1 Chaypitanami ricarä mushoj pachata,*Isa. 65.17; 66.22; 2Ped. 3.13 mushoj syëluta. Ñaupa caj pachapis, ñaupa caj syëlupis illgashana caran. Lamarpis mana carannachu. 2 Ricarä mushoj Jerusalén siudätapis*Isa. 52.1 Tayta Diospa ñaupanpita bäjaycämojta.*Gál. 4.26; Apoc. 3.12 Casarananpaj mushoj röpan jatisha jipashno cuyayllapaj caycaran.*Isa. 61.10; Apoc. 19.7–8 3 Chaychömi wiyarä sillun cajpita sinchipa cayno nimojta:

9 Nircurnami ganchis anjil caycashanpita juc anjil nogaman shamuran. Chay ganchis anjilcunaga cada-ünun bäsucunacho chararaycaran*Apoc. 16.1 ganchis castïgu chayamunanpaj cajta. Nogaman shamoj anjilmi nimaran: «Shamuy. Cashni uyshapa majan cananpaj cajta ricachishayqui.» 10 Ribilamashpan anjil pushamaran jatun altu jircaman. Chaychömi ricachimaran Tayta Dios cajpita mushoj Jerusalén*Eze. 40.2 bäjaycämojta. 11 Chay siudäga Tayta Diospa achicyayninwanmi cuyayllapaj espëjuno achicyaycachaycaran. Gueshpi rumino achicyaycachaycaran. 12 Chay siudäga altu pergawan curalasha caycaran. Chay curralga caran chunca ishcay puncuyoj. Cada puncunchömi juc anjil caycaran. Chunca ishcay trïbupa jutincunapis juc-cama cada puncucho isquirbiraycaran. 13 Quimsa puncucuna caran inti yagamunan caj-läpa, quimsa cajna inti yaganan caj-läpa, quimsa cajnami norte caj-läpa, quimsa cajna sur caj-läpa.*Eze. 48.30–35 14 Chay perga caycaran chunca ishcay rumicuna janancho. Cada rumicunachömi juc-cama Jesucristupa chunca ishcay apostulnincunapa*Efe. 2.20 jutin isquirbiraycaran.

15 Nogawan caycaj anjilmi gori bärata aptacurcur aywaran chay siudäta, puncuncunata, pergantapis tupumunanpaj.*Eze. 40.3 16 Chay siudäpaga altunpis, anchunpis, largunpis iwal-llami caran. Anjil tupuptin chay siudä caran ishcay waranga ishcay pachacnin (2,200) kilömetru. 17 Nircurna perganta tupuran. Chay pergapa anchunmi caran sojta chunca pichga (65) metrun. Runa tupucunan bärawanmi tupuran.

18 Chay pergaga jaspe rumicunapitami caran. Siudäga goripitami caran espëjuno achicyaycachaycaj. 19 Chay pergapa simintonga chunca ishcay cuyayllapaj rumicunawanmi caran. Rimir caj rumi caran jaspe; ishcay caj rumi zafiro; quimsa caj rumi ágata, chuscu caj rumi esmeralda; 20 pichga caj rumi ónice; sojta caj rumi cornalina; ganchis caj rumi crisólito; pusaj caj rumi berilo; isgun caj rumi topacio; chunca caj rumi crisoprasa; chunca juc caj rumi jacinto; chunca ishcay caj ruminami amatista. 21 Chay pergapa puncuncunami cada ünun caran juc perlaspita rurasha.*Isa. 54.11–12 Chay siudäpa jatun caj cällinmi caran achic-achicyaycaj goripita.

22 Chay siudächöga Templuta manami ricarächu. Templu cananpa ruquenga munayniyoj Tayta Dios y Cashni uyshami Templu caycaran. 23 Chay siudäta quiquin Tayta Dios*Isa. 60.19–20 y Cashni uysha*Juan 8.12 achicyapaptinmi intipis ni quillapis mana canganachu. 24 Llapan nasyuncunapis Tayta Diosninchïpa siudänin achicyashallanwanmi cawanga.*Isa. 60.3 Chay nasyuncunapa mandajnincunapis chay siudämanmi riquësancunata apanga. 25 Siudäpa puncuncunaga manami imaypis wichgarangachu. Chaychöga pacha manami chacangachu.*Isa. 60.11 26 Llapan runacunami chay siudäman riquësancunata apanga. 27 Chaychöga caycanga Cashni uyshapa libro de bïdancho jutincunata apuntasha cajcunallami. Chaychöga manami cangachu juchasapacuna,*Isa. 52.1; Eze. 44.9 pengaypaj llutanta rurajcuna ni llullacojcunapis.

<- APOCALIPSIS 20APOCALIPSIS 22 ->