1 బూమి ఉంపరె అం గొరొ, అం దే యీలా యే గొరొ బంగిజిన్నన్నా, పరలోకంరె అత్తొపైటినీకిరి పురువుదీకిరి బందిలాట నిత్యమైకిరి తల్లా గొరొ పరలోకంరె అముకు అచ్చి బులికిరి తెలుసు. 2 అమె దిగంబరులుగా నీకిరి కొన్నానె పిందిగిల్లాపనికిరి దిగదిలించొ. ఈనె పరలోకందీకిరి అయిలా గొరొ ఎడంపరె దరించిగిల్లా గొప్ప ఆస సంగరె ఎడబిత్తరె ఎదురుదిగిలించొ. 3 సే దే దరించిగిల్లా బెల్లే అమె కొన్నానె నీలలింకె పనికిరి తన్నింతొ. 4 అమె యే లోకంరె తల్లా బెల్లే బౌతికమైలా దేకు దరించిగిమ్మో గని పరలోకంరె తల్లాబెల్లె పరలోక సాస్వతమైలా దేకు దరించిగీకిరి సాస్వతంగా జీలాట పనికిరి మార్పు చెందుంచొ. 5 సడ వల్లరె అముకు సిద్దపరిచిలాట పురువు; ఈనె సెయ్యె తా ఆత్మ బుల్నే సంచకరువుకు అముకు అనుగ్రహించిలీసి. 6 ఈనె ఏ దే బిత్తరె రొల్లెత్తెకలొ ప్రబువుకు దూరుగా అయించొబులి తెలిసికిరి కెబ్బుకు దైర్యముగలలింకె పనికిరి అచ్చొ. 7 ద్రుస్ట వల్లరె నీకిరి విస్వాసము వల్లరాక సలిగిల్లించొ. 8 యాకిరి దైర్యము గలిగీకిరి ఏ దేకు సడికిరి ప్రబువు పక్కరె[a] రొయిత్తె ఇస్టపొడిలించొ. 9 ఈనె సడకు దే బిత్తరె తన్నన్నా దేకు సడిదిన్నన్నా, తాకు ఇస్టులూగ తమ్మాసిబులికిరాక అం లక్స్యం.

10 అమల్లా క్రీస్తు న్యాయపీటం అగరె టారిమంచె. కిరుకుబుల్నే ప్రతిజొనె దేసంగరె జరిగించిలా సెడ్డపైటి ఈనన్నా, సడ బొల్ట పైటి ఈనన్నా, నాబొల్టయినెను, తగిలపనికిరి ప్రతిపలం పొందిమంచె.