1 Ma weni berasi ituputupuwa na Sol nani kamonai, tuna mani matanai ikitai ma ivi vaghinei da Sitivin ikiivunui.
3 Ma Sol ivi karei da vitumaghana damsi ivivi tupaketowanesi. Numa nununai tomotomowa ma wivine ititinakwarokwarosi da ku gabura itereteresi.[a]
14 Aposol Jerusalem kamonai ivi yanei da Sameriya damsi God vonana ivi tumaghanei na Pita da Jon ivonatawesi kurisi. 15 Ivi ruwa inekiibau ku Sameriya na inipowana vitumaghana damsi vusi kubiisi da Kanuma Vovokaravina ita towatepanisi, 16 iyamna Bada Yesu avanai kava ibabataito ma Kanuma Vovokaravina ke ita viiya. 17 Ma Pita da Jon imasi ku tepasi iterei na Kanuma Vovokaravina itowatepanisi.
18 Ma Saimon ikitai ikikava aposol imasi wawaya ku tepasi iterei da Kanuma Vovokaravina itowatepanisi na mane ivororona kurisi da nani rewapanina ita gimari. 19 Ma ivonesi bo, “Taku bade rewapana kovereku da iyavo kava imaku ku tepasi ana tereterei na Kanuma Vovokaravina ina viiya.”
20 Ma Pita ivonapotei bo, “Tam ma am mane yavata ku keyama karata makamakii nonowina kona nae! Ikikava kunotai da God ina puyo kuta gimari? 21 Nuwanuwam didibarina God ku matana, tuna kubiine weni bigana kamonai ke kuna biga! 22 Am bera berona kevi nuwapoyei ma kemiirikupukuputei. Ma Bada kurina kenipowana da mikeda am nota berona ina notatawei. 23 Damim aviiya da nuwakapi nuwanuwam ivi beroi ma bade am berabero ipatumim.”
24 Ma Saimon ivi nowi kirakai, ivona bo, “Kubiiku konipowana Bada kurina da aviyavisina kovi sisiyei na ke ina tupuwa kuriku.”
25 Pita da Jon i vitumaghana ivi mamatara ikovi ma Bada Vonana idima yavui na ivomiiri da ita vovira ku Jerusalem. Ma Sameriya dobuna kamonai ibaba inenae na kwanatu nununai Bada Varana Biibiina idimadimei.
31 Ma Itiyopiya tomowina ivonapotei bo, “Kegha, ke ata viiviiya. Ke sago wawaya da iti debei kuriku.” Ma tomowina Piripo ivonei da ita ghae ita geru. 32 Ma giruma katamana ivivi yavi na weni,
34 Ma tomowina Piripo ivi tarakiiyanei bo, “Kuta voneku, peroveta tuna mani ivi sisiya meyei bo wawaya sago isisiyei?” 35 Vaghina ma Piripo nani girumina tepanai sisiya ivi karei da Yesu Varana Biibiina ivi debei kurina. 36 Ketiyai inenae da ku okowa inekiibau ma Itiyopiya tomowina ivona bo, “Kekitai, wena okowa. Vaghina bo kegha da ana babataito?” 37 (-)[f]
38 Ma tomowina ivona na ina seriyoti ivi kiimiiiriyei. Ma ivi ruwa ioru ku okowa da Piripo tomowina ibabataitoi. 39 Okowai igheghae na yaghiyaghinai Kanuma Vovokaravina Piripo iviitawei da Itiyopiya tomowina ke ita kita meyei. Ma tomowina ere nuwabiibiina inae. 40 Ma Piripo, Asotas kwanatunai irumatara ma baba ivi karei. Kwanatu nununai Yesu varana biibiina idimadimei inenae da ku Sisariya kwanatuna inekiibau.
<- Aposol 7Aposol 9 ->- a Apos 22:4-5, 26:9-11
- b Weni Itiyopiya tomowina na ivi gagari, igina iviiya.
- c Itiyopiya damsi i kiki da i kiikiivavo tomotomowisi na ke sago biga ita berai. Tuna kubiine i maduwa na dobu ivivi badei. Ma meni kiivavona ina maduwa nani bigana iberaberai na ivonavona da wavinena na Itiyopiya damsi i ‘Kandasi.’
- d Seriyoti na keta wakana, tuna wawaya igerugeru ma hosi sago bo ruwa etitini.
- e Isa 53:7-8
- f Mara katamaninai giruma damsi peyarisi ves 37 ke ita terei. Ma viya na weni nakanani igirumi: ‘Piripo ivona bo, “Nuwanuwam kudubina kuni tumaghana na ana babataitom.” Ma tomowina ivonapotei, “Yesu Keriso aitumaghanei da tuna God Natuna.” ’