3 Ka en more teim osen Kaiafas koa vi asuv houlu onen pris keil, asuv keil onen pris keil ka elda keil alah ruai. 4 Keil arun lekat sise koa ika suai ien keke akilea avahuli kat Iesu ka avouasi vamat. 5 Ka aviteni avit, “Rehermumontei en avong ten ale, veni hetisa meatin keil anoumon rea.”
8 Ka navong meatin keil onen Iesu alesi, arun kutut usili avit, “?!Vensa kei mul purun oel mukok!? 9 Tahos imok vahit kei vasalem en oel koanik en mari mani tai. Vasakini, mani teni kilea vakataun koakeil tounah one tovuol.”
10 Iesu kilea en asa amul aselus usili ka viteni min keil vit, “?Mimul mivul kat ahin ekek vensa? Kei mumon more tounah minau. 11 Veni koakeil tounah one tovuol ito hetal min kami lisenges, ka inau nirtotei hetal min kami lises. 12 Navong kei mutah oel en avek, kei sak mesein nau ten avong tatetahinien onak varei. 13 Anatin eli naviteni min kami, en out vasi netan koa ihitehiten more longlongien usil inau, ihiteni mun asa koa ahin ekek mumoni minau. Ka hesakini meatin sav keil indem silat kei.”
18 Iesu vit kesi vit, “Miheha en taon Serusalem ke va, ka mihehotin meatin tai en out enek. Mihehiteni mini mihehit, ‘Tiser viteni vit, “Avong onak mai vesesal. Ka nian Anien ten Mul Laui en teim osom hetal min onak keil.” ’ ” 19 Sakini meatin keil onen uva ka amumoni suval koa Iesu viteni min keil. Ekonek, asak mesein Anien ten Mul Laui.
20 Navong meteiai munu, Iesu mai ka rondan en anien enek ral min teindan elu (12) onen. 21 Ka navong amul akanian, Iesu vit leini min keil vit, “Anatin eli naviteni min kami, tai en kami hesa lat nau niha en hen vativieh keil onak.”
22 Navong alonge mukok, onen keil alonge tisa houlu ka retai en keil avis Iesu avit, “?Asuv mukave, komundemi kovit inau?”
23 Iesu vit kesi min keil vit, “Anatin, tai en kami koa romul rokanian ruai hesa lat nau.[j] 24 Ka anatin keke inau, Natin Meatin, nimat hesuval koa Tus Votut viteni.[k] !Ka hetisa mok min kei koa hesa lat inau! Meatin enek, hetahos imok vahit avarvasitei veni mahien koa Ahi hesani mini hemariso mok.”
25 Evus, Sudas koa hesa lati visi vit “?Tiser mukave, komundemi kovit inau?”
26 Navong amul akanian, Iesu kur veret ka san masmasien min Ahi veni.[l] Evus vul vahasi ka navong mul riti min meatin keil onen viteni vit, “Mihekuri miheani. Koanik vi avek.”
27 Evus, Iesu kur veiuaen, san masmasien min Ahi veni ka navong sani min keil viteni vit, “Kami vasi mihemuni. 28 Uaen koanik vi rak vasakin hatkatien hau onen Ahi vakeih ka vamai vahi anatin.[m] Rak houe ven meatin houlu vakas motein meten Ahi keke hermundemtei mun usil tisaen keil one.[n] 29 Naviteni min kami, nirmuntei mun uaen koanik hetokol avong koa nimun risi hetal min kami en avong koa Tata onak hesakin hiasuvien onen heka vasi out.”
