1 Iet me I men panaui maj: Komail nidinideki o kapakapki, o poekipoeki aramaj akan karoj, o wia danke. 2 Kapakapki nanmarki o jaumaj akan karoj, pwe jen meleilei o injamamau, wiawia me kon on Kot o mehlel. 3 Pwe I me mau o kon on atail Jaunkamaur Kot. 4 Me kotin men, aramaj akan karoj en dorela o lolekon kila melel. 5 Pwe Kot me ta men o wilia patail me ta men pun en Kot o aramaj akan, iet Aramaj Krijtuj Iejuj. 6 Me kotin wiala en aramaj karoj men pwaipwai, kadede en met, en lolok jili ni anjau me kon on. 7 I me i wia kila jaunkair o wanporon amen, i kin lokaia melel o jo likam, o jaunpadak on men liki kan ni pojon o melel. 8 I me i men, ol akan en kapakap ni waja karoj, ni ar pokada pa ar jaraui, jo makar o jo peikajal. 9 Pil dueta li akan, ren kapwadeki likau makelekel o lelapok, o tiak mau, a kaidin ni inid pit en mona, de kold, de manaman akan, de likau linan, 10 A me kon on li akan, me men kajaleda ar majak Kot ni ar wiawia mau kan. 11 Li akan en nenenla, ap padapadakki ni tiak en impimpai. 12 I jota mueid on li amen, en wiada padak, de kaunda ol, a en nenenla. 13 Pwe Adam me wiauier maj, a muri Ewa. 14 A kaidin Adam, me katiamaula, a li o me katiamaular, ap pupedi ni me japun. 15 A a pan dorela ni a naitik ma a pan podidi on pojon, o limpok, o jaraui, o tiak mau.