8 Au hihii-nanauk leo iaꞌ: nai mamanaꞌ bea-bea oo, maneniko emi mabua fo hule-haradoi, sona emi dale mara muste malole esa no esa. Bosoꞌ mamananasa aoꞌ. Bosoꞌ mareresiꞌ. Maneniko emi soꞌu lima mara fo hule-haradoi, sona emi dale mara muste malalao-malalafuꞌ dei.
9-10 Leoꞌ na boe, soa neuꞌ inaꞌ ara. Au nau sira kao-pake no hadaꞌ, ela naraa nai lahenda matan. Bosoꞌ kao-pake seli uukuꞌ ralane rupa lakadoo nara, pake bua-loas mabeli, pake lilo-henu, ma mutiara fo tao fee lahenda mete rasuu tinoꞌ asa. Hata fo tao na inaꞌ ara napuꞌ mesan, nana riꞌ, malalao-malalafuꞌ, ma hada-pari malole. Ria riꞌ naraa soaneuꞌ inaꞌ fo doꞌo-tabe neuꞌ Manetualain.[b] 11 Maneniko lahenda kamahereꞌ ara rabua ela ramanene nanoriꞌ, sona inaꞌ ara tuka atoran fo nenene ratalolole nanoriꞌ ria. Bosoꞌ rabobotoꞌ ma tao isuoteꞌ. 12 Tuka au, sona inaꞌ ara ta naraa soꞌu-fua ao nara fo pareta touꞌ ara ma ranori si. Malole lenaꞌ inaꞌ ara neneeꞌ. 13 Huu fo Manetualain adu naꞌuluꞌ Adam. Basa ria besaꞌ ko Hawa.[c] 14 Ma nitu ra malaka na ta edi-fule nauluꞌ Adam, tehuu inaꞌ a dei. Mulai neme fai ria mai, lahenda dae-bafoꞌ a nalenalaka no Manetualain atoran na.[d] 15 Huu fo leo mae leoꞌ na boe, inaꞌ ara bisa hapu sodaꞌ a, nana huu ara boki-lae. Sadi ara ramahere tebe-tebe neuꞌ Kristus, rasue-ralai ao, ma rasoda no dale makamoi, no matetu.[e]
<- 1 Timotius 11 Timotius 3 ->- a 2 Timotius 1:11
- b 1 Petrus 3:3
- c Tutui Masososaꞌ 2:7; 2:21-22
- d Tutui Masososaꞌ 3:1-6
- e Lahenda fo ralelaꞌ laꞌeneuꞌ Susura Makamoiꞌ a, ara rae hapu dale dodooꞌ laꞌeneuꞌ “inaꞌ ara bisa hapu sodaꞌ, nana huu ara boki-lae”. Riꞌ: 1) hapu Anaꞌ esa, riꞌ Yesus. Ana soi enoꞌ ela basa lahenda ra bisa hapu sodaꞌ; 2) Ruma bali rae, Hawa riꞌ hapu eedi-fufuleꞌ ma tao salaꞌ, tehuu ria boe dadi besaꞌ fee basa lahenda ra; 3) ruma rae, inaꞌ fo masoda na naraa ana ta mate tepoꞌ fo ana boki (tehuu lahenda malelaꞌ dodouꞌ rae dale dodooꞌ ia ta naraa).