30 Navong akanian ka amusau en souen tai evus, keil asital ka avina en Hou Nei Olip.[o]
33 Ka Pita mea selus vit, “!Avaseini munak meatin sav vasi keil isokoveinuk, inau nasakras masokoveinuk varei!”
34 Ka Iesu vit risi mini vit, “Anatin eli naviteni minuk, en vongien enek varei, out hermulantei mau ka ato herkokorattei mau, ka keik, kihiteni hatte hetel keke korkileatei inau.”[s]
35 Ka Pita viteni keih tamun vit, “!Vuo, hermukteinek! !Avaseini munak nimat hetal minuk, inau nasakras mahiteni keke narkileatei keik!” Ka meatin sav keil onen aviteni vatte tas.[t]
39 Evus, Iesu mual ran keitel havivis, retengeiril nan vita netan ka vis min Ahi vit, “Tata, munak sise sav mul, kikulat mahien enek ranau li. Ka kirmumontei hesuval koa inau ek vati. Kumonis hesuval koa keik em vati.”[y]
40 Evus, muris va ven keitel ka votini keke telmatil. Ka viteni min Pita vit, “?Mukave? ?Mitsakras mitvalele vatal minau vatokol haoa vatas? 41 Mithelele ka mithehis keke mithermottei navong sakvisien hemai en kamitel. En tinomi, emi vati mivoumon asa koa mal, ka avemi memerau nges.”[z]
42 Hatte tamun, Iesu va ris ka vis vit, “Tata, munak sise sav tovuol ka nil nikur vasi mahien enek, kumoni hesuval koa keik em vati.”[aa]
43 Navong muris, votini keke keitel telmatil eris veni telsakras telvahuli kat metalong. 44 Sakini, lokovein keitel eris ka va ris vis hatte etel eni en vati hisien enek.[bb]
45 Ka navong Iesu muris va ven keitel, kei vit, “?Mitmatil ka mitmuseh veah? !Mitlesi! Ekek, avong mai[cc] avasa lat inau, Natin Meatin, vaha en hen meatin tisa keil.[dd] 46 !Telmea, tovaha! !Meatin koa vasa lat nau keie, mai tuai!”[ee]
50 Iesu vit kesi vit, “Tuak, kumon asas koa kumai veni.”
52 Iesu viteni keih mini vit, “Ling ris naef onom en vulin veni koakeil avuhu en naef tai, imat en naef.[hh] 53 Munak ek hehati, nakilea mapeah Tata onak, ka hatte tas, hesila mari vangi angelo tavaeen keil heli teindan elu (12) avamai avating koe inau. 54 ?Ka munak numoni, Tus Votut hemai hehi anatin hemukave koa viteni keke tounah keil enek hekur out?”
55 Evus, Iesu viles les mari vange meatin keil enek ka viteni min keil vit, “?Vensa milah kat naef ka ai tavaeen keil keke mivamai mivahuli kat nau? ?Mimundemi namulamun meatin keil keke mevavae vatal min kavmen orer? !Vuo! En avong vasi, narondan en teahu ten Eim Votut ka navisein meatin keil, ka en out enek mirvuli kattei nau.[ii] 56 Ka tounah vasi enek kur out vasakin asa koa provet keil amutisi en Tus Votut hemai hehi anatin.” Ka navong avuli kati, meatin vasi keil onen alokoveini ka amuloh rasil.[jj]
59 Asuv keil onen pris keil ka hetetamen sav keil emun onen Siu keil amul alekat meatin koa voun kat Iesu en tisaen, vasakini akilea avouasi vamat. 60 Avaseini meatin houlu aviten luvosien va kat Iesu, asakras avahotin etai tounah keke akilea avamae lat moulien onen keke avou vini.
62 Sakini asuv houlu onen pris keil mulomal ka vis Iesu vit, “?Mukave? Kolong selusien keil koa aviteni va katuk. ?Tounah tovuol kovahiteni?” 63 Ka Iesu mules ro raeng.[mm]
64 Iesu vit kesi vit, “Suval koa koviteni. Ka naviteni min kami, kosa heha, miheles …
65 Navong asuv houlu onen pris keil long selusien onen, tin tisa houlu, rali vas eisin onen ka viteni keih vit, “?Milonge? !Kei selus kekar en isen Ahi! ?Vensa romul rolekat selusien sav koa vaha kati? !Kami vasi milonge mukave kei selus kekar en isen Ahi![oo] 66 ?Rendemien onami mukave?”
