100
Melkahkahn Kaping bTITLE NI MAHSEN EN IPRU: Melkahkahn kapingkalahngan.
1 Tohn sampah koaros, kumwail kokouliong KAUN-O!
2 Kumwail pereperen kaudokiong KAUN-O
oh patohdo mwohn silangi ngisingiski amwail koul!
3 Dehr manokehla me KAUN-O, iei ih Koht.
Ih me ketin wieikitailda, oh ih me kin sapwellimankin kitail;
kitail me sapwellime aramas, kitail me sapwellime pelin sihpw.
4 Kumwail pedokihlong nan kelen Tehnpaso amwail koulen kaping;
kumwail patohlong nan sapwellime mwoahl sarawi ni kapingkalahngan.
Kumwail patohwanohng amwail kapingkalahngan oh kapikapinga.
5 KAUN-O me kalahngan;
sapwellime limpoak kin poatopoatete
oh e kin ketin dadaurete sapwellime loalopwoat kohkohlahte.1 Kron. 16.34; 2 Kron. 5.13; 7.3; Esra 3.11; Mel. 106.1; 107.1; 118.1; 136.1; Ser. 33.11.
<- MELKAHKA KAN 99MELKAHKA KAN 101 ->
b^ TITLE NI MAHSEN EN IPRU: Melkahkahn kapingkalahngan.
100:5: 1 Kron. 16.34; 2 Kron. 5.13; 7.3; Esra 3.11; Mel. 106.1; 107.1; 118.1; 136.1; Ser. 33.11.