1 የሱሳ ዎሳ Ꮉስዳንፓ ማቂ ፋ ታማሩንꬃራ ቀድሮነ ቦርካ ፊንግ፥ ይና በስተ የዘ አታክልተ ግዳ ገልዳ። 2 የሱሳ ኡባ ዎደ ፋ ታማሩንꬃራ እዘ ሺቅዘ ግሾ የሱሳ አꬂ እንግደ ይሁዳ ይና በስቶ ኤራነ። 3 ይኒ ግሾ፥ ይሁዳ ፋኖሰ፥ ጾምፐ፥ ኦላ ሚሸ አይክደ ጋማ ዎታዳሩንꬃና፥ ካህኑንꬅ Ꮉላቁንꬅን ፋርሳዉንꬅ ኪትደ ጾዘ ኬꬅቶ ናግዘ ፖሊሱንꬃና ካልꬅ ኤኪ፥ ይና በስቶ Ꮉንግዳ።
4 የሱሳ ፋና የሎደ ባዝ ኡባ ኤሪ፥ ጋጻ ኬዚ፥ «ኦና ኮየተ?» ያጋይዳ።
5 ኡን ማህ፥ «ናዝረተ የሱሳ ኮያነ» ያጋይዳ።
8 ኤ ማህ፥ «ታኒ የሱሳ ማቅዛኖ ይንትስ ኦህዳ። ይኬ፥ ይን ታና ኮይዘ ባዝ ማቅኮ Ꮉንስ ቅቶ ጋኦ አሾተ» ያጋይዳ። 9 ኤ ይኖ ጋይደ፥ «አዳዮ፥ ነ ታስ እንግዱንꬃፓ መለ አቶ የዝን ፈታን ꬋብስካያ» ጋይደ ቃልታ ፎልንቶደ ፋና።
10 ስሞን ጴጥሮሳስ ማሻ የነ። ኤ የ ማሽዛ ሾዲ ካህኑንꬅ Ꮉላቃ አርዘስ ምዛቅ Ꮉይዛ ጋቺ ኦልዳ። የ አርዘ ሱንꬅታ ማልኮሳ። 11 የሱሳ ጴጥሮሳጎ፥ «ነ ማሽዛ ሾክተ ገልꬆ። ታ አዳይ ታስ እንግደ ጹእትፓ ታ ኡዣማነ?» ያጋይዳ። [a]
12 ሮመ ዎታዳሩንꬅን ኡን Ꮉላቅዘ ጾዘ ኬꬅቶ ናግዘ ፖሊሱንꬃራ ዎላ የሱሳ አይኪ አጭዳ። 13 ቲኖ የሱሳ ሃናጎ ካንግዳ። ሐና ይና በርተ ካህኑንꬅ Ꮉላቃ ማቅደ ቃያፋ ቦሌ። 14 ቃያፋ፥ «ዎርዣ ግሾ ፈቲ አስ Ꮉይቂኮ ሎኦ» ጋእ ቲኖ አይሁዱንꬃና ዞሪዳያ። [b]
15 ስሞን ጴጥሮሳን መለ ፈቲ ታማርዘ የሱሳ ካሊ Ꮉንግዳ። ካህነ Ꮉላቅዘ የ መለ ታማርዛ ሎይꬂ ኤራነ። ይኒ ግሾ፥ ኤ የሱሳራ ካህኑንꬅ Ꮉላቅዘ ግበ ገልዳ። 16 የዝን ጴጥሮሳ ጋሰፓ ባለራ ኤቅዳ። ካህኑንꬅ Ꮉላቅዘ ኤርዘ መለ ታማርዘ ባለ ኬዚ፥ ፉርꬅቶ ናግዘ ናትስ ኦህ፥ ጴጥሮሳ ገልꬅዳ። 17 ፉርꬅቶ ናግዘ ናታ ጴጥሮሳጎ፥ «ነ፥ የ አꬄ ታማሩንꬃፓ ፈታ ባነ?» ያጋይዳ።
18 ሳእታ ጪሽዘ ግሾ አሩንꬅን ናግዙንꬅን ኬንቼሎ ቃቃ ታማ ኤꬂ፥ አꬊ ኤቂ ካዣነ። ጴጥሮሳን ኡንታራ ኤቂ ታማ ካዣነ።
19 የ ዎደ ካህኑንꬅ Ꮉላቅዘ የሱሳ፥ ኤ ታማሩንꬅ ባዝን ኤ ትምርትትባዝ ኦጭዳ። 20 የሱሳ ማህ፥ «ታ አስ ኡባስ ቆንጭዝ ኦህዳ። ታ አይሁደ ኡቡንꬅስ ሺቅዘ አይሁደ ዎሳ ኬꬃን ጾዘ ኬꬃ ኡባ ዎደ ታማርስዳ። አቺ አኮን ኦህካያ። 21 ዬዝን፥ ነ ታና አኮስ ኦጨ? ታ ኦሆደራ ስእደ አሱንꬃና ኦጮ። የንꬅ አሱንꬅ ታ ኦህዳኖ ኤራነ» ያጋይዳ።
