1 ይኬ፥ ዎሳ ኬꬃ ጭሙንꬃራ ጭማ ማቅደ፥ ክርስቶሳ ማꬍቶ ማርክꬍዘ ቆንጮደስ የዘ ቦንቾ ሻክንቶደስ የዘ ታኒ፥ ይን ግዳ የዘ ጭሙንꬃና ዞራነ። 2 ይንትስ አደትꬃራ እንግንትደ ጾዘ ዉድቶ የንጎተ። ጾዚ ኮይዛን ፋና ካራ ፋትን ኡንእራ የንግፐተ። ማህ ሚሸ ኮይ ባይዝን ካꬊ ማዶዳ ጋእ ሎኦ ቆፋራ የንጎተ። 3 [a]ይን አደትꬃፓ ኦሞራ የዘ ዉዱንꬅስ አዝዘ ማቆተ ፋትን ላꬂ ማቅፈተ። 4 የንግዙንꬅ አዳይ ቆንጭዘ ዎደ ꬋቦሰ ቦንቾ ዎርቃ ዛዉደ ይን ኤኮዳ።

5 ይኒ ፋናን፥ ናአትꬁንꬆ፥ ጭሙንꬅስ አቆተ። ይን ፈታይ ፈታይስ አዳ ማቆተ። ጌሽ ማጻፍተ፥ «ጾዚ ኡቱርትዙንꬃና እጻነ፥ የዝን አዱንꬅስ አꬎ ኬሃትꬅ እንጋነ» ያጋይዳ። 6 [b]ጾዚ ፋ ዎደ ይንታና ቦንቾደ ፋና ዳማ ጾዘ ኩሸፋ ኦሞራ ይንታና ዝቂ ዪዞተ። 7 [c]ኤ ይንትስ ቆፕዘ ግሾ ይንታና ይርግዘባዝ ኡባ ኤላ አፋ ኦሎተ።

8 ይን ሞርክዘ ጻላሄ፥ ቆꬍዘባዝ ኮይ፥ ጋሞ ፋና ꬋዝተራ ይን ካለራ ዉትዘ ግሾ ይንታና ናጎተን ባርኮተ። 9 አላመ የዘ ይን እሹንꬅ ይኒ ጋር ማꬋ ኤክዛኖ ኤሪ፥ አማኖራ ሚንግ፥ ጻላሄ እጾተ። 10 ፋ መዽና ቦንቾስ ክርስቶሳ የሱሳ ባጋራ ይንታና ጼግደ አꬎ ኬሃትꬅ ኡባ ጾዘ፥ ኤራꬅ ዎደስ ይን ማꬋ ኤክደፓ ሱባ፥ ኤ ፋ ኦምተ ይንታና አሾዳ፥ ካትሳዳ፥ ምንꬂ ኤሶዳ፥ ጻልሳዳ። 11 መꬍናፓ መዽና የሎደስ ጾዚ ካእቶ። አምንኤ።

12 አማንንትደ እሸ ጋእ ታ ኤክዘ ስላሰ ባጋራ Ꮉይ ኪትዛ ይንትስ Ꮉታራ ጻፍዳ። ታ ይኖ ይንትስ ጻፍዳና፥ ይንታና ዞሮደስን ጾዘ አꬎ ከሃትꬅታ ቱሮ ማቅዛኖ ማርክꬋደስ። ይና አꬎ ኬሃትꬅተ ሚንግ ኤቆተ።

13 [d]ይንታራ ዎላ ዶርንትደ ባብሎነ [e] የዘ ዎሳ ኬꬃ አሱንꬅን ታ ናአይ ማርቆሳ ይንታና፥ «ሳሮ ሳሮ» ያጋነ። 14 [f]ሲቆ ዬርንተ ዬርንትተራ፥ ፈታይ ፈታያ ሳርꬆተ።

ክርስቶሳ ግዳ የዘ ይን ኡቡንꬅስ ሳሮ ማቀ። አምንኤ።

<- 1 ጴጥሮሳ 4