12
Meke naga a natati soaꞌ inaꞌ a no ana na
1 Basa ria boe ma, kekeneu te au ita tanda kahere ꞌ esa toda nai lalai, bei ta parnaa lahenda rita ni fa: hapu inaꞌ esa, ao-ina na ledo a napoti nan. Ana molo ei na nai bulaꞌ a. Ana pake silaka maneꞌ, nanuu ruuꞌ sanahulu dua. 2 Ana nairu, ma dola, huu fo tei na nanoso sakaꞌ boki.
3 Kekeneu te, au ita seluꞌ tanda kahereꞌ fekeꞌ esa toda nai lalai. Hapu meke naga pilas bauinaꞌ esa. Ana nanuu lakaꞌ hitu, ma susuraꞌ sanahulu. Ana pake silaka maneꞌ hitu rai laka nara.[a] 4 Ana pake iko na, de kakai namopo babatiꞌ esa neme basa ruuꞌ fo rai lalai. Ela adaꞌ noi babatiꞌ duaꞌ. Basa de, ana tuꞌu heni ruuꞌ sira leo dae-bafoꞌ a reu. Boe ma ana neu napadei nasare na inaꞌ ria fo nahani losaꞌ ana boki. Huu fo ana nau odo na memaꞌ anaꞌ ria.[b] 5 Boe ma inaꞌ ria boki na Ana touꞌ esa. Tehuu, Manetualain eilaꞌo-limalopen esa neme nusatetu-ikutemaꞌ a mai de nalea na Anaꞌ ria, boe ma noon leo Ramatuaꞌ a neu, ela Anaꞌ ria pareta sama-sama noo Manetualain nai nusatetu-ikutemaꞌ a. Huu fo Anaꞌ ria, neuꞌ ko pareta basa lahenda nusaꞌ fo rai dae-bafoꞌ a neniꞌ kuasa kahereꞌ.[c] 6 Tehuu inaꞌ ria nalai leo mamana lino-nees, fo riꞌ Ramatuaꞌ a sadia fee ni so. Neuꞌ ko ara urus ana nai naa, losaꞌ teuꞌ telu seseriꞌ (riꞌ faiꞌ rifun esa natun dua nee hulu).
Mikael natati soaꞌ meke naga a nai nusatetu-ikutemaꞌ a
7 Boe ma natati bauinaꞌ a dadi nai nusatetu-ikutemaꞌ a. Manetualain eilaꞌo-limalope nara ro sira malaka soldadun, Mikael ratati soaꞌ meke naga ria no ana mana tukadea nara.[d] 8 Boe ma Mikael asa raseki meke naga ria no ana mana tuka dea nara. Basa de, ara horo meke naga ria no ana mana tuka dea nara, fo ta bole leo rai nusatetu-ikutemaꞌ a soꞌ. 9 Huu ria na, ara usi heni si reme nusatetu-ikutemaꞌ a mai, de tuꞌu si leo dae-bafoꞌ a reu. Meke naga ria, nana riꞌ nitu ra malaka na, fo rae ‘Iblis’. Neme masososa na mai, ana napuputaꞌ lahenda ra fo ara tao salaꞌ.[e] 10 Basa de, au amanene seluꞌ haraoeꞌ esa nahara nambera neme lalai mai nae,
“Fai a ulu na, meke naga ria napadei nahere nai Ramatuaꞌ a mata Na.
Sosoa na riꞌ tuꞌu salaꞌ fee ita toranoo kamahere nara.
Ana sale si hatu-leledon.
Tehuu besaꞌ ia, nanatuꞌu heni neme nusatetu-ikutemaꞌ a mai.
De besaꞌ ia basa-basan namanoꞌu-namadai.
Besaꞌ ia ledo-fain losa so, de Ramatuaꞌ a soi-tefa na lahenda dae-bafoꞌ a.
Besaꞌ ia Ramatuaꞌ a homu pareta neniꞌ Ria kuasa kahereꞌ Na.