67 Evus, keil amutiv kat nan ka amuti. Ka tei sav en keil akovasi[pp] 68 ka avit, “?!Munak kovi Mesaea anatin, hit luvati min komai, isei varei mutik!?”
70 Ka Pita muun keih en meten meatin keil vit, “!Rovitei anatin! !Inau narkileatei tounah koa komul kovit usili!”
71 Evus, Pita mea mual va en meteau ten teahu. Ekonek, atouli toumien sav tamun lesi ka viteni min meatin sav keil vit, “!Meatin koanik vi tai en keil koa amusil Iesu ten out Nasaret!”
72 Ka hatte tamun, Pita viteni min keil vit, “!Navat kati anatin keke narkileatei varei meatin enek!”
73 Rovitei tuetin, meatin keil koa amulomal en out enek umai ven Pita ka aviteni mini avit, “Keik varei kovi meatin tai onen veni selusien onom suval koan Kaleli.”
74 Ka Pita sesendan kei sasen ral min selusien keih vit, “!Inau narkileatei varei meatin koa mimul mivit usili! !Ka Ahi hesan mahien minau munak selusien onak vi luvosien!”
- a Mak 14:1-2; Luk 22:1-2; Sion 11:45-53
- b Eks 12:1-27
- c Mat 20:18-19; 27:26; 15:15; Luk 24:7,20; Sion 19:16
- d Mak 14:3-9; Sion 12:1-8
- e Luk 7:36-38
- f Mak 14:10-11; Luk 22:3-6
- g Eks 21:32; Sak 11:12
- h Mak 14:12-21; Luk 22:7-13,21-23; Sion 13:21-30
- i Eks 12:14-20
- j Koanek sakin Sam 41:9 mai vi anatin.
- k Sam 22:7,8,16-18; Aes 53:9
- l Mat 14:19; 15:36; Mak 6:41; 8:6; Luk 9:16; 1Kor 10:16
- m En Eks 24:6-8, Mosis sien lelat ran buluk en ahor ten sanien votut vasakin hatkatien takeih koa Ahi mumoni ral min me-Isrel keil vamai vahi anatin. En sakien enek, ran Iesu mumon hatkatien takeih hau mai vi anatin keke Ahi houtut moulien onen meatin keil ten out netan.
- n Ser 31:31; Sak 9:11; Hib 9:20
- o Sam 113–118; Luk 22:39
- p Mak 14:27-31; Luk 22:31-34; Sion 13:36-38
- q Mat 26:56; Sion 16:32
- r Mat 28:7,16
- s Mat 26:69-75; Mak 14:66-72; Luk 22:56-62; Sion 18:25-27
- t Sion 11:16
- u Mak 14:32-42; Luk 22:39-46
- v Sion 18:1
- w Mat 17:1; Mak 5:37; 14:33; Luk 8:51; 9:28
- x Sam 42:5,11; 43:5; Sion 12:27; 4:9
- y Hib 5:7-8
- z Mat 6:13; Luk 11:4
- aa Mat 6:10
- bb 2Kor 12:8
- cc Sion 12:23; 13:1; 17:1
- dd Mat 17:22; Mak 9:31; 10:33; Luk 9:44; 24:7
- ee Sion 14:31
- ff Mak 14:43-50; Luk 22:47-53; Sion 18:3-12
- gg Sion 18:26
- hh Sen 9:6; Rev 13:10
- ii Luk 19:47; 21:37; Sion 18:20
- jj Sak 13:7; Mat 26:31; Sion 16:32
- kk Mak 14:53-65; Luk 22:54-55,63-71; Sion 18:13-14,19-24
- ll Mat 27:40; Sion 2:19; Umen 6:14
- mm Aes 53:7; Mat 27:12,14; Luk 23:9; Sion 19:9
- nn Mat 16:16-17
- oo Lev 24:16; Sion 19:7
- pp Aes 50:6; 53:5
- qq Mak 14:66-72; Luk 22:56-62; Sion 18:15-18,25-27
- rr Mat 26:34; Mak 14:30; Luk 22:34; Sion 13:38