2
ዳማ አንጆ
1 ይኒ ግሾ፥ ኑኒ ስእደ ቱርፓ መለ በሳ ኤክንታመ ጋር ይና ስእዳኖ ምንꬂ ናጎደስ ቤዛነ። 2 ይኬ፥ ኪታንቹንꬅ ባጋራ ኦህንትደ ቃልታ ቱሮ ማቅኮ፥ ኤዛ ቆሄን ኪትንታንጽ እጸ ፍርዳ ክእዘባዝ ማቅኮ፥ 3 ዬዝን፥ ኑኒ Ꮉኒ ጋር ዳማ አቶትꬅ ኮዮስ ጋይኮ፥ ዋይዝ አቶደ? ቲኖ ላꬂ ፋ ኦምተ ይና አቶትꬅቶ ኦህዳ፤ ማህ ኤፓ ስእዱንꬅ ኑስ ጌሽ ማርክꬍዳ። 4 ማህ ጾዚ ማላራን፥ ክለባዛራ፥ ዱማ ዱማ ክሌ ባዝ ፋ ቆፍት ጋር እንግደ ጌሽ አያና እሞትꬃራ ማርካትꬅቶ ምንꬅዳ።
የሱሳ አስ ማቅዳ
5 ጾዚ Ꮉና ኑኒ ኦህዘ ቲኖፓ የኦደ አላምቶ፥ ኪታንቹንꬅስ አህዝካያ። 6 ጌሽ ማጻፍተ ፈቲ በሳ Ꮉንጋራ ያጋይዳ፦
«ኔኒ አስስ ቆፖደስ አስ አኮ?
ዎይ ኔኒ ኤዛ ናጎደስ አስ ናአይ አኮ?[a]
7 ነ ኤ ኪታንቹንꬃፓ ጽቅና ኤራꬅዳ፤
ኤ ኦምተ ቦንቾን ናሾ ባርኔጻ ጋድዳ።
8 ማህ ኡባባዝቶ ኤ ቶህትፓ ኦሞራ ጋድዳ»
ያጋይዳ። ጾዚ ኡባባዝቶ ኤስ አህዘ ዎደ ኤስ አቅካይዘ ባዝ አኮን ባያ። የዝን Ꮉተ ኡባ ባዝ ኤስ አቆደራ ኑኒ Ꮉጋ ብእካያ። 9 የዝን ኑኒ ኪታንቹንꬃፓ ጽቅና ኤርደ የሱሳ በእነ። ጾዘ አꬎ ኬሃትꬅት ባጋራ የሱሳ አስ ኡባስ Ꮉይቂዳ። ኤ ዋየ Ꮉይቆ Ꮉይቂደ ግሾ ቦንቾን ናሾ ባርኔጻ ኤ ኦምተ ጋድዳ። 10 ኡባ ባዝ ኤስን ኤ ባጋራ መꬍንትደ ጾዚ፥ ጋማ ናኡንꬃና ፋራ ቦንችሳደስ ኡን አቶትꬅትስ ኦማ፥ የሱሳ ዋይቶ ፎሎ ማሆደስ ኤስ ቤዛነ።
11 የሱሳን የንꬅ ኤ ጌሽደ አሱንꬅ ኡባ ፈቲ አደ ናኡንꬃና። የሱሳ ኡንታና፥ «ታ እሹንꬃና» ጋእ ጼጎደስ ዬልꬎሳና ይንስ። 12 የሱሳ፥
«ታኒ ነ ሱንꬅቶ ታ እሹንꬅስ አዋጆዳ፤
ዎርዣ ሺቅተ ነና ጋላቶዳ»
ያጋይዳ።[b] 13 ማህ ኤ፥ «ታኒ ታ አማንቶ ኤላ አፋ ጋዶዳ» ማህን፥ «ጾዚ ታስ እንግደ ናኡንꬃራ ታ Ꮉነ የነ» ያጋነ። [c]
14 ናኡንꬅ አሾን ሱꬅ የዙንꬃና ማቅደ ግሾ የሱሳን ኡን ፋና አስ ማቅዳ። ኤ ይኖ ኦችዳና፥ Ꮉይቆላ አፋ ዎልቃ የዘ ጻላህዛ ፋ Ꮉይቅተ ꬋብሶደስ። 15 ማህ ፋ የዘ በርተ ኡባ Ꮉይቆ ዣሽሞራ አርꬊ የዙንꬃና አሮትꬃፓ ኬሶደስ።
16 ቱሮ የሱሳ ይእዳና አብራሃማ ኮች ማዶደስ ፋትን ኪታንቹንꬃና ማዶደስ ባያ። [d] 17 አስ ናጋራ አቶ ጋእንቶደ ፋና ጾዘ ቲኖ ዱርዘ አማንንትደ ካህኑንꬅ Ꮉላቃ ማቅዳ። ይኒ ግሾ፥ ኤ ኡባባዝተ ፋ እሹንꬃና አዞደስ ቤዛነ። 18 ኤ ፋ ኦምተ ፋታናራ ዋይንትደ ግሾ ፋታንንትዙንꬃና ማዶደስ ዳንዳአነ።
<- ዕብራዌ 1ዕብራዌ 3 ->