1 Me tohto rehn me kalipilipala ko mweselsang Papilon oh pwuralahng Serusalem oh Suda, emenemen pwuralahng nan uhdake. Arail peneinei kan wie kokousoanki arail kalipilipala nan Papilon sang ni ahnsou me Nanmwarki Nepukadnesar ketin salihiraildi oh ketikilahng irail wasao. 2 Arail kaun ako iei Serupapel, Sesua, Nehmaia, Seraia, Relaia, Mordekai, Pilsan, Mispar, Pikpai, Rehum, oh Paana.
21-35 Aramas akan me ar pahpa kahlap ako kin kousoan nan kahnimw pwukat pil pwurodo:
36-39 Iet mwaren peneineien samworo kan me sapahldohsang arail kalipilipala:
40-42 Peneineien mehn Lipai kan me sapahldohsang arail kalipilipala:
43-54 Peneineien tohndoadoahk kan en Tehnpas Sarawio me sapahldohsang arail kalipilipala:
55-57 Peneineien sapwellimen Solomon sounpapah kan me sapahldohsang arail kalipilipala:
58 Uwen tohtohn kadaudok kan en tohndoadoahk en nan Tehnpas Sarawio oh sapwellimen Solomon sounpapah kan me sapahldohsang arail kalipilipala me 392.
59-60 Aramas 652 me towehda peneineien Delaia, Dopaia, oh Nekoda me sapahldohsang kisin kahnimw kan en Tel Mela, Tel Arsa, Kerup, Addan, oh Immer; ahpw re sohte kak kadehdehda ma irail iei kadaudok en Israel.
61-62 Peneineien samworo pwukat sohte diarada pwuhk ehu me kak kadehdehda wasa re kodoudousang ie: Apaia, Akkos, oh Parsilai. (Ohl me tepin kadaudok en samworo me adaneki Parsilai pwoudikihda lih emen sang nan peneineien Parsilai mehn Kilead oh uhd adanekihla eden en eh pwoudo eh pahpa.) Pwehki eh sohte sansal ihs me arail pahpa kahlap, kahrehda re sohte kak iang wiahla samworo. 63 Kepinahn mehn Suhs padahkihong irail me re sohte kak iang kepin konotki me kin meirong ong Koht lao e pahn mie samworo men me pahn kak doadoahngki Urim oh Dummim.[a][~2~]
68 Ni ahnsou me aramas kalipilipala ko lellahng ni Tehnpas en KAUN-O nan Serusalem, ekei kaunen peneinei ko ahpw patohwanda arail meirong sang ni nsenarail pwehn sewese kauwada sapahl Tehnpas Sarawio wasa me e kin mieo. 69 Re patohwanda uwen me re kak ong ni doadoahk wet, oh uwen kohl me re patohwanpene mihmi ni paun 1,030, silper paun 5,740, oh likoun samworo 100.
70 Samworo kan, mehn Lipai kan, oh ekei aramas ako ahpw soandiong nan de limwahn Serusalem; sounkoul ko, sounsilasil en Tehnpas Sarawio, oh tohndoadoahk en Tehnpas Sarawio soandiong nan kisin kahnimw keren kan; oh luhwen mehn Israel ko soandiong nan kisin kahnimw kan wasa me arail pahpa kahlap ako kin kousoan ie mahs.[~3~]
<- ESRA 1ESRA 3 ->