Oseas ¿Tayta Diosnillanchïchu japallan Dios? ¿Juccunata u runacuna «dios» nishancunata aduraptinchi allichuraj caycan? ¿Pitaj caran? Oseas ninan caycan «Tayta Diosmi salbacoj» ninanmi. Norte caj lä Israelchömi payga profëta caran. ¿Maychötaj willacuran? Oseasga Israel-masincunatami willaparan. Chay norte caj-läpa capitalnin Samaria siudächo tiyaj runacunaga rïcu y alli-tucurmi goyaran. ¿Imaytaj isquirbiran? Oseas capítulo 1.1 niycan guepa caj Jeroboam Israelcho ray cashan-wichan willacushantami (783–743 a.C.). ¿Imataj caycan cay librucho? Oseastaga Tayta Dios niran mañösa warmiwan majachacänanpaj y chay warmicho wamrancuna cananpaj. Chay warmenga mañösa cashpanmi jucwan cacuran. Oseastaga cachaycuran (1–3). Chay willapawan Tayta Dios tantiyaycächimanchi payta mana wiyacuptinchi, mana cuyaptinchi juc dioscunata aduraptinchi pay imanöpis ricacushantami. Juc runa warminwan majachacar parlashanga caycan paycuna imanöpis cawananpämi. Chaynömi caycan TAYTA DIOSNINCHI Israelcunawan conträtu rurashanpis. Cananeo runacunapa diosninta adurar Israelcunaga cachaycuran munayniyoj Tayta Diostami (2.5, 8, 12, 18, 21, 22; 9.11, 14). Paycunapäga cananeocunapa diosnincunami munayniyoj caycan. Chaymi Oseas niycan TAYTA DIOSNINCHÏTA Israelcuna mana rejsishanta (4.1, 6; 8.2, 3).
1 Beeripa wamran Oseasta Tayta Dios willapashanga caynömi caycan. Chayta willaparan Judäpa raynincuna Uzías,*2Rey. 15.1–7; 2Crón. 26.1–23 Jotam,*2Rey. 15.32–38; 2Crón. 27.1–8 Acaz,*2Rey. 16.1–20; 2Crón. 28.1–27 Ezequías*2Rey. 18.1–20.21; 2Crón. 29.1–32.33 cashan wichan, Israelpa raynin Jeroboam*2Rey. 14.23–29 cashan wichanmi. Jeroboamga caran ray Joaspa wamranmi.
Oseaspa warmin y wamrancuna 2 Oseasta rimëru willapar Tayta Dios cayno niran: «Israelcunaga nogata mana cäsumashpan juc dioscunamanmi aywasha mañösa warminöpis. Cananga, gampis mañösa warmita ashicurcuy. Chay warmicho wamrayquicuna cachun.»3 Chaura Oseasga Gomerta ashiran. Gomerga caran Diblaimpa wamran. Chay warmicho Oseaspa wamran yuriran ollgu. 4 Chaura Tayta Diosga Oseasta niran: «Wamrapa jutinta churapay ‹Jezreel› nir.*2Rey. 10.11 Chaynöga jutinta churapanqui Jezreelcho ray Jehú runacunata wañuchishanpita castiganäpaj captinmi. Jehüpita mirar aywajcunata castiganäpaj wallcanami pishin. Israelcho ray manana cananpämi castigashaj. 5 Chay junäga Jezreel guechwachömi illgächishaj Israelpa munayniyoj suldäruncunata.»
6 Chaypitaga warmin Gomercho yapay wamran caran. Chay wamranga caran warmi. Chaura Oseasta Tayta Dios niran: «Chay wamrapa jutinta churapay ‹Lo-ruhama›*Hebreo rimaycho Lo-ruhama jutiga manami cuyänachu ninanmi. nir. Jutin chaynöga canga Israelcunata manana cuyapänäpaj captinmi. Manami perdunashänachu. 7 Judá nasyun cajtami ichanga cuyapäshaj. Quiquëmi salbashaj. Nogaga salbashaj manami guërrawanchu, lëchawanchu, sabliwanchu, cawallucunawanchu, ni cawalluta muntacuy yachajcunawanpischu.»*Zac. 4.6
8 Lo-ruhamata wasguishanpitaga Gomer yapay gueshyaj ricacuran. Gueshyacuptin chay wamranga caran ollgu. 9 Chaura Oseasta Tayta Dios niran: «Wamrapa jutinta churapay ‹Lo-am훆Hebreo rimaycho Lo-amí jutiga manami marcänachu ninanmi. nir. Chaynöga jutin canga gamcuna manana acrashä runacuna captiquimi. Ni Nogapis manami Diosniquinachu cä» nir.
