PAILIMWON Oaralap en Kisinlikou wet Pailimwon tohn mwomwohdiso ndand men en Kolose, me naineki ladu men, ede Onesimus. Ladu menet tangasang reh, oh mwuhr e tuhwong Pohl ni ahnsou me Pohl mihmi nan imweteng. Pwehki Pohl, Onesimus ahpw soulengla. Nein Pohl Kisinlikou ong Pailimwon, iei en Pohl eh koangngoangehki Pailimwon en nsenamwahula oh mahkohng eh laduwo, me Pohl kadaralahng oh mahsanihalahng en kasamwo, kaidehkte nin duwen eh ladu men me aleier mahkpen eh sapwung, ahpw nin duwen rie souleng men. Audepe ni Oaralap Tepin kisinlikou 1-3 Kapingpen Pailimwon 4-7 Pekipek ngidingid pwehki Onesimus 8-22 Kaimwiseklahn kisinlikou 23-25
1 Sang Pohl, me sensel pwehki Krais Sises, oh pil sang riatail Timoty—
Ong kompoakepaht oh iangat soundoadoahk Pailimwon, 2 oh tohn mwomwohdiso me kin pokonpene nan imwomwi, oh ong riat lih Appia, oh pil ong iangat sounpei Arkipus: Kol. 4.17.3 Koht Samatail oh atail Kaun Sises Krais en ketikihong kumwail kalahngan oh popohl.
En Pailimwon eh Limpoak oh Pwoson 4 Riei Pailimwon, ni ahnsou koaros en ei kapakap I kin tamankomwihda oh kapingkalahngan ong ei Koht, 5 pwehki ei rongehr duwen omwi limpoak ong sapwellimen Koht aramas akan koaros, oh pil duwen omwi pwoson atail Kaun Sises. 6 I kin kapakapki pwe atail miniminpene ni atail pwoson en kahrehiong kitail en wehwehkihla mehlel duwen kapai kan koaros me kitail ahnkipene nan atail mour rehn Krais. 7 Kompoakepahi, omwi limpoaken me kahrehiong ie peren laud, oh e pil kakehlakaiehda. Pwehki omwi kin kaparanda mohngiong en sapwellimen Koht aramas akan koaros. Pekipek ong Onesimus 8 Eri, pwehki kahrepe wet, nin duwen riomwi souleng men rehn Krais, I pil kak koasoanediong komwi en kapwaiada dahme konehng en wiawi. 9 Eri soh, limpoak me kahrehiong ie ei pekipek rehmwi. Eri, I wia met, mehnda ma ngehi Pohl, wiliepen Krais Sises, oh pil ahnsou wet I wie sensel pwehki ih. 10 Eri, I wiliandi Onesimus, me wiahier nei pwukat rehn Krais, oh wia pekipek wet ong komwi, pwe nan imweteng I wialahr eh pahpa ni pali ngehn. Kol. 4.9. 11 Ahnsou ehu mahs, sohte katepen ohl menet ong komwi, ahpw met e inenen katapan ong komwi oh pil ong ngehi.12 I pahn kadarewei Onesimus iangahkihwei mohngiongi. 13 I men en mihmihte rehi met, ni ei senselki rongamwahu, pwe en kak wiliankomwihdi oh sewese ie. 14 I sohte men idingohng komwi en sewese ie; ahpw, I men komwi en wia sang nan kupwuromwi. I sohte pahn wia mehkot ma komw sohte pahn pwungki.
15 Eri, mwein Onesimus dohkihsangehr komwi erein ahnsou kis, pwe en kak mihmi rehmwi kohkohlahte. 16 Pwe met, kaidehk ih ladu men, pwe e wadawadalahr; e wialahr kompoakepahi souleng men rehn Krais. Met me inenen katapan ong ie! Oh ia uwen eh pahn katapan ong komwi, nin duwen ladu men oh pil riomwi souleng men rehn Kaun-o!
