1-2 Tepoꞌ fo, Tiberius dadi keser, ana pareta teu kasanahulu lima na nai Roma, ria te Pontius Pilatus dadi gubernor nai propinsi Yudea. Herodes dadi gubernor nai propinsi Galilea. Herodes aꞌan Filipus dadi gubernor nai propinsi Iturea no Trakonitis. Ma Lisanias dadi gubernor nai propinsi Abilene.*Mana pareta Roma pake lahenda Yahudi esa, nade Yosefus, fo duiꞌ Israel tutui na nai tepoꞌ ia. Ria boe duiꞌ laꞌeneuꞌ lahenda fo homu pareta no sira kileoboboki nara. Riꞌ ita bubuluꞌ tae, Herodes nai ia, nade feke na, riꞌ Herodes Antipas. Papa na riꞌ Herodes Bauinaꞌ a; (Mateos 2:1-22; Lukas 1:5). Filipus fo nai ia, riꞌ Herodes Antipas aꞌa na. Filipus papa na, riꞌ Herodes Bauinaꞌ a; mama na, nade Kleopatra neme Yerusalem mai. Ana sao Salome, riꞌ Herodias fadi na. Nai daeꞌ ia meten nai lalane 3:19; hapu Filipus feke boe. Ria nana, Herodes Antipas fadi na. Papa na, Herodes Bauinaꞌ boe; tehuu ria mama na, nade Mariamne. Ana sao Herodias. Sira dua si ana feto na, nade Salome. Tehuu ria aꞌa ni Herodes Antipas tonda na sao ina na. (Mateos 14:3; Markus 6:17; Lukas 3:19).
4 Fai a ulu na, Manetualain mana nesi matan baꞌi Yesaya duiꞌ laꞌeneuꞌ Yohanis ia nae,
7 Lahenda dodouꞌ reme basa mamanaꞌ ara mai hule Yohanis fo sarani si. Tehuu ana nasapaa si nae, “Ae! Maedi-mafuleꞌ emin! Emi sama leoꞌ meke maꞌaaꞌ! Mana saledale-tuꞌetei fufudiꞌ emin, boso mae emi lui meme Manetualain huhuku Na mai. Ta dooꞌ a soꞌ, te Manetualain huku lahenda fo ta saledale-tuꞌetein matetuꞌ fa.[c] 8 Bosoꞌ emi afi mae, ‘emi nana baꞌi Abraham tititi-nonosin’. Duduꞌa-aafi sira ta bisa tulu-fali emi, nana huu ta bisa tao malalao-malalafuꞌ emi fa. Manetualain bisa adu na batu ia ra dadi reuꞌ baꞌi Abraham tititi-nonosin. Au afada emi! Matudu nai leleo-lalaꞌom mae, emi saledale-tuꞌetei mara de tuka Manetualain so.[d] 9 Emi muste tao hihii-nanauꞌ malole. Taꞌa, sona Manetualain huku emi beraꞌ a, sama leoꞌ lahenda loꞌo heni ai huuꞌ a neme oka na mai, pake taꞌa. Ai huuꞌ fo ta neni buna-boa malole, sona sosoa-raraaꞌ taꞌa. De, malole lenaꞌ loꞌo henin fo tuꞌun leo ai-pilaꞌ daleꞌ neu.”[e]
10 Boe ma, lahenda kadodou inaꞌ sira ratane Yohanis rae, “De, ami muste tao ubeaꞌ?”
11 Ana nataa nae, “Maneniko o manuu badu dua, sona fee esa leo lahenda fo ta nanuu badu fa. Maneniko o hapu nanaaꞌ, sona bati fee lahenda fo ta nanuu nanaaꞌ fa.”
12 Basa de, mana susu bea ra mai boe, fo hule Yohanis sarani si. Ara ratane rae, “Papa mesen! Ami muste tao ubea?”[f]
13 Ana nataa nae, “Kalu mana pareta raetuꞌ ra raun ara doi bea na hida, sona ara bae tuka ria.”
14 Hapu soldadu hida rai na boe. Ara ratane Yohanis rae, “Kalu ami, leo beaꞌ? Ami muste tao ubeaꞌ?”
15 Ramanene dedean sira, boe ma lahenda ra mulai esa dukuꞌ esa rae, “Ae! Bate Yohanis ia nana, Kristus, fo neme uluꞌ mai Manetualain helu nae fee Ni mai a!”
