثْ ن ڒحْكَامثْ ن إِسْرَائِيل، أَقَا ثِيڭّْوْجمْ أَمْ إِبَارَّانِييّنْ خْ ڒْعَاهْذْ ن لْوَاعْذْ. ثُوغَا كنِّيوْ بْڒَا أَسِيثمْ ؤُ بْڒَا أَربِّي ذِي دُّونشْثْ. [g] 13 مَاشَا ڒخُّو، ذِي يَاسُوع لْمَاسِيحْ، أَقَا كنِّيوْ إِنِّي ثُوغَا إِڭّْوجنْ، أَقَا ڒخُّو ثُوذْسمْ-د س إِذَامّنْ ن لْمَاسِيحْ.

14 مَاغَارْ نتَّا ذ ڒهْنَا نّغْ أَمْ ذ يَارَّا ثْنَاينْ نِّي غَارْ يِيجّْ، أَقَا نتَّا إِهْذمْ أَغْبَارْ ن ڒقْوَارْ ونِّي ثُوغَا ثنْ إِبْضَانْ. [h] 15 ذڭْ ويْسُومْ ن أَرِّيمثْ نّسْ إِبْضڒْ نتَّا ڒعْذَاوثْ ذ شَّارِيعَا ن ثْوصَّا أَكْ-ذ ثْوصَّا إِ-د-إِضْفَارنْ، حِيمَا أَذْ د-إِخْڒقْ ذِي طّْبِيعثْ ن يِيخفْ نّسْ ثْنَاينْ نِّي غَارْ إِجّْ ن بْنَاذمْ ن جْذِيذْ أَمْ إِتّڭّْ ڒهْنَا. 16 أَقَا نتَّا إِسّصْڒحْ ثْنَاينْ نِّي أَكْ-ذ أَربِّي ذڭْ إِشْثْ ن أَرِّيمثْ ؤُ إِنْغَا ڒعْذَاوثْ س صَّالِيبْ نّسْ. 17 يُوسَا-د حِيمَا أَذْ إِبَارّحْ س ڒخْبَارْ أَصبْحَانْ ن ڒهْنَا نِّي، إِ يِينِّي ثُوغَا إِڭّْوجنْ ؤُ إِ يِينِّي ثُوغَا يُوذْسنْ، [i] 18 مِينْزِي زَّايسْ نْزمَّارْ أَذْ نَاذفْ س ثْنَاينْ إِذْنغْ س يِيجّْ ن أَرُّوحْ غَارْ بَابَاثْنغْ. [j] 19 س ؤُيَا كنِّيوْ وَارْ ثدْجِيمْ ذ إِبَارَّانِييّنْ ؤُڒَا ذ إِمعْزَابْ، مَاشَا كنِّيوْ ذ إِمزْذَاغْ ن ثنْذِينْثْ ن إِمْقدَّاسنْ ذ ثَارْوَا ن ثَادَّارْثْ ن أَربِّي. [k] 20 ثتّْوَابْنَامْ خْ ذْسَاسْ ن رُّوسُولْ ذ إِنَابِييّنْ، ؤُشَا نتَّا ذ أَژْرُو أَزدْجِيفْ ن ثغْمَارْثْ، أَقَا-ث ذ يَاسُوع لْمَاسِيحْ. ◼2:‏20 ’رُّوسُولْ‘ - نِيغْ ’إِمَازَاننْ‘.  [m] 21 زَّايسْ إِ غَا إِتّْوَابْنَا ڒبْنِي مَارَّا، أَذْ إِيْمَا ؤُشَا أَذْ إِذْوڒْ ذ إِشْثْ ن زَّاوشْثْ ثَامقّْرَانْثْ إِقدّْسنْ ذِي سِيذِي، [n] 22 أَمْ زَّايسْ إِ غَا ثتّْوَابْنَامْ ؤُڒَا ذ كنِّيوْ، أَذْ ثِيڒِيمْ ذ ثَازذِّيغْثْ ن أَربِّي ذِي أَرُّوحْ.