17 Ma komw kupwukupwure me ngehi kisehmwi, eri, komwi pil kasamwo duwehte omwi kin kasamwo ie. 18 Ma e wiahiongkomwiher sapwung ehu, de pweipwandkihong komwi mehkot, komwi ntingihediong nan nei pwuhk. 19 Met, I pahn kilelehkihdi pein mengin pehi: Ngehi Pohl pahn kapwung ong komwi. (Mehlel, I sohte uhdahn anahne katamankin komwi me komw pweipwandkihong ie pein omwi mour.) 20 Eri, riei, menlau kapwaiada anahn wet pwehki Kaun-o, komw kaparanda mohngiongiet nin duwen riei men rehn Krais.
21 I uhdahn ese, ni ei ntingwei, me komw pahn kapwaiada dahme I pekiet, ahpw ni mehlel I ese me komw pahn wia me laudsang. 22 Komw pil kaunopadahng ie ehu perehn, pwehki I koapworopworki me Koht pahn ketin sapeng amwail kapakap akan oh kapwureiewei rehmwail.
Kaimwiseklahn Rahnmwahu kan 23 Epapras, me pil iang ie sensel nan imweteng pwehki Krais Sises, pil iang ie kadarowohng komwi eh rahnmwahu, Kol. 1.7; 4.12. 24 pil duwehte iengei soundoadoahk kat, Mark, Aristarkus, Demas, oh Luk. Wie. 12.12, 25; 13.13; 15.37-39; Kol. 4.10; b Wie. 19.29; 27.2; Kol. 4.10; c Kol. 4.14; 2 Tim. 4.10; d Kol. 4.14; 2 Tim. 4.11.25 Kalahngan en atail Kaun Sises Krais en ketin ieiang kumwail koaros.
1:24:
Wie. 12.12, 25; 13.13; 15.37-39; Kol. 4.10; b Wie. 19.29; 27.2; Kol. 4.10; c Kol. 4.14; 2 Tim. 4.10; d Kol. 4.14; 2 Tim. 4.11.
1 Sang Pohl, me sensel pwehki Krais Sises, oh pil sang riatail Timoty—
3 Koht Samatail oh atail Kaun Sises Krais en ketikihong kumwail kalahngan oh popohl.
12 I pahn kadarewei Onesimus iangahkihwei mohngiongi. 13 I men en mihmihte rehi met, ni ei senselki rongamwahu, pwe en kak wiliankomwihdi oh sewese ie. 14 I sohte men idingohng komwi en sewese ie; ahpw, I men komwi en wia sang nan kupwuromwi. I sohte pahn wia mehkot ma komw sohte pahn pwungki.
15 Eri, mwein Onesimus dohkihsangehr komwi erein ahnsou kis, pwe en kak mihmi rehmwi kohkohlahte. 16 Pwe met, kaidehk ih ladu men, pwe e wadawadalahr; e wialahr kompoakepahi souleng men rehn Krais. Met me inenen katapan ong ie! Oh ia uwen eh pahn katapan ong komwi, nin duwen ladu men oh pil riomwi souleng men rehn Kaun-o!
17 Ma komw kupwukupwure me ngehi kisehmwi, eri, komwi pil kasamwo duwehte omwi kin kasamwo ie. 18 Ma e wiahiongkomwiher sapwung ehu, de pweipwandkihong komwi mehkot, komwi ntingihediong nan nei pwuhk. 19 Met, I pahn kilelehkihdi pein mengin pehi: Ngehi Pohl pahn kapwung ong komwi. (Mehlel, I sohte uhdahn anahne katamankin komwi me komw pweipwandkihong ie pein omwi mour.) 20 Eri, riei, menlau kapwaiada anahn wet pwehki Kaun-o, komw kaparanda mohngiongiet nin duwen riei men rehn Krais.
21 I uhdahn ese, ni ei ntingwei, me komw pahn kapwaiada dahme I pekiet, ahpw ni mehlel I ese me komw pahn wia me laudsang. 22 Komw pil kaunopadahng ie ehu perehn, pwehki I koapworopworki me Koht pahn ketin sapeng amwail kapakap akan oh kapwureiewei rehmwail.
25 Kalahngan en atail Kaun Sises Krais en ketin ieiang kumwail koaros.
1:24: Wie. 12.12, 25; 13.13; 15.37-39; Kol. 4.10; b Wie. 19.29; 27.2; Kol. 4.10; c Kol. 4.14; 2 Tim. 4.10; d Kol. 4.14; 2 Tim. 4.11.