1 Tayta Dios, gayacaycämushäta wiyaycamay ari.

¡Mañacaycämushäta wiyaycamay ari!

2 Callpaynajnönami caycä.

Chaymi cay pachapa juc cuchunpita-pacha gayacaycämö.

Salbacunäpaj altunnin gagaman pushamay.

3 Gammi canqui pacacunä.

¡Gamga mana juchoj törrinömi chiquimajcunapita chapämanqui!

4 Gampa wasiquichömi imaycamapis goyayta munä.

Älayqui rurinman pacaycamay ari.*Deut. 32.10–11; Sal. 17.8; 63.7; 91.4

5 Tayta Dios, gamga wiyamashcanquimi imata ruranäpaj aunishätapis.

Chaymi rispitashoj runacunata aunishayquita nogatapis gomashcanqui.

6 Raytaga unaycama cawaycachiy ari.

Payga unay-unaycama cawachun ari.

7 Gampa bindisyunniquiwan ray cachun unaycama.

Cuyacoj, llapantapis cumlej cashayquimanno ricaycuy ari.

8 Chaynöpami imaypis alabaycäshayqui.

Aunishäcunatapis waran-waranmi cumlishaj.

<- SALMOS 60SALMOS 62 ->