16 Tehuu Yohanis nasaꞌai si nae, “Nenene matalolole! Neuꞌ ko Lahenda esa mai kuasa Na lena au. Leo mae au dadi uꞌ Ria atan boe, ta araa fa.[g] Au sarani emi pake oe, tehuu neuꞌ ko Ana tao lena au, huu fo tao na henu emi dale mara neniꞌ Manetualain Dula-dale Malalao-malalafu Na. Neuꞌ ko Ana tao makamomoi emi, sama leoꞌ lahenda hotu heni kadafuꞌ ara. 17 Ana huku lahenda mana tao salaꞌ ara, sama leoꞌ lahenda mana oru a teeꞌ heni hade a kikili-kauan. Basa nate Ana nadai hade neuꞌ ara, reuꞌ soꞌa ra daleꞌ, tehuu hotu heni kikili-kauan. Leoꞌ na boe, neuꞌ ko Kristus huku lahenda mana tao salaꞌ ara, ma tuꞌu si leo aipila mana basa taꞌa daleꞌ reu.”
18 No ria na, Yohanis fee nafarereneꞌ lahenda ra hihii-nanauꞌ rupaꞌ, ma tui si Manetualain Tutui Malole Na.
19-20 Tepoꞌ ria boe, Yohanis mulai dedea lelekaꞌ laꞌeneuꞌ Herodes nonoi-tataon. Dedea na leo iaꞌ: Herodes nana gubernor nai propinsi Galilea. Ria sala na dodouꞌ. Leo-leoꞌ ana tonda na fadi na sao ina na, nade Herodias. Sekonaa te, fadi na bei nasoda, ma bei ta namaetuꞌ no Herodias fa. Herodes leleo-lalaꞌon ta laꞌe fa, de Yohanis nasaꞌai lelekaꞌ ana, losaꞌ Herodes eteꞌ ao na. Boe ma Herodes hopu nan, de tee ni leo bui daleꞌ neu.[h]
21 Maꞌulu na, tepoꞌ fo bei ta hopu ra Yohanis fa, ana sarani lahenda dodouꞌ. Ma ana sarani Yesus boe. Basa ria de Yesus hule-haradoi, boe ma lalai natahuꞌa. 22 Tutiꞌ a Manetualain Dula-dale Malalao-malalafu Na onda neuꞌ Ana. Dula-daleꞌ ria rupa na sama leoꞌ manupui kalasi a. Boe ma hara oeꞌ esa neme lalai mai nae,
23 Tepoꞌ fo Yesus mulai nafada lahenda ra laꞌeneuꞌ Manetualain eno masoda na, nana teu Ni bate telu hulu. Lahenda ralelaꞌ rae, Yesus nana Yusuf Anan. Yusuf bei-baꞌi nara siiꞌ:
- a Mana pareta Roma pake lahenda Yahudi esa, nade Yosefus, fo duiꞌ Israel tutui na nai tepoꞌ ia. Ria boe duiꞌ laꞌeneuꞌ lahenda fo homu pareta no sira kileoboboki nara. Riꞌ ita bubuluꞌ tae, Herodes nai ia, nade feke na, riꞌ Herodes Antipas. Papa na riꞌ Herodes Bauinaꞌ a; (Mateos 2:1-22; Lukas 1:5). Filipus fo nai ia, riꞌ Herodes Antipas aꞌa na. Filipus papa na, riꞌ Herodes Bauinaꞌ a; mama na, nade Kleopatra neme Yerusalem mai. Ana sao Salome, riꞌ Herodias fadi na. Nai daeꞌ ia meten nai lalane 3:19; hapu Filipus feke boe. Ria nana, Herodes Antipas fadi na. Papa na, Herodes Bauinaꞌ boe; tehuu ria mama na, nade Mariamne. Ana sao Herodias. Sira dua si ana feto na, nade Salome. Tehuu ria aꞌa ni Herodes Antipas tonda na sao ina na. (Mateos 14:3; Markus 6:17; Lukas 3:19).
- b Yesaya 40:3-5
- c Mateos 12:34; 23:33
- d Yohanis 8:33
- e Mateos 7:19
- f Lukas 7:29
- g Dudui dedea Yunani teaꞌa nae, ‘nau sefi tabues na tali na boe, au ta araa fa.’ Sosoa na nae, Yohanis nana lahenda aanaꞌ, leo mae ana dadi neuꞌ Ramatua Yesus atan boe, ana nameda nan ta naraa fa.
- h Lees mana duiꞌ Lukas 3:1-2. Meten boe nai Mateos 14:3-4; Markus 6:17-18.
- i Tutui Masososaꞌ 22:2; Sosoda Iꞌio-oꞌoaꞌ ara 2:7; Yesaya 42:1; Mateos 3:17; Markus 1:11; Lukas 9:35