1 ዬዝን፥ ኑ አዳይ አብራሃማ አኮ ደንግዶ? 2 አብራሃማ ኦቻራ ጽልደባዝ ማቅኮ፥ ኤ ጬቅንትዘ ባዝ የነ፥ የዝን፥ ጾዘ ቲኖ ጬቅንቶደስ ዳንዳኦስ። 3 ጌሽ ማጻፍተ፥ «አብራሃማ ጾዝ አማንዳ፤ ጾዚ ይኖ ኤስ ጽሎትꬅ ማህ ፋይድዳ» ጋይዳ።

4 ኦችዘ አꬄስ ኤክዘ ዳሞዝታ፥ ኤ ኦቻ ዎልቂትስ ጭግንትዘ ጋለፕ አትን ኤስ እሞ ባያ። [a] 5 የዝን ኦቻ ኦቾሰ ኦንን ናጋራንቾ ጽልዘ ጾዛ አማንኮ፥ ኤ አማንታ ኤስ ጽሎትꬅ ማቂ ፋይድንታነ። 6 ጌሽ ማጻፍተ ዳዉተ፥ ኦቻ ባይꬅ ጾዚ ጽልዘ አሱንꬅ አኮ ጋር አንጅንተዛኮ Ꮉኒ ጋር ያጋእ ቆንጭዝዳ፦

13 አብራሃማስን ኤ ዛርትስ፥ «አላምቶ ታ ይንትስ እንጎዳ» ያጋይደ ኡፋይስታ፥ አብራሃማ አማኖራ ጽልደ ግሾስ ፋትን ህገ ናጊ ፎልደ ግሾ ባያ። 14 ህገስ ኪትንትዱንꬅ ጾዘ ኡፋይስቶ ላትዙንꬃና ማቅኮ፥ አማኖ ማዶስ፤ ጾዘ ኡፋይስታን ጨር ማቃነ። [d] 15 ህገ ጾዘ ካች ከእነ፥ የዝን ህገ ባይዘ በሳ ህገ አን አሸን ባያ። [e]

16 ይኒ ግሾ፥ ጾዚ እንግደ ኡፋይስታ አማኖራ ኤክንታነ። Ꮉና ኡፋይስታ አብራሃማ ኮች ኡባስ ጾዘ አꬎ ኬሃትꬅ ባጋራ እንግንትዳኖ ቆንጭዛነ። ይናን ህገ ናግዙንꬅስ ጻላላስ ባይዝን አብራሃማ ፋና አማንደ ኡቡንꬅስ። አብራሃማ ኑ ኡቡንꬅስ አደ። 17 ጌሽ ማጻፍተ፥ «ታ ነና ጋማ ዎርዣስ አደ ማህዳ» ጋእንት አብራሃማ ግሾ ጻፍንትዳ። ይና ኡፋይስታ አብራሃማስ እንግንትደ Ꮉይቂዱንꬅስ ደኦ እንግዘን ባይዘ ባዝ የዝዘ ጾዘ ኤዛ ማቅዳኖ ኤ አማንደ ግሾስ። [f]

18 ጾዚ አብራሃማስ ነ ኮችታ ጋንጎዳ ጋይዳና፥ ኡፋይስ ጋዶደስ አኮን ዳንዳእንቶሰ ዎደ አብራሃማ ጾዝ አማንደ ግሾን ኡፋይስ ጋድደ ግሾ ጋማ ዎርዣስ አደ ማቅዳ። [g] 19 አብራሃማስ ጼት በረ ኩምደ ባዝ ማቅኮን፥ ፋ ጭንግደ አሽተን ሳራ ናአ የሎደስ ዳንዳኦሳኖ ኤርተራ ፋ አማንተ ላቢካያ። [h]

20 ኤ ፋ አማንተ ሚንግ ጾዝስ ቦንቾ እንግዳፕ አትን ጾዚ እንግደ ኡፋይስቶ አማናንጺ፥ ሶእካያ። [i] 21 አብራሃማ፥ ጾዚ እንግደ ኡፋይስቶ ፎሎዳኖ ፋ ኩሙꬅ ዎዝንተ አማንዳ። 22 ይኒ ግሾ፥ ጾዚ ኤ አማንቶ ጽሎትꬅ ማህ ፋይድዳ።

23 የዝን፥ «ፋይድንትዳ» ጋዘ ቃልዘ አብራሃማስ ጻላላ ጻፍንትካያ። 24 የ ቃልዘ ኑ ላꬄ የሱሳ Ꮉይቆፓ ደንꬅደ ጾዛ አማንዘ ኑስን ኑ አማንታ ጽሎትꬅ ማቂ ፋይድንቶደ ጋር ጻፍንትዳ። 25 ጾዚ ኤዛ ኑ ናጋርት ግሾ Ꮉይቆስ አꬂ እንግዳ፤ ኤ ኑና ጽልሳደስ Ꮉይቆፓ ደንድዳ።

<- ሮመ 3ሮመ 5 ->