1 የሱሳራን ኤ ታማሩንꬃራ የሩሳላመ ኡክ፥ ሻማሄ ደርዘላ የዘ ቤተፋገ ጋዘ ጉቱተ የሊተራ፥ የሱሳ ፋ ታማሩንꬃፓ ላምኡንꬃና ፋፓ ቲኖ Ꮉንጎተ ጋእ ኪትዳ፦ 2 «ይንታፓ ቲኖ የዘ ጉቱተ Ꮉንጎተ። የይጋ ፈቲ Ꮉረ አቻ የዛኖ እ ናእትራ ይን ደንጎዳ። ኡንታና ብሊ ታጎ ኤኪ ዮኦተ። 3 ኦደን ይንታና ኦጭኮ፥ ‹ላꬂ ኡንታና ኮያነ› ያጋኦተ። ኤ ኡንታና ኤለ ማሆዳ» ያጋይዳ።

4 ይናን ናብዘ፥

12 የሱሳ ጾዘ ኬꬃ ገሊ፥ የይጋ ባይዙንꬃናን ዎንግዙንꬃና ኡባ ባለ ባይእዳ። ሚሸ ላምዙንꬃና ጠርጴዝቶን ዎለ ባይዝዘ ኦይድቶ ሽሪ ኦልዳ። 13 ኤዝን ኡንታጎ፥ «ጾዘ ቃልተ፥ ‹ታ ኬꬅታ ጾዝ ዎስዘ ኬꬂ ጋእንታነ› ጋእንት ጻፍንትዳ። የዝን ይን ፋኖ አችንትዘ ዎምኦ ማህዳተ» ያጋይዳ።

14 የሱሳ ጾዘ ኬꬃ የሳደራ ቆቁንꬅን ዎቡንꬅ ኤጎ ይእን ኡንታና ፋꬅዳ።[d] 15 የዝን ካህኑንꬅ Ꮉላቁንꬅን ህገ አስታማሩንꬅ የሱሳ ኦችደ ጋማ ቆፍዘ ባዝቶ ብእዳነን ዦጋ ናኡንꬅ ጾዘ ኬꬃ፥ «ዳዉተ ናአይ፥ ጋላትንቶ» ያጋእ ኡክዛኖ ስእ ካጭዳ። 16 ኡን የሱሳጎ፥ «Ꮉንስ ጋዛኖ ነ ስእነ?» ያጋይዳ።

18 የሱሳ ዎንታ ጎዳ ካታማ ማቂ ይእተራ ናይꬍዳ። 19 ኦገ ጋጻ ፈቲ በለሰ ምንጻ ብእ ኢጎ Ꮉንግዳ። የዝን Ꮉየፕ አትን መለ አኮን ደንግካያ። ይኒ ግሾ፥ እዞ፥ «ይኬፓ ላምእንꬃ ኣፈ አፍፐ!» ያጋይዳ። ይና በለሰ ምንጽታ ኤልሲ መሊ አትዳ።

20 ኤ ታማሩንꬅ ይኖ ብእ፥ «Ꮉና በለስታ ዋይዝ ኤልሲ መልዶ?» ያጋእ ጋማ ቆፕዳ።

21 የሱሳ ማህ፥ «ታኒ ይንትስ ቱሮ ኦህነ፤ ይንትስ አማኖ የዝኮ፥ ማህ ይን ስꬋንጽኮ በለስትላ ታኒ ኦችዳን ፋና ጻላላ ኦቾስ፥ የዝን ‹Ꮉይ ደርዛ ሾድንት አባ ዎꬎ› ያጋይኮ Ꮉኖዳ። 22 አማኒ ይን ዎስዘ ባዝ አኮን ማቅኮ ይን ኤኮዳ» ያጋይዳ። [e]

23 የሱሳ ጾዘ ኬꬃ ገሊ ታማርሶደራ፥ ካህኑንꬅ Ꮉላቁንꬅን አይሁደ ጭሙንꬅ ኤጎ ይእ፥ «ነ Ꮉኖ ኦቾደ ፋና ኔስ አኮ አደትꬅ ዎልቃ የዘ? ኔስ Ꮉኖ አደትꬅ ዎልቅቶ እንግደ ኦደ?» ያጋእ ኦጭዳ።

24 የሱሳ ኡንታጎ፥ «ታኒ ይንታና ፈቲ ባዝ ኦጫነ፤ ይን ታስ ይኖ ማህኮ፥ ታንን አኮ አደትꬅ ዎልቃራ ኦችዛኮ ይንትስ ኦሆዳ። 25 ዋሐንሳ ጽንቃተ አናፓ? ጾዛፓነ አሳፓ?» ያጋይዳ።

33 ማህ የሱሳ Ꮉኒ ጋር ያጋይዳ፤ «መለ አዝዘ ስኦተ፥ ዎይነ ቱክደ ፈቲ አꬄ የነ። የ ዎይንዘ ካንቶ ዉቱꬂ ጋስዳ። ዎይነ ጭጭዘ ኦላን ቦክዳ። ዎይንዛ ናጎደስ ሻኮን ሻክዳ። ይንፓ ሱባ፥ ጋድቶ ኮꬄ እንግ መለ ሳአ ቅትዳ። 34 ዎይነ ኣፍቶ ማጽዘ አግና የልን ፋና የልዘ ባግቶ ኤኪ ኮኦደ ጋር ፋ አሩንꬃና ኡንታጎ ዳክዳ። [g] 35 ኮꬄ እንግደ አዳይ ኤ አሩንꬃና አይኪ ፈታያ Ꮉꬍዳ፥ Ꮉንካያ ዎꬍዳ ማህ አትዱንꬃና ሹቻራ ꬎግዳ። 36 ዎይነ አታክልት አዳይ ቲኑንꬃፓ ኣꬍዘ መለ አሩንꬃና ኪትዳ። ኮꬄ ኤክዱንꬅ ኡንታና Ꮉንኩንꬃላ አፋ ኦችዳን ጋር ኦችዳ። 37 ዉርሱꬅተ ኤ፥ ‹ታ ናአያ ኡን ቦንቾዳ!› ያጋእ ፋ ናአያ ኡንታጎ ኪትዳ።

38 «የዝን ጋድቲ አዳይ ናአያ ብእ ዎል ግዳ ‹ጋድቶ ላቶደ Ꮉያ፥ ኤዛ ዎꬊ ጋድቶ ኑ ኤኮዳ!› ያጋይዳ። 39 ናአያ አይኪ ዎይነ ግድትፓ ጋጻ ኬሲ ዎꬍዳ።

40 «ይኬ፥ ዎይነ አታክልት ላꬄ የእዘ ዎደ የ ኮꬄ ኤክደ አዱንꬃና ዋይሳደ?» ያጋእ ኦጭዳ።

41 ኡን ማህ፥ «ኤ የ ኢታ አሱንꬃና ኢታ ዎ ዎꬊ፥ ዎይንዘ ኣፍዘ ዎደ ኤዛ የልዘ ባግቶ ዎደራ ዎደራ እንግዘ መለ አስስ ኮꬄ እንጎዳ» ያጋይዳ።

42 የሱሳ ማህ ኡንታጎ፥ ጾዘ ቃልተ፥