11 ሳሎ ቡጉንትን ብእዳ፥ Ꮉይቼ ቦꬅ ፋርዛ ቶግዳይ አማንንትዳያን ቱሪ አስ ጋእንታነ። ኤ ጽሎትꬃራ ፍርዳነን ኦልንታነ። [f] 12 ኤ ኣፍታ ታማ ሎጸ ፋና፤ ኤ ኦምተ ጋማ ዎርቃ ዛዉደ የነ። ኤፓ አትን መለ ኦደን ኤሮሰ ጻፍንትደ ሱንꬅ የነ። [g] 13 ኤ ሱꬃር ዉጹርክንትደ ማኦ ማእዳ፤ ኤ ሱንꬅታን ጾዘ ቃላ ጋእንትዳ። 14 ፎጭዛን ጌሽ ማቅደ ሊኖ ማኦ ማእደ ሳሎ ኦላንቹንꬅ ቦꬅ ፋሩንꬃና ቶጊ ኤ ሱብቶ ካላነ። 15 ዎርዥቶ ጋችዘ ማሻ ኤ ዶንትፓ ከዛነ። ኤ መቆ ጉፈራ አሱንꬃና አሃነ። ኤዝን ኡባፓ ዳማ ጾዘ Ꮉንቆ ዎይነ ኡሽቶ ጉምእዘ በስቶ ኤ የꬎዳ።[h] 16 ኤ ማእትላን ኤ ማጋꬅትላ አፋ፥ «ካቱንꬅ ካት ላꬁንꬅ ላꬂ» ያጋዘ ሱንꬅ ጻፍንትዳ።

17 ይንፓ ሱባ፥ ፈቲ ኪታንችዘ አዋላ አፋ ኤቅዳያ ብእዳ። ኤዝን ሳሎራ ፍርዘ ላንዳ ኡቡንꬅስ ፋ ቃልቶ ꬎቅ ዪዚ፥ «Ꮉይጋ ዮኦተ! ጾዘ ድግሳ ማአደስ ፈቲ በሳ ሺቆተ። [i] 18 ይእ ካቱንꬅ አሾ፥ ሻላቁንꬅ አሾ፥ ዎታዳሩንꬅ አሾ፥ ፋሩንꬅ አሾ፥ ፋሩንꬃና ቶግዙንꬅ አሾ፥ አስ ኡባ አሾ፥ አሩንꬅ አሾ፥ ላꬁንꬅ አሾ፥ ዳሙንꬅን ኤራꬁንꬅ አሾ ሞኦተ» ጋይዳ።

19 ፋርዛ ቶግዳይራን ኦልንትዙንꬃራ ኦልንቶደስ ሳአ ካቱንꬅን ኡንትስ ኦልንትዘ ኦላንቹንꬅ ፈቲ በሳ ሺቀዝን ብእዳ። 20 የዝን ጾꬅዘን ኤ ሱንꬅተ ክሌ ባዝ ኦችደ ጾꬅዘ ማላ ኤክደን ኤ ምስልቶ ጎይንዱንꬃና ባልꬅደ ዎርዶ ናብዘ ኤራ ዎላ አይክንትዳ። ላምኡንꬅን ዲነ ኤጽዘ ታማ አባ ፋጻ ኦልንትዳ። [j] 21 አትዱንꬅ ፋራ ቶግዳይ ዶናፓ ከዝዘ ማሻራ Ꮉይቂዳ። ላንዱንꬅ ኡባ ኡን አሽቶ ሙእ ምዥዳ።

<- ዋሐንሳ ቆንጭꬅ 18ዋሐንሳ ቆንጭꬅ 20 ->