1 ይኬ፥ ታ እሹንꬆ፥ ይን ላꬄ ባዝ ማቅደ ግሾ ኡፋይቶተ። ታኒ ቲኖ ጻፍዳን ፋና ማህ ጻፎዳና ታና ዋይꬆስ፥ የዝን ይንታና ባልንተፓ ናጎደስ ዳንዳአነ።

2 ኢታ ባዝ ኦችዘ ካኑንꬃፓን፥ ማህ ጋራዝንቶደስ ቤዛነ ጋዘ ኢታ አሱንꬃፓ ናግንቶተ። 3 ኑኒ ጾዘ ጌሽ አያናራ ጎይንዘ ግሾን ኑ የስተ ክርስቶስ የሱሳራ ጬቅንትዘ ግሾ ቱሪ ጋራዝንተ ጋራዝንትዱንꬃና። ኑኒ አሳትꬃላ አፋ ኦችንትዘ ባዛላ ጬቅንቶስ።

4 ታ በንትዘ አሳትꬃላ ጬቅንቶደስ ቤዝኮ ታ ጋማ ባዛራ ጬቅንቶደስ ዳንዳአነ። አኮ አስን ፋ በንትዘ አሳትꬃላ ጬቅንትዘ ባዝ ፋስ የነ ጋእ ቆፕኮ፥ ታኒ ኤፓ ጋማ አꬊ ጬቅንትዘ ባዝ የነ። 5 ታኒ የልንትደ ኦስፉን ቃማራ ጋራዝንትዳ። ታኒ የልንተራ እስራኤለ፤ ብንያመ ኮች፤ ታኒ ዎርቂንተ ባይዘ አይሁደ አስ። አይሁደ ህገ ናገራ ማቅኮ ታኒ ፋርሳወ። 6 [a]አይሁደ አማኖ ቅናተራ ማቅኮ ታ ዎሳ ኬꬃ አማንዙንꬃና ባይአነ። ፈቲ አስ ህገ ናጊ ጽልዘባዝ ማቅኮ፥ ታላ ቦረ በንትካያ።

7 [b]የዝን ዛጋ ታና ማዳነ ጋእ ቆፕደባዝ ኡባ፥ ክርስቶሳ ግሾ ጋእ ማዶሰ ባዝ ማህ ፋይድዳ። 8 ይኖ ጻላላ ባይዝን ታኒ ታ ላꬄ ክርስቶስ የሱሳ ኤርዛና መለባዝ ኡባፓ ጋማ አꬍዘ ግሾ ይና ኡባኖ ትርፈ ባይዘ ፋና ፋይድዳ። ታኒ ኤ ግሾ ኡባነ ቆህንትዳ። ክርስቶሳ ደንጎደስ ኡባ ባዝ አላ ኦልንትደ ቡረ ፋና ፋይድዳ። ታኒ የሱሳራ ፈቶ ማቅዳ። 9 ይኖ ዪዛና ህገላ ማቅደ ታ ኦማ ጽሎትꬅ አሺ አማኖላ ማቅደ ጾዘ ጽሎትꬅ ክርስቶሳ አማኒ ደንጎደስን ኤራ ዎላ ማቃደስ። 10 ታኒ ክርስቶሳን ኤ ደንዶ ዎልቅቶ ኤሮደስ ኮያነ። ታኒ ኤ ዋይቶ ኤራ ግሽንቶደስ ኤ Ꮉይቅተ ኤ ደንድቶ አሙꬋነ። 11 ይኒ ጋር፥ Ꮉይቆፓ ደንዲ መዽና ደኦ የሳደስ ኡፋይታነ።

12 ታኒ Ꮉተ ቆፕደ በስቶ የልዳ ዎይ ታ ግዳ ባላ ባያ ጋኦስ። የዝን ክርስቶስ የሱሳ ታና አይክደ ግሾ ታኒ ታ ቲኖ የዘ ዎይቶ አይኮደስ ዎጻነን ቡቱንታነ። 13 ታ እሹንꬆ፥ ታኒ ይኖ ደንግዳ ጋእ ቆፖስ፥ የዝን ታኒ ፈቲ ባዝ ኦቾዳ። ታፓ ሱባራ የዛኖ ቦቲ ቲኖ የዛኖ አይኮደስ ሼልንቃነ። 14 ይኒ ግሾ፥ ታኒ ቆፕደ በስቶ የሎደስ ዎጻነ። ጾዘ ክርስቶስ የሱሳ ባጋራ ሳሎ የዘ መዽና ደኦስ ጼግደ ዎይቶ ኤኮደስ ኤልሳነ።

15 ይኬ፥ ኑኒ አያናራ ሚንግደ ኡቡንꬅ Ꮉኖ ቆፖደስ ቤዛነ። ይንታፓ ባጉንꬅስ ዱሙዽዘ ቆፋ የዝኮ፥ ይኖን ጾዚ ይንትስ ቆንጭሳዳ። 16 ማቅኮን፥ ጾዚ ኑስ ቆንጭዝደ ቱርተ፥ ቲኖ Ꮉማዳ።

17 ታ እሹንꬆ፥ ታና አዞተ፤ ይኒ ፋናን፥ ኑና አዚ ካልዘ መለ አሱንꬃና ቆፒ ቦኦተ። 18 [c]ታኒ ይኖ ይንትስ ቲኖ ጋማ ቶሄ ኦህዳ፥ የዝን Ꮉተን ማህ አፉꬃራ ኦህነ። ፋ የስተ ክርስቶሳ ማስቃላስ ፋና ሞርከ ማህደ ጋማ አሱንꬅ የነ። 19 ኡን ፎልታ ꬋበ፤ ኡን ሳዝታ ኡንትስ ላꬂ። ዬልꬎደስ ቤዝዘ ባዛ ኡን ጬቅንታነ፤ ማህ Ꮉና ሳእትባዝ ጻላላ ቆፓነ። 20 ኑ ጋድታ ሳሎ። ሳሎፓ ይእ ኑና አሾደስ የዘ ላꬂ የሱስ ክርስቶሳ ናጋነ። 21 ክርስቶሳ ኡባባዝቶ ፋ አደትꬅ ዎልቃፓ ኦሞራ ማሆደስ ዳንዳእዘ ፋ ዎልቃራ ኑ ላቢꬅ አሳትꬅቶ ላሚ ፋ ቦንቾ አሳትꬅቶ አዞደ ፋና ዪሳዳ።

<- ፍልጵስዩሳ 2ፍልጵስዩሳ 4 ->