22 የሱሳ ይኖ ኦህዘ ዎደ ይና በስተ ኤቅደ ዛበ ናግዙንꬃፓ ፈተ የሱሳ ባቂ፥ «ካህኑንꬅ Ꮉላቃጎ ያጋእ ማህነ?» ያጋይዳ።
23 የሱሳ ማህ፥ «ታ ኢታ ባዝ ኦህደባዝ ማቅኮ Ꮉነ የዘ አስ ኡባ ቲኖ ማርክꬎ። የዝን ታ ቱሮ ኦህደባዝ ማቅኮ ታና አኮስ ባቀ?» ያጋይዳ።
24 ይኒ ግሾ፥ ሐና፥ የሱሳ አጭንቲ የዝን ካህኑንꬅ Ꮉላቅዘ ቃያፋጎ ዳክዳ።
25 ጴጥሮሳ እዘ ኤቂ፥ ታማ ካሻደራ፥ Ꮉንኩንꬅ ኤጎ፥ «ነ Ꮉይ አꬄ ታማሩንꬃፓ ፈታ ባነ?» ያጋይዳ።
26 ካህኑንꬅ Ꮉላቅዘ አሩንꬃፓ ፈተ፥ ጴጥሮሳ Ꮉየ ጋችደ አꬄስ እግንዘ፥ ጴጥሮሳጎ፥ «ታ ነና ኤራ አታክልተ ግዳ ብእካ?» ያጋእ ኦጭዳ።
27 ጴጥሮሳ ማህን ካድዳ። ኢራ ሉኩለ ኡክዳ።
28 ዎንታ ጎዳ፥ ኡን የሱሳ ቃያፋ ካራፓ ሮመ ጋደ አህዘ ኦቻ ኬꬃ ካንግዳ። አይሁዱንꬅ ፋስጋ ባአለ ካꬃ ማአደስ ፋና ቱንዛመ ጋር ካትዘ ኦቻ ኬꬃ ገልካያ። 29 ይኒ ግሾ፥ ጵላጦሳ ኡንታጎ ባለ ኬዚ፥ «Ꮉይ አꬃ አኮስ ሞተ?» ያጋይዳ።
30 ኡን፥ «ኤ ኢታ ኦቾሳኮ ኑኒ ኤዛ ኔጎ ኬአማ የሻ» ያጋይዳ።
31 ጵላጦሳ ማህ፥ «ይን ኤዛ ኤኪ ካንግ፥ ይን ህግታ ጋዛን ጋራ ኤላ ፍርዶተ» ያጋይዳ።
33 ጵላጦሳ ፋ ኦቻ ኬꬃ ማህ ገሊ፥ የሱሳ ጼጊ፥ «ነ አይሁደ ካቶ?» ያጋእ ኦጭዳ።
34 የሱሳ ጵላጦሳጎ፥ «Ꮉና ኦጭቶ ነ ኔፓ ኦጫነነ ዎይ መለ አስ ኔስ ታ ባዝ ኦህዳ?» ያጋይዳ።
35 ጵላጦሳ ማህ፥ «ታ አይሁደ አሶ? ነ አሱንꬅን ካህኑንꬅ Ꮉላቁንꬅ ነና ታስ አꬂ እንግዳ። ነ አኮ ኦችዶ?» ያጋይዳ።
36 የሱሳ፥ «ታ ካእቱምታ Ꮉና አላምትፓ ባያ። Ꮉንፓ ማቅዛኮ ታ አይሁዱንꬅ Ꮉላቁንꬅስ አꬊ እንግንታመ ፋና ታስ ኦችዙንꬅ ኦልንቶድየሻ። የዝን ታ ካእቱምታ Ꮉና አላምትፕ ባያ» ያጋይዳ።
37 ይኒ ግሾ፥ ጵላጦሳ የሱሳጎ፥ «ዬዝን፥ ነ ካት ባ?» ያጋእ ኦጭዳ።
38 ጵላጦሳ፥ «ቱሪ አኮ?» ያጋይዳ።
40 ኡን ማህ፥ ፋ ቃልቶ ꬎቅ ዪዚ፥ «ባርባና ብሎፕ አትን ኤዛ ብልፐ» ያጋይዳ። የዝን ባርባነ ፋኖ።
<- ዋሐንሳ 17ዋሐንሳ 19 ->