Israelcuna allina goyänanpaj cashan 10 Juc junajmi ichanga Israelcuna cangapaj lamar cantuncho agush goturaycajnöraj. Manami pipis yupayta atipangapächu.*Gén. 22.17 Ñaupata «Gamcuna manami acrashä runacunachu canqui» nishushayqui pachachömi Dios nishunquipaj: «Gamcuna canqui cawaj Diospa wamrancunami» nishpanna.*Rom. 9.25–26 11 Chauraga Judá runacunawan Israel runacuna jucllachacar iwalnami goyanga. Jucnayllatanami mandajnin cananpäpis churanga. Chauraga may-chaypitapis Jerusalenmanmi cutenga. ¡Chay junaj Jezreelchöga fiyupa cushicuymi cangapaj!
OSEAS 2 ->
*1:1
2Rey. 15.1–7; 2Crón. 26.1–23
*1:1
2Rey. 15.32–38; 2Crón. 27.1–8
*1:1
2Rey. 16.1–20; 2Crón. 28.1–27
*1:1
2Rey. 18.1–20.21; 2Crón. 29.1–32.33
*1:1
2Rey. 14.23–29
*1:4
2Rey. 10.11
- ~7~ Hebreo rimaycho Lo-ruhama jutiga manami cuyänachu ninanmi.
*1:7
Zac. 4.6
- ~9~ Hebreo rimaycho Lo-amí jutiga manami marcänachu ninanmi.
*1:10
Gén. 22.17
*1:10
Rom. 9.25–26
1 Beeripa wamran Oseasta Tayta Dios willapashanga caynömi caycan. Chayta willaparan Judäpa raynincuna Uzías,*2Rey. 15.1–7; 2Crón. 26.1–23 Jotam,*2Rey. 15.32–38; 2Crón. 27.1–8 Acaz,*2Rey. 16.1–20; 2Crón. 28.1–27 Ezequías*2Rey. 18.1–20.21; 2Crón. 29.1–32.33 cashan wichan, Israelpa raynin Jeroboam*2Rey. 14.23–29 cashan wichanmi. Jeroboamga caran ray Joaspa wamranmi.
3 Chaura Oseasga Gomerta ashiran. Gomerga caran Diblaimpa wamran. Chay warmicho Oseaspa wamran yuriran ollgu. 4 Chaura Tayta Diosga Oseasta niran: «Wamrapa jutinta churapay ‹Jezreel› nir.*2Rey. 10.11 Chaynöga jutinta churapanqui Jezreelcho ray Jehú runacunata wañuchishanpita castiganäpaj captinmi. Jehüpita mirar aywajcunata castiganäpaj wallcanami pishin. Israelcho ray manana cananpämi castigashaj. 5 Chay junäga Jezreel guechwachömi illgächishaj Israelpa munayniyoj suldäruncunata.»
6 Chaypitaga warmin Gomercho yapay wamran caran. Chay wamranga caran warmi. Chaura Oseasta Tayta Dios niran: «Chay wamrapa jutinta churapay ‹Lo-ruhama›*Hebreo rimaycho Lo-ruhama jutiga manami cuyänachu ninanmi. nir. Jutin chaynöga canga Israelcunata manana cuyapänäpaj captinmi. Manami perdunashänachu. 7 Judá nasyun cajtami ichanga cuyapäshaj. Quiquëmi salbashaj. Nogaga salbashaj manami guërrawanchu, lëchawanchu, sabliwanchu, cawallucunawanchu, ni cawalluta muntacuy yachajcunawanpischu.»*Zac. 4.6
8 Lo-ruhamata wasguishanpitaga Gomer yapay gueshyaj ricacuran. Gueshyacuptin chay wamranga caran ollgu. 9 Chaura Oseasta Tayta Dios niran: «Wamrapa jutinta churapay ‹Lo-am훆Hebreo rimaycho Lo-amí jutiga manami marcänachu ninanmi. nir. Chaynöga jutin canga gamcuna manana acrashä runacuna captiquimi. Ni Nogapis manami Diosniquinachu cä» nir.
- ~7~ Hebreo rimaycho Lo-ruhama jutiga manami cuyänachu ninanmi.
*1:7 Zac. 4.6
- ~9~ Hebreo rimaycho Lo-amí jutiga manami marcänachu ninanmi.
*1:10 Gén. 22.17
*1:10 Rom. 9.25–26
*1:1 2Rey. 15.1–7; 2Crón. 26.1–23
*1:1 2Rey. 15.32–38; 2Crón. 27.1–8
*1:1 2Rey. 16.1–20; 2Crón. 28.1–27
*1:1 2Rey. 18.1–20.21; 2Crón. 29.1–32.33
*1:1 2Rey. 14.23–29
*1:4 2Rey. 10.11