1 ይኬ፥ ታ ናአዮ፥ ክርስቶሳ የሱሳ ግዳ የዘ አꬎ ኬሃትꬅተ ምንጎ። 2 ጋማ ማርኩንꬅ ቲኖ ታኒ ነና ታማርስደ ትምርትቶ፥ መሉንꬃና ታማርሶደስ ዳንዳእዘ አማንንትደ አሱንꬅስ Ꮉዳራ እንጎ።

3 የሱስ ክርስቶሳ ሎኦ ዎታዳረ ማቂ ታራ ማꬋ ኤኮ። 4 ኦላ ዎታዳረ ፋ Ꮉላቅዛ ኡፋይሶደስ ጊግንታነ ፋትን መለ ኦቻላ ፋና ፌሾስ። 5 ይኒ ጋራ፥ ጋልጋደ ዎጽዘ ኦንን ቤዝዘ ኦገራ ዎጻንጽኮ ዎይቶ ኤኮስ። 6 ዎታራ ላቢዘ ጋደ አዳይ ፋ ላቢዳን ኣፍትፓ ሙእዘ ቲኖ አስ ማቃደስ ቤዛነ። 7 ላꬂ ኔስ ኡባ ባዛ አካኬ እንግዘ ግሾ ታ ኔስ ኦህዛኖ ነ ዎዝንተ ናጎ።

8 ታኒ ማርክꬍዘ ዎንገለ ፋና Ꮉይቆፓ ደንድደ፥ ዳዉተ ኮች ማቅደ የሱስ ክርስቶሳ ቆፖ። 9 ታኒ ዎንገለ ኦህዘ ግሾ ኢታ ባዝ ኦችደ አስ ፋና፥ አጭንቲ ማꬋ ኤክዳ። የዝን ጾዘ ቃላ አጭንቶስ። 10 ይኒ ግሾ፥ ጾዘ ዶርደ አሱንꬅ ክርስቶስ የሱሳ ግዳ የዘ አቶትꬅ ባጋራ መዽና ቦንቾ ኤኮደ ፋና ኡን ግሾ ኡባ ባዛ ምንጋነ።

11 Ꮉንፋና ያጋዘ ቱሪ ቃላ የነ፤

14 ኔኒ ኡንታና Ꮉኖ ቲርዞ፤ ኡን ቃላ ግሾ ላላመ ፋና፥ ጾዘ ቲኖ ኡንታና ዞሮ። ይና ስእዙንꬃና ꬋብሳነ ፋትን አኮን ማዶስ። 15 ኔኒ ቱሪ ቃላ ሉለራ ታማርስዛን ዬሊዞሰ ኦቻንቾ ማቂ፥ ጾዘ ቲኒ ኡፋይስዘ አስ ፋና፥ ነናትꬅቶ ኤስ ሺሾደስ ምንጎ። 16 የዝን Ꮉና አላምትስ ጊግዘ ማዶሰ ኦሄፓ Ꮉኮ። ይኒ ፋና ኦህዘ አስ ጾዛፓ Ꮉክዛነ። 17 ይኒ ፋና ትምርተ ጋላ ሙእ Ꮉስዘ ፋጾሰ ጭቶ Ꮉርገ ፋና። ይኒ ፋና ኦሄ ኦህንትዙንꬅ ግዳ ፋ ሄመነዮሳን ፍልጾሳ የነ። 18 Ꮉንꬅ አሱንꬅ ቱሪ ኦገ አሺ፥ «Ꮉይቂደ አሱንꬅ Ꮉይቆፓ ዛጋ ደንድዳ» ያጋእ ኤራꬅ አሱንꬅ አማንቶ ꬋብስዳ።

19 ማቆ የዝን፥ ጾዚ ምንꬂ ባሳ ዪጺ ማታመ የዘ ኤንእንቶደስ ዳንዳኦስ። እዝላን አፋ፥ «ላꬂ ፋ አሱንꬃና ኤራነ። ላꬄ ሱንꬅቶ ጼግዘ ኦንን ኢታ ኦቻፓ Ꮉኮ» ያጋዘ ቃላ ጻፍንትዳ።

20 ፈቲ ዳማ ኬꬃ ዎርቃፓ ዎይ ብራፓ ኦችንትደ ሚሸ ጻላላ ባይዝን ምንጻፓ ዎይ ሎቃፓ ኦችንትደ ሚሸ የነ። የንሳፓ ባጉንꬅ ቦንቾስ፥ ማህ ባጉንꬅ ቦርንትደ ኦቻስ ፌዣነ። [b] 21 ይኒ ግሾ፥ ኦንን ኢታ ኡባ አሺ ፋና ጌሽኮ፥ ቦንቾ ኦቻስ ማቅዘ ሚሸ ማቃዳ። ኡን ደእተ ጌሽን ላꬃ ኡፋይስዘ ኦቻ ኡባ ኦቾደስ ዳንዳእዙንꬃና ማቃዳ።

22 ናእቱሞ ኢታ አሞፓ Ꮉኮ። ጌሽ ዎዝናራ ላꬃ ጼግዘ አሱንꬃራ ዎላ፥ ጽሎትꬅ፥ አማኖ፥ ሲቆን ሳሮትꬅ ካሎ።

23 የዝን ካች መꬍዛ ኤሪ ቦዛትꬅን ማደ ባይዘ ላለፓ Ꮉኮ። 24 ላꬄ ኦቻንቾ አስ ኡባስ ኬሃ፥ ሎኦ ታማርስዛን ዳንዳአንቾ ማቃደስ ቤዛነ ፋትን ካጭንቶደስ ቤዞስ። 25 ኤ ፋራ ኤቅንትዙንꬃና ኬሃትꬃራ ሴርዛ ማቃደስ ቤዛነ። ኡን ፋ ናጋርትፓ ማቂ ቱሮ ኤሮደ ፋና ጾዚ ኦቾድየዛኮ ኦደ ኤርዘ። 26 ኡን ፋ ዎዝናጎ ማቂ ፋ ቆፋ ኦቾደ ፋና ኡንታና አይክደ ጻላሄ ጽኬፓ ኬሲ ኤኮዳ።

<- 2 ጢሞትዮሳ 12 ጢሞትዮሳ 3 ->