Ma Ana soꞌu na Kristus,
Lahenda fo Ana here naan, ela dadi Maneꞌ fee basa lahenda nusaꞌ ara.[f]
11 Ita toranoo kamahere nara raseki meke naga, fo riꞌ fai a ulu na ana tuꞌu fee si salaꞌ a,
huu no Bibi-lopo Anaꞌ a daa na faa, fo ela sae-safe sira sala-siko nara.
Sira boe raseki ni,
nana huu ara raparani rafada lahenda laꞌeneuꞌ Bibi-lopa Anaꞌ a dale malole Na soaneuꞌ asa a.
Leo mae lahenda ramanasa fo nau raisa si boe,
ara ta heoꞌ fa.
12 De basa-basan fo rasodaꞌ rai nusatetu-ikutemaꞌ a, muste ramahoꞌo!
Tehuu basa-basan fo rasodaꞌ rai dae-bafoꞌ a muste ranea,
nana huu soe a sakaꞌ tuda laꞌe emi.
Nitu ra malaka na onda leo emi mai.
Ana namanasa nan seli,
nana huu ana bubuluꞌ nae, ria ledo-fai tatao tadalu na, sakaꞌ basan!”
Meke naga a nasakaꞌ inaꞌ ria nai dae-bafoꞌ a
13 Meke naga a bubuluꞌ nae, ria nana tuꞌu heniꞌ nai dae-bafoꞌ a so, boe ma neu saka inaꞌ fo boki na Anaꞌ ria a, ela tao nasususaꞌ ana. 14 Tehuu inaꞌ ria sipo naa dilaꞌ dua, sama leoꞌ parupua a dila nara, fo ela ana laa neu funiꞌ nai mamana lino-nes, dooꞌ a neme meke naga ria mai. Nai naa ara urus ana losa teuꞌ telu seseriꞌ.*Susura Makamoiꞌ dedea Yunani teꞌa a duiꞌ nae, “ledo-fai esa, ledo-fai dua, ma ledo-fai seseriꞌ esa”. Dedeaꞌ sira sama noo nai Danial babati kahitun lalane kadua hulu liman; babati kasanahulu duan lalane kahitun. Ria ledo-fain, sama noo bulaꞌ haa hulu dua, do faiꞌ rifun esa natun dua nee hulu nai lain babati kasanahulu esan lalane kaduan losa katelun. 15 Meke naga ria nita leoꞌ na, boe ma ana nasapura oe deaꞌ mai sama leoꞌ faa a, ela lepa neni inaꞌ ria. 16 Tehuu dae-bafoꞌ a tulu-fali na inaꞌ ria de dae a natakaa, de odo na basa oe fo kalua neme meke naga a bafa na mai, ela oe a bosoꞌ losa inaꞌ ria. 17 Boe ma, meke naga a namanasa nan seli neuꞌ inaꞌ ria. De, ana kalua fo neu natati soaꞌ inaꞌ ria ana feke nara, siꞌ lahenda fo rasoda tuka Manetualain pareta Na, ma manaku rae, sira nana Yesus lahenda nara. 18 Basa boe ma, meke naga ria neu napadei nai tasiꞌ a suu na, ma safa timi na.
<- Dae-bafo Rupa Bebeuꞌ 11Dae-bafo Rupa Bebeuꞌ 13 ->
- a Daniel 7:7
- b Daniel 8:10
- c Yesaya 66:7; Sosoda Iꞌio-oꞌoaꞌ ara 2:9
- d Daniel 10:13, 21; 12:1; Yudas 9
- e Tutui Masososaꞌ 3:1; Lukas 10:18
- f Ayub 1:9-11; Sakaria 3:1
- g Susura Makamoiꞌ dedea Yunani teꞌa a duiꞌ nae, “ledo-fai esa, ledo-fai dua, ma ledo-fai seseriꞌ esa”. Dedeaꞌ sira sama noo nai Danial babati kahitun lalane kadua hulu liman; babati kasanahulu duan lalane kahitun. Ria ledo-fain, sama noo bulaꞌ haa hulu dua, do faiꞌ rifun esa natun dua nee hulu nai lain babati kasanahulu esan lalane kaduan losa katelun.