1 Gée na càùé, â go têre ê pwâratùra na maina, naa na ê ére na dau pwicîri, na é ina tà i 7 *angela pâ: «Guwà pâra, â guwà wicèpwiri ê pâ wâra jawé naa gòropuu, ba câmu kâra ê pwâra putàmu kà Pwiduée.»
13 Nabwé, â go côo pâ âracié duée na miiri, na rà pwacèwii ê pâ gérenu[i]. Â rà jèpa còobé gée na pwâ i pwi Dàragô, ma wà Itémuru, ma i pwi péroféta, pwi a pwâ, [na ina gooé mwara pâ pwi macii na èpà][j].
14 [k]Wà tèpa duée bèepwiri, âna [pwa pàtàmarà ma] rà pwa pâ câmu, na rà pò goo pâ âboro. Â rà pâ nau panaimari tèpa ukai wâni gòropuu, ba na rà pipaa dà Pwiduée, na ê Tòotù na é jèe pacoo. [Na pwi Tòotù bèepwiri, âna ée mwa piétò, ma pitèi ê gòropuu diri wà Pwiduée. Ba wàé co na] dau pwa pàtàmee naa gòro diri ê pâ muru.
15 [l]É ina wà Pwi Ukai Iésu pâ: «Guwà têre bwàti, ba go o mwa wâjué me côwâ[m], [â go péa papòwà] pwacèwii pwi a mura naa ne. Â cidòri nyuâa pwi âboro na é tà tàcî, ma pwabwàti ê pâ ârabwée kêe. Ba péa é tà cicàpé, â ée mwa kamu wiàna côoê.»
16 [n]Wà tèpa duée âna rà panaimari tèpa ukai gòropuu, naa na jè nadàbo, na ina goo pâ Harmaguédon goro pwa *hébéru.
18 [o]Â nye pwa âra kaa tikakara, â é kûu. Â nye tèepaa kaa ê kakürubwaanu na dau maina. Â càcaa pwa cè gù napuu cèna wàrapwiri, tapoo gée na é tèepaa pwi âboro naani gòropuu. 19 [p]Â téura pâ ville na wâru wâ gòropuu. Â po pitadàrùé ma âracié pàara, ê ville maina[q]. Ba nye wàrapwiri kaa ê wârimuru na é naa târa ê ville Babulona wà Pwiduée. Ba é pawâdooé goro dipâa, na tòo goro ê pwâra putàmu kêe.
20 [r]Â diri ê pâ pô ma jaa, âna rà jèpa ipiina, gée goro ê kakürubwaanu. 21 [s]Â rà nye tûu kaa gée napwéretòotù, pâ pàiri popaa na moo, na po dau maina, pwacèwii ê baikè cima[t] na tûu naa gò tèpa âboro. Â rà pinabaèpà Pwiduée goo wà tèpa âboro. Ba dau maina awé pâ bétubatòina bèepwiri.
<- Auinapàpari 15Auinapàpari 17 ->- a Exode 9.10; Auinapàpari 13.12–17
- b Céepwâa—Souffrir, être dans l'affliction.
- c Exode 7.17–21
- d Psaume 19.10; Auinapàpari 15.3
- e Auinapàpari 9.20–21
- f Exode 10.22; Ésaïe 8.21–22
- g Ésaïe 11.15
- h Auêgòdò tòotù—L'est.
- i Gérenu—Munaa ucina goo ê popai kà tèpa duée bèepwiri na miiri.
- j Na ina gooé mwara pâ, pwi macii na èpà—Côo Auinapàpari 13.11.
- k Auinapàpari 19.19
- l Mataio 24.43–44; Auinapàpari 3.3
- m Go o mwa wâjué me côwâ—Bénabwé pai tèepaa me kà Iésu.
- n Zakarie 12.11
- o Auinapàpari 4.5, 8.5
- p Auinapàpari 14.10
- q Ê ville maina—Munaa Babulona (ucina goo Roma. Côo note goo Auinapàpari 17.1), é, pwiri Iérusaléma.
- r Auinapàpari 6.14
- s Exode 9.23–24; Auinapàpari 11.19
- t Ê baikè cima—Grec: Caapwi talent. Câmu kêe, âna 35–40 kilo.