4 माया सहन करनवारा सेत अना दयालू सेत। माया न तो जलन करासेत ना डीग हाका सेत ना गरब करा सेत। 5 माया सोभा नही देवनवारा बेवहार नही करा सेत। उ आपरो सुवारत नही ढूढा सेत। माया न तो हिजड़ा सेत अना बुराई को गिनती नही राखा सेत। 6 उ अन्याय लक नही, पर सच्चो चाल लक खूस होवासेत। 7 उ सबा काही ला ढाँक देसे, सबा काही पर भरोसा ठेवा सेत। सबा काही को आस राखासेत, अना सबा सह लेवा सेत।
8 भविस्यवानी चली जाहेत भासा मुका हो जाहेती। अना गियान मीट जाहेती, पर माया को अन्त नाहती। 9 काहेकी आमरो गियान, अना आमरो भविस्यवानी अधूरो सेत। 10 अना जबा पूरो आय जाहे, तो जोन पूरो नाहती वा मिट जाहेती।
11 जबा मी लेकरा होतो तो मी लेकरा बारा जसो बिचार करत होतो। लेकरा जसो होतो अना वसोच समज होती। पर जबा मी सियानो बन गयो, तो लेकरा जसो गोस्टी छोड़ दियो। 12 अबा अमीला आरसा मा धुधरो-धुधरो चोवा सेत पर वोना बेरा तहताज चोवबिन। अबा तो मोरो गियान अधूरो सेत, पर तबा मी वसोच पूरो लक जानीन, जसो परमेस्वर मोला जानिसेस।
13 पर अबा भरोसा, आस, माया यो तीन हमेसा रव्हेत, पर यो सबा लक मोठो पिरेम सेत।
<- 1 कुरिन्थियो 121 कुरिन्थियो 14 ->