1 Iesu viteni minau vit, “Kitis selusien koanik heha min angelo koa lei kokoe en sios ten out Efeses kihit:

“Koanik selkatien koa ka ven kei koa vuli kat hitu oulu (7) mul en hen matu ka kei koa mual luhu en gol laet oulu (7).✡Rev 1:16,20; 3:1 2 Nalei kilea en umen takeih onami ka nalesi mukave mikur sakvisien keil ral min rendemien koa taveah. Nakilea keke milei sesein koakeil amusil tisaen. Koakeil avit avi eiloheh keil onak ka arvitei anatin, kami milei rahit moulien one ka mivotini keke keil avi uti luvosien. ✡Rev 3:1,8,15; 1Sion 4:1 3 Nakilea mun keke mikur sakvisien keil ral min rendemien koa taveah. Mikur mahien houlu ven isok, ka en demkatien onami, mimulomal keih veah, avemi romahtei.

4 “Ka tounah ekek nakur kati va kat kami: milokovein envatien koa, mulamu, mirie lati minau ka min meatin sav keil. 5 Mihendem kat sakien ten envatien koa mirie lati mulamu, ka mihelei kilea keke kosa mimul soutin ranau ka mirrie lattei mun sakien ten envatien. Sakini, mihiles ran tisaen onami enek ka mihoumon sakien keil koa hesuval asa mimumoni mulamu. Munak mihermumontei, nimai ven kami ka nikulat laet onami ran vulin. ✡Rev 2:16,22; 3:3,19 6 Ka koanik nalesi mimumoni mal: tinomi katiat kat sakien onen koakeil amusil hihiseien onen Nikolai*Nikolai mul visein meatin keil keke aven meatin ka ninin koa mul ien, luteteisav. Sakini, tisaen vasi keil koa meatin mul mumoni ral min aven sakras vasakin en ninin onen vahilehilu. suval koa inau mun tinok kati. ✡Sam 139:21

7 “!Munak ralingomi mul, mihetaengon selusien koa Ninin mul viteni va min sios keil! En vaeen ten demkatien, koakeil amulomal keih, nimaen keil ian heite ten vatiai ten moulien ten lisenges koa moul en ah esen Ahi.” ✡Sen 2:9; 3:22,24; Rev 22:2,14; Sen 2:8; Esek 28:13; 31:8,9

8 Evus, Iesu vit risi minau vit, “Kitis selusien koanik heha min angelo koa losil kat sios ten out Samerna kihit:

“Koanik selkatien onen tai koa sakin tounah vasi mul ka hesakini hevuol eris; kei koa mat ka moul eris ran matien. ✡Aes 44:6; 48:12; Rev 1:17; 22:13 9 Nakilea keke sakvisien keil onami houlu ka tounah onami tovuol en out netan veni mimusil kat inau. Ka en usite ten demkatien onami, tounah onami avi houlu. Nakilea keke vangi meatin tai avit avi Siu kati ka amul asel kutut kat kami. Ka inau nales keil suval arvitei Siu anatin. Vuo. Keil avi vangi meatin tai onen Temat. ✡Tiem 2:5; 2Kor 11:14,15; Rev 3:9 10 Minametauntei mahien keil koa vesesal mivahisu eni. !Mihetaengoni! Hervitei tuetin, Temat hesakin ison kami koa miheha en eim takeih keke mihekur sakvisien keil. Mihelonge hetisa ten avong halualim (10) ka miheles mihendem kat inau. Mihelomal hekeih ven inau, avaseini munak sakvisien keil koa mikuri houmon kami mihetokol matien onami. Hemukonek, nisan uite ten demkatien min kami koa vi moulien ten lisenges. ✡Dan 1:12,14; Tiem 1:12

11 “Munak ralingomi mul, mihetaengon asa koa Ninin mul viteni va min sios keil. En vaeen ten demkatien, koakeil amulomal keih, keil irmattei mun en matien koa elu ten lisenges.” ✡Rev 20:14; 21:8

12 Evus, Iesu vit risi minau vit, “Kitis selusien koanik heha min angelo koa lei kokoe en sios ten out Pergamam kihit:

“Koanik vi selkatien onen tai koa kur naef koa kan lualu. ✡Aes 49:2; Hib 4:12; Rev 1:16; 2:16; 19:5 13 Nakilea out kave miro ien, taon koa hiasuvien onen Temat mul ien. Mukos, kami mivi anatin minau ka mirlokoveintei demkatien onami. Anatin, mimulomal keih en out koa keihoen onen Temat mul ien, avaseini miro en avong koa meatin keil ten out keisom amu vini Antipas, koa musil kat nau ka vitehiten more longlongien usil nau lises.

