7
144,000 አሱንꬃላ ማህታመ ጋድንትዳ
1 ይንፓ ሱባ፥ ኦይዲ ኪታንቹንꬅ ኦይዲ ሳአ ጋጻ ኤቅዱንꬃና ብእዳ። የንꬅ ኪታንቹንꬅ ሳአላ ዎይ አባላ ዎይ ምንጻላ አፋ አኮን ባቆ ኦይዲ ሳአ ጋጻፓ ባቃመ ጋር ተቂዳ። [a] 2 ማህ ደኦ ጾዘ ማህታመ አይክደ መለ ኪታንቾ አዋ ኬስ ዛላፓ ኬዛያ ብእዳ። የ ኪታንችዘ ፋ ቃልቶ ꬎቅ ዪዚ፥ ሳአን አባ ቆሆደስ ዎልቃ እንግንትደ ኦይዲ ኪታንቹንꬃና፥ 3 ጼጊ፥ «ኑኒ ጾዘ አሩንꬅ ስኖላ ማታመ ጋዶደ ዎንꬅስ ሳአ ዎይ አባ ዎይ ምንጻ ቆህፐተ» ጋይዳ። [b]
4 ታኒ ጾዘ ማህታመ ስኖላ ጋድዱንꬅ ፋይድቶ ስእዳ። እስራኤለ ኮች ኡባፕ ጼት ኦይታም ኦይዲ ሙኩል አሱንꬅስ ስንተ ማህታመ ጋድዳ።
5 ይሁዳ ኮቻፓ ታጶ ላምእ ሙኩል፥
ሮበላ ኮቻፓ ታጶ ላምእ ሙኩል፥
ጋደ ኮቻፓ ታጶ ላምእ ሙኩል፥
6 አሴረ ኮቻፓ ታጶ ላምእ ሙኩል፥
ንፍታለመ ኮቻፓ ታጶ ላምእ ሙኩል፥
ምናሰ ኮቻፓ ታጶ ላምእ ሙኩል፥
7 ስሞና ኮቻፓ ታጶ ላምእ ሙኩል፤
ሌወ ኮቻፓ ታጶ ላምእ ሙኩል፥
ይሳኮረ ኮቻፓ ታጶ ላምእ ሙኩል፥
8 ዛብሎነ ኮቻፓ ታጶ ላምእ ሙኩል፥
ዮሰፋ ኮቻፓ ታጶ ላምእ ሙኩል፥
ብንያመ ኮቻፓ ታጶ ላምእ ሙኩል፥
አሱንꬅ ስንተ ማህታመ ጋድዳ።
ቦꬅ ማኦ ማእደ ጋማ አሱንꬃና
9 ይንፓ ሱባ፥ ኮች ኡባፓ፥ ካእቱሞ ኡባፓ፥ ዎርዣ ኡባፓን ዱማ ዱማ ዶናፓ ፋይዶ ባይዘ ጋማ አሱንꬃና ብእዳ። የንꬅ አሱንꬅ ቦꬅ ጳርጎ ማኦ ማእ፥ ቂለ Ꮉየ ፋ ኩሽተ አይኪ፥ አራትዘ ቲኖን ዱርዘ ቲኖ ኤቅዳ። 10 ኡን ፋ ቃልቶ ꬎቅ ዪዚ፥ «አቶትꬅ አራታላ በትደ ኑ ጾዘፓን ዱርዘፓ የእነ» ጋይዳ።
11 ኪታንቹንꬅ ኡባ፥ አራትዘን፥ ጭሙንꬅን ኦይዲ መቱንꬅ ካንቶ ዉቲ ኤቅዳ። ኡን አራትዘ ቲኖ ዙጊ ጾዝ ጎይንዳ።
12 «አምንኤ!
አንጆ፥ ቦንቾ፥ ጭንጫትꬅ፥ ጋላታ፥ ሳባ
ዎልቃን፥ ምንꬅትሞ መꬊ መꬍናስ
ኑ ጾዘስ ማቀ።
አምንኤ!»
ጋይዳ።
13 ጭሙንꬃፓ ፈታይ ታጎ፥ «Ꮉና ቦꬅ ማእቶ ማእደ አሱንꬅ ኡን ኦደ የሳ? ኡን አባፓ ይእዶ?» ጋእ ኦጭዳ።
14 ታኒ ማህ፥ «ላꬆ፥ ነ ኤራነ» ጋይዳ።
ኤዝን ታጎ፥ «Ꮉንስ ጋማ ዋየ ዋይ አꬍዱንꬃና። ኡን ፋ ማእቶ ዱርዘ ሱꬅተ ሜጪ ቦꬅዳ።[c] 15 ይኒ ግሾ፥
«ኡን ጾዘ አራትዘ ቲንተ
ቃማን አዋራ ኤ ኬꬅተ ኦቻነ።
ማህ አራታላ በትደ ኡንትስ ዱንካነ ማቃዳ።
16 ይኬፓ ሱባ፥ ኡን ናይꬋአማ፥ ባርꬋማ።
አዋ ዎይ ምቻ ኡንታና ደንጋማ። [d]
17 አራትዘላ በትደ ዱርዘ ኡንትስ ዉደ አዳያ ማቃዳ።
ደኦ Ꮉꬅ ኣፈጎ ኡንታና ካልꬆዳ።[e]
ጾዚ ኡን ኣፍትፓ አፉꬅቶ ኡባ ኡጮዳ»