1 አማኖራ ላቢደ ኦናን ሺሺ ኤኮተፕ አትን ኤ ቆፍትላ አፋ ፍርድፐተ። 2 አዝዘስ፥ አማኖራ ሚንግደ ፈቲ አስ አኮ ካꬃን ማአደስ ዳንዳአነ። የዝን አማኖራ ላቢደ አስ አታክልተ ጻላላ ሙነ። [a] 3 ሙእዘ አስ ሞኦሰ አꬃ ቦርፐ። ሞኦሰ አꬄ ሙእዘ አꬄላ አፋ ፍርድፐ። ጾዚ ኡቡንꬃና ኤካነ። 4 መለ አስ አሮላ ፍርድዘ ነ ኦደ? ኤ ላቢን ዎይ ሚንግን ኤ ላꬄ ኤራነ። ላꬂ ኤዛ ኤሶደስ ዳንዳእዘ ግሾ ኤ ሚንግ ኤቆዳ።

5 ማህ «ፈቲ አዋራ መለ አዋራፓ አꬋነ» ያጋእ ቆፕዘ አስ የነ። መለ ማህ፥ «አዋራ ኡባ ፈቲ ፋና» ጋእ ቆፓነ። የዝን ፈተ ፈተ ፋ ቆፍቶ ቆፒ ኦቾ። 6 ፈቲ ቃምዛ መለ ቃምትፓ አꬂ ቦንችዘ ኦንን ላꬄ ቦንቾስ ጋእ ኦቻነ። ካꬃ ሙእዘ አስ ላꬄ ቦንቾስ ጋእ ሙነ። ኤ ሙእዘ ይና ካꬅቲ ግሾ ጾዝ ጋላታነ። ካꬃ ሞኦሰ አስ ላꬄ ቦንቾስ መአንጽ አሻነ፤ ማህ መአንጽ አሸራን ጾዝ ጋላታነ። 7 ኑፓ ኦንን ፋስ የዞስ፤ ማህ ኑ ግዳፓ ኦንን ፋስ Ꮉይቆስ። 8 ኑ ደኦር የዝኮ ላꬅስ የሳዳ፤ ማህ Ꮉይቂኮን ላꬅስ Ꮉይቆዳ። ይኬ፥ ኑ ደኦር የዝን ዎይ Ꮉይቂኮን ላꬅስ።

9 ክርስቶሳ Ꮉይቂ Ꮉይቆፓ ደንድደ፥ ደኦር የዙንꬅስን Ꮉይቂዱንꬅስ ላꬄ ማቃደስ። 10 ዬዝን፥ ነ ነ እሸላ አፋ አኮስ ፍርደ? ዎይ ነ ነ እሻ አኮስ ለቀ? ኑኒ ኡባና ጾዘ ፍርዳ ኦይዳ ቲኖ ኤቆዳ።

11 ጌሽ ማጻፍተ ላꬂ፥[b]

13 ይኒ ግሾ፥ ኑኒ ፈታይ ፈታይላ አፋ ፍርድዛኖ አሾተ። የዝን ይን እሻያ ꬉቡꬃመ ፋና ዎይ ቃጻመ ፋና ናግንቶተ። 14 ላꬄ የሱሳ አማንዘ አስ ማቂ፥ ፋ ኦምተ ቱና ማቅደ ባዝ ባይዛኖ ታኒ ጌሽ ኤራነ። የዝን ፈቲ አስ ፈቲ ባዝ ቱና ማህ ቆፕኮ ይና ኤስ ቱና ማቃነ። 15 ነ ሙእዘ ካꬃ ግሾ ነ እሻያ ꬉቢዘ ባዝ ማቅኮ፥ ክርስቶሳ የዘ ነ እሻያ ሲቆስ። ክርስቶሳ ኤ ግሾ Ꮉይቂደ አꬃ ነ ሙእዘ ካꬅት ግሾ ꬋብስፐ። 16 ይኬ፥ ይንትስ የዘ ሎኦ ባዝቶ ጫዥዝፐተ። 17 ጾዘ ካእቱሞ ጌሽ አያናራ በንትዘ ጽሎተꬅ፥ ሳሮትꬅን ቱሪ ኡፋይሳፕ አትን ሙእዘ ባዝን ኡዥዘ ባዝ ባያ። 18 ይኒ ጋር ክርስቶሳስ ኦችዘ አስ ጾዝ ኡፋይሳነ፤ አስ ግዳን አንጅንታነ።

19 ይኒ ግሾ፥ አነ ኑኒ ሳሮትꬅ በንትዘ ኦገን ፈተ ፈታያ አማኖራ ምንꬅዘ ኦገ ኮዮተ። 20 ካꬃ ግሾ ጋእ ጾዘ ኦችቶ ላልፐ። ካꬃ ኡባ ጌሽ፥ የዝን መለ አስ ናጋራራ ꬉቢዘ ካꬃ ሙእዛና ኢታ። 21 ነ እሻይ ꬉቡንታመ ፋና አሾ ሞኦሳና ዎይ ኡሽ ኡዦሳና ዎይ ነ እሻይ ꬉቢዘ አኮ ባዝን ኦቾሳና ሎኦ።

22 ይኬ፥ ነ አማንቶ ነ ግዳን ነ ጾዘ ግዳ ናጎ። ልከ ጋእ ቆፕደባዝ ኦችዘ ዎደ ኤ ዎዝንታ ሞቶሰ አꬄ አንጅንትዳያ። 23 የዝን ሶእተር ሙእዘ አꬄስ ኤ ሙእዘ አማኖራ ማቅካይዘ ግሾ ፍርድንታነ። አማኖ ባይዝን ኦችንትደ ኦቻ ኡባ ናጋራ።

<- ሮመ 13ሮመ 15 ->