14 “Ka tounah ekek nakur kati va kat kami: mimaen tei en kami amusil vati hihiseien keil koa asuval hihiseien keil onen Balaam telamu.✡Nam 31:16; 25:1-2; Siud 1:11 Kei visein asuv houlu Balak mukave valamun me-Isrel keil avamot en tisaen en sakien koa avaan anien koa asani tuai va min nana keil ka avoum vatisa vatal min ahin keil. 15 Ka kami mimusil vati hihiseien keil koa amukonek koa Nikolai✡Rev 2:6 mul vihiseini. 16 !Sakini, kosa, mihiles ran tisaen keil onami! Munak mihervilestei ran hihiseien keil enek, hervitei tuetin, inau nimai ven kami ka nivae kat kami hetal mari naef koa mul kistal ka en ongok. ✡Rev 3:11; 22:7,12,20; Aes 49:2; Rev 1:16; 2:12; 19:15

17 “!Munak ralingomi mul, mihetaengon selusien koa Ninin mul viteni va min sios keil! En vaeen ten demkatien, koakeil amulomal keih, inau nisan tei manna koa mul suai.†Siu keil amundemi avit navong Ahi heling hiasuvien onen en out netan, hesan manna koa Mosis ling suaini keke meatin keil onen iani. Ka nisani mun hetetai min keil ahat tamuoh koa amutis eis hau tai mul ien. Kei nges koa kuri ilea en eis koa mul ien, ka meatin sav keil iteingeingeni.” ✡Sam 78:24; Aes 62:2; 65:15; Rev 3:12

18 Evus, Iesu vit risi minau vit, “Kitis selusien koanik heha min angelo koa lei kokoe en sios ten out Taeatira kihit:

“Koanik selkatien koa ka ven Natin Ahi, koa meten vihil keih imok suval ahang,✡Dan 10:6; Rev 1:14-15; 19:12 ka koa alen tanetan vihil suval oai ten vane.✡Rev 1:14-15 19 Nakilea en asa kami mimumoni. Nalei kilea en envatien onami, demkatien onami, umen onami, ka mukave mikur sakvisien keil ral min rendemien koa taveah. Nalei kilea keke kosa, mimum houlu mulin tounah koa mimumoni navong mikur rohtoh en demkatien onami.

20 “Ka tounah ekek nakur kati va kat kami: mimaen ahin koa sakien onen suval Sesebel telamu vato vatal kami. Kei mul vise sasen eni vit vi provet onen Ahi. Hihiseien keil onen mul luvos eiloheh onak keil keke tahosis umon sakien ten hoeasoen ka ian anien koa asani tuai min nana keil. ✡1Ki 16:31; 2Ki 9:22; Nam 25:1-2; Rev 2:14 21 Inau nasan avong veni keke vahiles ran tisaen onen, ka kei en rovattei vahiles ran sakien ten hoeasoen onen. 22 Mihelei kat revi kami, inau nisan mesaien tai koa marite min ahin enek keke hetos en vulin. Ka munak koakeil amum tisa ral mini irvilestei ran sakien keil one, keil emun ilonge hetisa hehi houlu mok hetal mini. 23 Inau nu vini meatin keil amusili. Hesakini, meatin keil ten sios vasi keil ilea suk keke inau enges nakilea rendemien ka envatien onen meatin vasi. Ka ilea mun keke nisani tetai min kami housil asa koa kei mumoni. ✡Sam 7:9; Pro 24:12; Ser 11:20; 17:10; Sam 62:12; Pro 24:12; Ser 17:10; Rom 2:6; 2Tim 4:14; Rev 18:6; 20:12,13

24 “Ka kami sav ten out Taeatira mirmusiltei hihiseien tatisa keisom. Kami misesein hihiseien enek koa meatin sav keil avise en ‘marmari ileilien keil onen Temat.’ Min kami, nirling etai mun mengkatien koa meas. 25 Mihehuli kat mengkatien enges koa mikuri tuai hetokol avong nimai ris. ✡Rev 3:11

26 “En vaeen ten demkatien, koakeil amulomal keih ka amules amumon umen keil onak hetokol avong nimai ris eni, inau nisani min keil keihoen keke ilosil kat kantri keil. ✡Sam 2:8,9; Rev 12:5

27 “Anatin, nisani min keil, keihoen ten losilkatien suval koa Tata onak sani minau, suval koa avit,