3 ኑ ኦህዘ ዎንገልዘ ጌንግደ ባዝ ማቅኮን፥ ገንግዳና ꬋበ ኦገ የዘ አሱንꬅስ። 4 Ꮉና አላምቶ አህዘ ጾዘ አማኖሰ አሱንꬅ ዎዝንቶ ጎዝዳ። ኡን ጾዘ ብሻራ ቆንጭደ ክርስቶሳ ቦንቾ ዎንገለ ፎእቶ በአመ ጋር ካይዳ። 5 ኑኒ፥ የሱስ ክርስቶሳ ላꬂ ማቅዳኖን ኑ ኤ ግሾ ይን ኦቻንቾ ማቅዛኖ ኦህነ ፋትን ኑ ባዝ ኦሆስ። 6 «ፎኦ ꬉማ ግዳ ፎኦ» ጋይደ ጾዘ፥ ክርስቶሳ ስንቶ ፎእዘ ጾዘ ቦንችቶ ኤርዘ ፎእቶ እንጎደስ ፋ ፎእቶ ኑ ዎዝንተ ፎእዝዳ። [a]
7 የዝን ኡባፓ አꬍዘ ዎልቃ ኑ ባዝ ማቅካይዝን ጾዘ ባዝ ማቅዛኖ ቤሳደስ Ꮉና ቦንቾ ቆልታ መቂዘ ሚሸ [b] ፋና ኑ ግዳ የነ።
8 ኑ ኡባ ባጋራ ዋይንትዳ፥ የዝን መቂካያ። ኑስ ዎርክታ ማቅዳ፥ የዝኮን ኡፋይስ ጋችካያ። 9 ኑ፥ ሞርኩንꬃራ ባይእንትዳ፥ የዝን ላገ ꬋብካያ። ኑ ሞርኩንꬃራ ጉዱንቲ ጎልእዳ፥ የዝን ꬋብካያ። 10 የሱሳ የእታ ኑ ጋልተ ቆንጮደ ፋና ኤ Ꮉይቅቶ ኡባ ዎደ ኑ ጋልተ ቶኪ ዉታነ። 11 የሱሳ ደእታ Ꮉይቅዘ ኑ ጋልተ ቆንጮደ ጋር ፋጻ የዘ ኑኒ ኤ ግሾ ኡባ ዎደ Ꮉይቆስ አꬊ እንግንታነ። 12 ይኬ፥ Ꮉይቆ ኑ ግዳ ኦችዘ ዎደ ደኦ ይንግዳ ኦቻነ።
13 ጌሽ ማጻፍተ፥ «ታ አማንዳ፤ ይኒ ግሾ ኦህዳ»[c] ያጋእንትዳ። ይኒ ፋና አማኖ ኑስ የዘ ግሾ ኦህነ። 14 ላꬄ የሱሳ Ꮉይቆፓ ደንꬅደ ጾዘ፥ ኑናን የሱሳራ Ꮉይቆፓ ደንꬆዳኖን ይንታራ ዎላ ፋ ቲኖ ሺሾዳኖ ኤራነ። 15 ይና ኡባ Ꮉንዳና ይን ግሾ። ጾዘ አꬎ ከሃትꬅታ ጋማ አሱንꬃና የልዘ ዎደ አሱንꬅ ጾዘ ቦንቾስ ጋላታ ጋንጎደ ፋና።