1 ፈቲ ሳምባታ ቃማ የሱሳ ፈቲ ፋርሳዉንꬅ Ꮉላቅዘ ካራ ካꬃ ማአደስ ገልዘ ዎደ አሱንꬅ ዳኪ በእነ። 2 ይና በስተ ሻፈ ዎዳꬅ Ꮉርግንትዘ ፈቲ አስ ኤስ ቲኖ ዛላራ ዎይእዳ። 3 የሱሳ ፋርሳዉንꬃጎን ህገ አስታማሩንꬃጎ «ሳምባታ ቃማ Ꮉርግንትዛ ፋꬅዛና ዎጋነ ዎጋ ባ?» ያጋእ ኦጭዳ። 4 ኡን ስእ ጋይዳ። የሱሳ Ꮉርግንትዘ አꬃ ቦቺ ፋꬂ ሞይዝዳ።

5 ማህን ይንታፓ ፈተስ ናአ ዎይ ቦራ ሳምባታ ቃማ ጋጋ ቅትኮ ኤልሲ ከሶሰ ኦደ?[a] ያጋእ ኦጭዳ። 6 ኡን ፈትባዝን ማሆደስ ዳንዳእካያ።

7 የሱሳ ሳርገስ ጼግንትዱንꬅ ቦንቾ በሲ ዶርዛኖ ብእ፥ Ꮉና አዝዝቶ ኦህዳ፦ 8 «ፈቲ አስ ነና ሳርገ ጼግኮ ቦንቾ በሳ በትፐ። ኔፓ አꬊ ቦንችንትዘ አስ ጼግንቶደስ ዳንዳአነ። [b] 9 ይንታና ላምኡንꬃና ጼግደ ይእ፥ ‹ነ በስቶ Ꮉይ ዛቂዘስ ዳኮ› ያጋዘ ዎደ ነ ዬልꬍተራ ዝቃ በሳ ዎꬎዳ። 10 የዝን፥ ነ ጼግንትደ ዎደ ቲንꬊ ዝቃ በሳ ብእ በቶ። ጼግዘ ይእ፥ ‹ታ ላግዛዮ፥ Ꮉና ቦንቾ በስተ በቶ› ያጋኦዳ። የ ዎደ ኔራ ፈትላ ጼግንትደ አስ ኡቡንꬅ ቲንተ ነ ቦንችንቶዳ። 11 ፋና ꬎቅ ꬎቅ ዪዘ ኡባና ዬልꬋዳ፤ ፋና ዝቂ ዝቂ ዪዘ ኡባና ꬎቅ ꬎቅ ጋኦዳ።»[c]

12 ማህ የሱሳ ኤዛ ሞክደ ኬꬅት አደጎ፥ «ቁማ ዎይ ካዎ ሳርገ ጼግዘ ዎደ ኔኒ ኩሸ ማህዛ ጼጋመ ፋና ነ ላጉንꬃና ዎይ ነ እሹንꬃና ዎይ ነ እግኑꬃና ዎይ ነ ዱረ ዶꬁንꬃና ሳርገ ጼግፐ። 13 የዝን፥ ነ ሳርገ ጊግዘዘ ዎደ ዳሁንꬃና፥ ዎቡንꬃና፥ ጉንድዱንꬃና ቆቁንꬃና ጼጎ፤ ነ አንጅንቶዳ። 14 Ꮉንስ ኩሸ ማሆደስ ዳንዳኦሰ ግሾ ኩሸ ማህታ ጌሹንꬅ ደንድዘ ቃማ ኔስ ማቃዳ» ያጋይዳ።

25 ጋማ አሱንꬅ ኤራ ዎላ Ꮉማደራ የሱሳ ኡንታጎ ሱብ ማቂ፥ 26 «ታጎ ይእደ ኡቡንꬅ ፋ አዳያን ፋ እንቶን፥ ፋ ማችቶን ፋ ናኡንꬃና፥ ፋ እሹንꬃና ፋ ምሹንꬃና፥ መለ አቶ የዝን ፋ ደእቶ እጾሰ ታ ታማረ ማቃደስ ዳንዳኦስ። [d] 27 ፋ ማስቃልቶ ቶኪ ታና ካሎሰ ታ ታማረ ማቃደስ ዳንዳኦስ። [e]

28 «ይንታፓ ፈቲ አስ ሹች ኬꬂ ኬጾደስ ኮይኮ፥ ኬꬅቶ ኬጺ Ꮉሶደስ አኮ ጋር ሚሸ ኮሽዛኮ ቲንꬊ ኤሮደስ ቆፒ ቦኦሰ ኦደ? 29 ይኖ ማቃንጽኮ፥ የ አꬄ ባሳ ዪꬅ ሹችቶ ዪጽን ፎለ ጋምኮ፥ 30 በእዘ ኡባና፥ ‹Ꮉይ አꬄ ኬꬅ አይክን ፎሎደስ ኤዛ ጋምዳ› ያጋእ ለቃነ።

31 «ዎይ ፈቲ ካት መለ ካታራ ኦልንቶደስ ደንድተራ ላምእታም ሙኩል ዎታዳሩንꬃና ኤኪ የእዘ ካትዘራ ታጵ ሙኩል ዎታዳሩንꬃራ ኦልንት ዳንዳኦዳኖን ዳንዳኦሳኖ በቲ ዞርንቶሰ ኦደ? 32 ኦልንቶደስ ዳንዳእንቶሰባዝ ማቅኮ፥ የ የእዘ ካትዘራ Ꮉኮራ የዝን ጊጎደስ ቲንꬊ ጭማ ዳኪ ኦጫነ። 33 ይኒ ጋራ፥ ይንታፓ ኦደን ፋስ የዘ ባዝ ሙሎ አሻንጺ እጽኮ ታ ታማረ ማቃደስ ዳንዳኦስ።

34 «ሶገ ሎኦ፥ የዝን ሶገ ፋ ማልእቶ አሽኮ፥ ዋይዝ ሶገ ጋእንቶደስ ዳንዳኤ? 35 ጋደ አራድዘስን ማዶሰ ባዝ ማቅዘ ግሾ አላ ኦልንታነ። ይኬ፥ ስእዘ Ꮉየ የዘ አስ ስኦ» ያጋይዳ።

<- ሉቃሳ 13ሉቃሳ 15 ->