Sam keil
1
Sien onen koakeil ualien one mal
1 Sien hel en koakeil:
asesein rendemien koa meatin tatisa keil amul asani;
armusiltei sakien onen meatin tisa keil,
vuo arkapiltei vatal koakeil amumon tohtohien en tounah keil onen Ahi.
2 Vuo, keil avotin sien
navong along kat mengkatien onen Ahi,
meneai ka vongien, amundem usili.
3 Keil asuval vatiai koa mul en vali oai,[~1~]
son heite mal en avong teni,
ka oute sakras varei vakou.
Tounah vasi koa amumoni tahos imok.
4 Ka meatin tatisa keil armukteinek.
Keil asuval sume uit koa rotahostei koa eang mul muh lini ran aneite.
5 Sakini, Ahi hesan mahien min meatin tatisa keil,
irtotei hetal koakeil ualien one tahos.
6 Ven koakeil ualien one tahos,
Ahi helosil kat keil ka hekur koe keil.