1 ዬዝን፥ ኑ ዋጋዉደ? ጾዘ አꬎ ከሃትꬅታ ጋንጎደ ፋና ናጋራራ ሚንግ የሳነ? 2 አቶ Ꮉኖስ፥ ኑኒ ናጋራስ Ꮉይቅደባዝ ማቅኮ፥ ዬዝን፥ ኑኒ ይኬፓ ዋይዝ ናጋራራ የሳደ? 3 ኑ ኡቡንꬅ ክርስቶሳ የሱሳራ ፈቶ ማቃደስ ጻማቅንትደ ዎደ ኤ Ꮉይቅተ ኤራ ዎላ ሞግንትዳ። 4 ኑ ጻማቅንትደ ዎደ ክርስቶሳራ Ꮉይቅዳነ ሞጉንትዳ። ክርስቶሳ ጾዘ አዳይ ቦንቾ ዎልቃራ Ꮉይቆፓ ደንድዳን ፋና ኑንን ክለ ደኦ የሳዳ።

5 ኑ ኤ Ꮉይቅተ ኤራ ፈቶ ማቅኮ፥ ይኒ ጋራን፥ ኤ ደንድተ ኤራ ፈቶ ማቃዳ። [a] 6 ኑ ይኬፓ ናጋራስ አሮ ማቃመ ፋናን ኑ ናጋራንቾ አሳትꬅት ዎልቅታ ꬋቦደ ፋና ኑ ጋልአ አሳትꬅቶ ክርስቶሳራ ሱጽዳኖ ኤራነ። 7 ፈቲ አስ Ꮉይቅደባዝ ማቅኮ፥ ኤ ናጋራ ዎልቃፓ ዋሎ ከዛነ። 8 ኑኒ ክርስቶሳራ Ꮉይቅኮ፥ ኤራ ደኦ የሳዳኖ አማናነ። 9 ክርስቶሳ Ꮉይቆፓ ደንድደ ግሾ ማህ ኤ Ꮉይቆሳኖን Ꮉይቆ ቲኖስን ኤዛ አሆሳኖ ኑ ኤራነ። 10 ኤ Ꮉይቂደ ዎደ ናጋራስ ፈቲ ቶሄ ዉርሱꬅ የሎደስ Ꮉይቂዳ፥ የዝን Ꮉተ ደኦ ጾዝስ የነ። 11 ይኒ ፋናን፥ ይን ናጋራስ Ꮉይቂ፥ ላꬄ ክርስቶስ የሱሳ ባጋራ ጾዝስ ደኦ የዛኖ ቆፖተ።

12 ይኒ ግሾ፥ ይን፥ ይን አሳተꬅታ አሞስ ኪትንታመ ፋና Ꮉይቅዘ ይን አሳተꬅቶ ናጋራ አህፐ። 13 ማህ ይን አሳትꬅ ክፍልቶ ናጋራ ኦቾደስ ገነ ኦላ ሚሸ ማህ እንግፐተ። የዝን ይን Ꮉይቆፓ ደንዲ፥ ደኦ የዘ አስ ፋና ይን አሳተꬅቶ ጾዝስ እንጎተ። ማህ ይን ኩሙꬅ አሳተꬅቶ ጽሎ ኦላ ሚሸ ማህ ጾዝስ አꬂ እንጎተ። 14 ይን ጾዘ አꬎ ኬሃትꬅስ ኦሞራ የነፕ አትን ህገፓ ኦሞራ የዞሰ ግሾ ናጋራ ይንታና አሆደስ ቤዞስ።

15 ዬዝን፥ ኑ ዋጋዉደ? ህገፓ ኦሞራ ማቅካይዝን ጾዘ አꬎ ኬሃትꬃፓ ኦሞራ የዘ ግሾ ናጋራ ኦቾዳነ? ሙሎን Ꮉኖስ! 16 ይን ፈቲ አስስ ኪትንቶደስ ይንታና አሮ ማህ እንግኮ ይና ይን ኪትንትዘስ አሮ ማቅዛኖ ኤሮተ። ይኒ ጋራ፥ ይን ናጋራስ ኪትንትኮ፥ ይንትስ Ꮉይቆ ክእዘ ናጋራስ አሮ ማቃነ። ዎይ ይን ጾዝስ ኪትንትኮ ጽሎትꬅ ክእዘ ጾዝስ አሮ ማቃነ። 17 ዛጋ ይን ናጋራስ አሮ፥ የዝን Ꮉተ ይን ኤክደ ቱሪ ትምርተስ ኩሙꬅ ዎዝናፓ ኪትንትደ ግሾ ጾዝስ ጋላታ ማቀ። 18 ይን ናጋራ አሮትꬅ አቻፓ ብልንቲ ጽሎትꬅ አሮ ማቅዳ።

19 ይን ይን ቆፍተ ላበዙንꬃና ማቅደ ግሾ ታኒ ኦደስን ገልዘ ኦገራ ኦህነ። ዛጋ ይን፥ ይን አሳተꬅቶ ቱናን ኢታ ባዝ ኦቾደስ አሮ ማህ እንግዳን ፋና Ꮉተ ይን አሳተꬅ ክፍልቶ ጌሽ ማቃደ ፋና ጽሎተꬅ አሮ ማህ እንጎተ።

20 ይን ናጋራስ አሮ የዘ ዎደ ጽሎትꬅስ አቆስ። 21 ይንታና Ꮉተ ዬልዘ ዛጋ ይን ኢታ ኦችትፓ አኮ ማደ ደንግዶተ? ይና ኦችትስ ዉርሱꬅታ Ꮉይቆ። 22 የዝን ይን ናጋራ አሮትꬃፓ ብልንቲ፥ ጾዘ አሮ ማቅዳ። ይና ይንታና ጌሽ ማህ መዽና ደኦ ካልꬃነ። 23 ናጋራ ዳሞዘ Ꮉይቆ። የዝን ጾዘ፥ ኑ ላꬄ ክርስቶስ የሱሳ ባጋራ እንግዘ እሞትꬅታ መዽና ደኦ።

<- ሮመ 5ሮመ 7 ->