1 የዝን ዎርዶ ናቡንꬅ ዛጋ ዎደ አሱንꬅ ግዳ የዛን ፋና Ꮉተን ዎርዶ አስታማሩንꬅ ይን ግዳ ደንዶዳ። ኡን ፋና ዎዝደ፥ ላꬃ ካዲ፥ ꬋብስዘ ዎርዶ ትምርተ ኮኦዳ። ይነ ኡን ፋላ አፋ ኤልሲ ꬋበ ከእነ። 2 ጋማ አሱንꬃና ዬልዘ ኡን ኢታ ኦገ ካሎዳ፤ ኡን ባጋራ ቱሪ ኦገ ጫዥንቶዳ። 3 ዎርዶ አስታማሩንꬅ ሚሸ ዥምባርት ፋ ፋስ መꬊ ኬስደ ታሪከር ይንታና ቦንቆዳ። ዛጋፓ ደንꬂ ኡንትስ ፍርዳ ጊጊ በቲ የነ፤ ኡንታና ꬋበ ናጊ በትዳ።

4 ናጋራ ኦችደ ኪታንቹንꬅስ ጾዚ ይቅስንታንጽ፥ ፍርዳ ቃማ የሎደስ ጋናመ ꬉማ ዶቻ ኡንታና ኦልዳ። 5 ይኒ ፋናን፥ ጾዚ ጽሎትꬅባዝ ኦህዘ ኖሄን መለ ላፑን አሱንꬃና አሺ፥ ጾዛ ጎይኖሰ አሱንꬅ የዘ ዛጋ አላምቶ ይቅስንታንጽ ꬋበ Ꮉꬃር ꬋብሲ ማርካያ። 6 ናጋራ ኦችዙንꬅስ አዝዘ ማቃደ ፋና ሶዶማን ጋሞራ ካታምቶ ቡዶ ማህ ኤꬂ ꬋብስዳ።[a] 7 ህገስ ኪትንቶሰ ኦላለ Ꮉንትዘ አሱንꬅ ግዳ ዋይንት የዝደ ጽሎ ሎጠ ጾዚ አሽዳ። [b] 8 የ ጽሎ አꬄ ኡን ግዳ የዝተራ፥ ኡን ኦችዘ ኢታ ኦችቶ ኡባ ዎደ ብእደ ዎደን ስእደ ዎደ ኤ ሎኦ ዎዝንታ ኡንእንታነ። [c] 9 ይኖ ማቅኮ፥ ላꬂ፥ ፋና ጎይንዘ አሱንꬃና ፋታናፓ ዋይዝ አሾድ የዛኮ፥ ማህ ናጋራንቹንꬃና ፍርዳ ቃማ የሎደስ ዋይዝ ሴርተራ ናግሳድየዛኮ ኤራነ። 10 ኡባፓ አꬂ ቱና አሞራ አሾ ቆፋ ካልዙንꬃናን ጾዘ አደትꬅ ዎልቃ ቦርዙንꬃና፥ ፍርዳ ቃማ የሎደስ ላꬂ ናግዝዳ።

የንꬅ አሱንꬅስ ዎዝና ምንꬅን ኡቱርትዙንꬃና ማቅደ ግሾ ሳሎ መቱንꬃናን ጫዥተራ ዣሽቶስ። 11 የዝን ኪታንቹንꬅ ዎርዶ አስታማሩንꬃፓ ዎልቃራን ጻላትꬃራ ጋማ አꬋነ የዝን ላꬄ ቲኖ አደትꬅ ዎልቃ የዘ ሳሎ መቱንꬃና ጫዦስ። 12 የዝን የንꬅ አሱንꬅ ፋ ኤሮሰ ባዛ ገሊ ጫዣነ። ኡን አይክንቶደስን Ꮉይቆደስ ጊግንትደ፥ ዎዝና ባይዘ ጾꬅ ፋና Ꮉናነ፤ ኡንትን ጾꬅ ፋና ጨር ꬋቦዳ።

13 ኡን ናጋራ ኦችደ ግሾ ፋ ኦችቶ ኤኮዳ። አዋራራ ማꬅንት የጽተራ ዶልዛኖ ኡፋይስ ባዝ ጋእ ቆፓነ። ኡን ቦርንቲ ቱና ማቂ ይንታራ የዝተራ ይንታራ ሻክንትዘ ሲቆ ሞክተራ ኡፋይታነ። 14 ኦላለ Ꮉንታ ኩምደን ናጋራ አሾሰ ኣፈ የነ፤ ማህ ናጋራ ኦችዛኖ አሾስ። አማኖራ ምንግካይዘ አሱንꬃና ጭማነ። ኡንትስ ኡባ ዎደ አሙꬍዘ ዎዝና የነ፤ ኡን ባድንትዱንꬃና። 15 ኡን ሉለ ኦገ አሺ፥ ገነ ሚሸ ይቅስንቲ ባልደ፥ ብኦራ ናአ ባላማ ኦገ ካልዳ። 16 ኤ ፋ ናጋርት ግሾ ሴርንትዳ፤ ኦሆደስ ዳንዳኦሰ Ꮉርታ አስ ፋና ኦህ ናብዘ ኤያትꬅቶ ተቂዳ። [d]

17 የንꬅ አሱንꬅ መልደ Ꮉꬅ ኣፈ ፋናን ዡባ ቶኪ ካንግዘ ꬎነ ፋና፤ ኡንታና ናግዘ ልንጽ ዪደ ꬉማ። 18 ኡን ጨር ኡቱራ ቃላ ኦህንትተራ ኢታ ባዝ ኦቺ የዘ አሱንꬅ ግዳፓ ኬዚ Ꮉጋ ሚንግካይዘ አሱንꬃና ኦላለ Ꮉንታራን አሾ አሞራን ጭሚ ባልꬃነ። 19 ኡን ፋስ ꬋበ አሮትꬃ የዝተራ መሉንꬃጎ፥ «ይን አሮትꬃፓ ኬሳዳ» ያጋነ። አኮስ ጋይኮ፥ አስ ፋ ጋምንትደ ባዝ ኡባስ አሮ። 20 ኡን አሽዘ ኑ ላꬄ የሱስ ክርስቶሳ ኤሪ Ꮉና አላመ ቱናትꬅትፓ ኬሲ ኤክደፓ ሱባ፥ ማህ ቃጽንት ጋምንትኮ ቲኖ የዘ የስትፓ ሱባና ኡንትስ ዎዝ ኢታ ማቃዳ። 21 ኡን ጽሎትꬅ ኦገ ኤሪ ማቂ አሽዛንፓ ቲኖ ጌሽ ኪቶ ኤርካይዛኮ ኡንትስ ሎኦ የሻ። 22 «ካና ፋ ጮሻጎ ሱብ ማቃነ» ማህ፥ «ሜጭንትደ ጉዳይለ ሱብ ማቂ ሎቃ ግዳ ጎልእንታነ» ጋዘ አዝዘ ቱሮ ማቅዛና ኡንታላ አፋ ፎልንትዳ።

<- 2 ጴጥሮሳ 12 ጴጥሮሳ 3 ->