1 మో పో, తూ ఉంచినె క్రీస్తుయేసురె క్రుపదీకిరి బలవంతుడుయికిరి రో. 2 తువ్వు బడేలింకె సాక్సీనె అగరె మోవల్లరె సునిలా సంగతీనెకు పొదరిలింకు బోదించితె సామర్ద్యముగల నమ్మకమైలా మనమానెకు అప్పగించు.

3 క్రీస్తుయేసురొ బొల్ట సైనికుడుపనికిరి మో దీకిరికూడ కొస్టొనుకు అనుబవించు. 4 సైనికుడు కేసెయీనెను యుద్దముకు జేతల్లాబెల్లె, తా దండురె చేర్చిగిల్లా అదికారికు సంతోసం కొరిమంచె బులికిరి, ఏ జీవనపైటినిరె చిక్కిగిన్నీ. 5 ఈనె కెలొకారి నియమంప్రకారం నాకెలినె, తాకు బహుమానం మిల్నీ. 6 కొస్టొపొడిలా వ్యవసాయకుడాక అగుంతా పచ్చపలితం పొందిగివ్వొ. 7 మియ్యి కొయిలా కొతా ఆలోచించిగీండి; సొబ్బి విసయాల్రె అర్దం కొరిగిత్తె ప్రబువు తొత్తె వివేకం దూసి.

8 దావీదు సంతానమురె జొర్నైకిరి మొర్నొదికిరి ఉటిలా యేసుక్రీస్తు కోసం కొయితల్లా సువార్తాక మీ ప్రకటించిలించి బులి జ్ఞాపకం కొరిగీండి. 9 మీ నేరస్దుడు ఈకిరి తల్లపనికిరి, సే సువార్త విసయంరె గొలుసునె సంగరె బందించిగీకిరి కొస్టొపొడిలించి, ఈనెను పురువురొ వాక్యముకు బందించినారిసె.

10 సడవల్లరె పురువుసంగరె ఏర్పర్చిగిల్లా మనమానె కోసం, నిత్యమైలా మహిమ సంగరంకా క్రీస్తుయేసు వల్లరె రక్సన పొందిమాసిబులి మియ్యి సొబ్బిటికు ఓర్చిగిల్లించి. 11 యే కొతా నమ్మకమైలాట, క్యాకిరి బుల్నే,

14 సునిలాలింకు చెడమరితాక గాని మరి కిడకు నాపైటికైలా కొతానె కోసం వాదం లొగ్గిత్తెనాండిబులి, ప్రబువు అగరె తాకు యదార్దంగా గద్దించికిరి ఏ సంగతీనె తంకు జ్ఞాపకము కొరొండి. 15 పురువు అగరె అంగీకరించబొడిలా పైటితా పనికిరి, నాలజ్జొపొడిలా పైటితా పనికిరి, సత్యవాక్యముకు బొల్లకిరి వివరించువురొ బిత్తరె తొత్తె తువ్వు పురువుకు దిగిపించిగిత్తే జాగర్తపొడు. 16 నాపైటికైలా సుచ్చ కొతానెకు దూరుగతాండి. సా కొతలగిలాలింకె మరి బడే బక్తినీలాలింకె ఊసె.

17 దేకు కైపీలా గా పాకిర్లాపనికిరి, తంకొతానె పాకుసె, తంకబిత్తరె హుమెనైయు, పిలేతు సాబోదకొరిలీసె.

18 తంకె పునరుత్దానము గతించిజేసిబులి కొయికుంటా సత్యం విసయమురె తప్పిజీకిరి, కుండిలింకురొ విస్వాసముకు చెడమరిలీసె. 19 ఈనెను పురువురొ స్తిరమైలా పునాది నిలకడగా అచ్చి. ప్రబువు తా లింకు ఎరక బుల్లాట ప్రబువు నాకు ఒప్పిగిల్లా సొబ్బిలింకు దుర్నితిదీకిరి బాజిమ్మాసి బుల్లాట సడకు ముద్రగా అచ్చి.

20 గుటె గొర్రె బడే పాత్రనె తాసె. తాండ్రె కుండె వెండి గిన్నానె, కుండె సున్న గిన్నానె, ఇంకాకుండె బడ్డీనెదీకిరి, మట్టిదీకిరాంక కొర్లాంచ తాసె, తాండెబిత్తరె కుండె విలువరొల్లా పనికిరి ఇంకుండె విలువనీలాంచ పనికిరి ఉపయోగించబొడివె. 21 కేసెయీనెను ఎడబిత్తరె నాచేరికిరి తాకు సెయ్యాక పవిత్ర పర్చిగిన్నె సెయ్యె పరిసుద్దంకొరిగీకిరి, యజమానుడు వాడిగిత్తే అర్హతయిలా సొబ్బి సత్కార్యములుకు సిద్దపర్చిబొడికిరి విలువ నిమిత్తమైలా పాత్రయికిరి అచ్చె.

22 తువ్వు బెండరొ ఆసానె సడదీకిరి, పవిత్ర హ్రుదయం కలిగీకిరి నీతిరె, విస్వాసమురె, ప్రేమరె, సమాదానముకు సంపాదించిగిత్తె ప్రబువుకు ప్రయత్నం కొరొండి.

23 బుద్దిహీనిలైలాపనికిరి నాపైటికైలా లగానుకు దూరుగాతా సాటనెల్లా కొలీనెకు బట్టొ కడుసె.

24 ప్రబువురొ దాసుడు, కొలీనె నాలక్కుంటా సొబ్బిలింకె ఉంపరె దయగలికిరి బొల్ట సహనము సంగరె బోదించితె సమర్దుడైకిరి రొమ్మాసి. ఇంకా కీడు సహించిలాటైకిరి రొమ్మంచి.

25 సత్యంకు తెలిసిగీకిరి మారుమనుసు పొందితె పురువు తంకు అవకాసం దీసి బులి వివేకం కలిక్కిరి తో విరోదీనెకు సరికొరుమాసి. 26 సడవల్లరె అపవాది తా ఇస్టము చొప్పురె బందించికిరి అంకె సడరొ ఉరి తీకిరి మెలుకువ కలిక్కిరి తప్పించిగిపారె.

<- 2 తిమోతి 12 తిమోతి 3 ->