1 ታ እሹንꬆ፥ ጌሽ አያና እሞትꬅባዝ ይን ኤሮደ ፋና ታ ኮያነ። 2 ይን ጾዝ አማኖሰ ዎደ ዶና ባይዘ ኤቁንꬃጎ ጎችንቲ፥ ይን ኤሮሰ ኦገ Ꮉንግዳኖ ይን ኤራነ። 3 ጾዘ አያና ካልꬅዘ አስ ኦደን፥ «የሱሳ ባድንቶ» ያጋኦስ። ማህ ጌሽ አያና ካልꬅካይዝን፥ ኦደን፥ «የሱሳ ላꬂ» ጋኦደስ ዳንዳኦሳኖ ይን ኤሮደ ፋና ኮያነ።

4 ዱማ ዱማ አያና እሞትꬅ የነ፥ የዝን እሞትꬅቶ እንግዘ አያንዘ ፈቶ። [a] 5 ኑ ላꬄስ ዱማ ዱማ ኦቻ የነ፥ የዝን ላꬄ ፈቶ። 6 ኑ ላꬄስ ኦችዘ ዱማ ዱማ ኦገ የነ፥ የዝን ይና ኦግተ አስ ኡባራ ኦችዘ ጾዘ ፈቶ። 7 የዝን ፈተስ ፈተስ እንግንትደ እሞትꬅቶ መሉንꬃና ማዶደ ፋና ጌሽ አያና ቆንጫነ።

8 ጌሽ አያና ፈተስ ጭንጫትꬅ ኩምደ ቃላ እንጋነ፤ ማህ ፈተስ ኤራትꬅ ኩምደ ቃላ እንጋነ። 9 የ ጌሽ አያንዘ ፈተስ አማኖ፥ Ꮉንካይስ ማህ ፋꬅዘ እሞ እንጋነ። 10 ጌሽ አያና ፈተስ ክለ ባዝ ኦችዘ እሞ፥ ፈተስ ትንቢተ ኦህዘ እሞ እንጋነ። ፈተስ አያናፓ አያና ሻኪ ኤርዘ ዎልቃ፥ ፈተስ ዱማ ዱማ ዶናራ ኦህዘ እሞ፥ ማህ ፈተስ ዱማ ዱማ ዶናራ ኦህንትዳኖ ብልዘ እሞ እንጋነ። 11 ይኒ ግሾ Ꮉኖ ኡባ ኦችዘ የ ፈቲ ጌሽ አያንዛ። ኤ ኮይደ ፋና ፈተስ ፈተስ ዱማ ዱማ እሞ እንጋነ።

12 ፈቲ ጋልተ ጋማ ብልተ የነ፥ የዝን ይና ዱማ ዱማ ብልቱንꬅ ፈቲ ጋላ። ይኒ ፋና፥ ክርስቶሳ ዱማ ዱማ ብልቱንꬅ የዘ ፈቲ ጋላ ፋና። [b] 13 ኑኒ አይሁደ ማቅን ግርኬ ማቅን አሮ ማቅን ዋሎ አስ ማቅን፥ ኡቡንꬅ ፈቲ ጋላ ማቃደስ ጌሽ አያናራ ጻማቅንትዳ። ማህ ኑ ኡቡንꬅ ፈቲ ጌሽ አያና ኡዥዳ።

14 ኑ ጋልተ ዱማ ዱማ ብልተ የነ ፋትን ፈቲ ጋላ ብልተ ባያ። 15 ቶሄ፥ «ታኒ ኩሸ ማቆሰ ግሾ ብልተ ባያ» ጋይኮ፥ ኤ ይኖ ጋይደ ግሾ ብልተ ማቅዛና አቶዳነ? 16 Ꮉየ፥ «ታኒ ኣፈ ማቆሰ ግሾ ጋላ ብልተ ባያ» ጋይኮ፥ ኤ ይኖ ጋይደ ግሾ ጋላፓ ፈቲ ብልተ ማቅዛና አቶዳነ? 17 ጋላ ኡባ ኣፈ ጻላላ ማቅዛኮ፥ ኑ አኮራ ስኦደ? ማህ ጋላ ኡባ Ꮉየ ጻላላ ማቅዛኮ ኑ አኮራ ስንጎደ?

18 የዝን ጾዚ ፋ ኮይዳን ጋራ፥ ጋላ ግዳ ዱማ ዱማ ብልቱንꬃና ጋድዳ። 19 ኡቡንꬅ ፈቲ ብልተ ማቅዛኮ ጋላ ዋይዝ የሳደ? 20 የዝን ብልቱንꬅ ጋማ ማቅኮን፥ ጋላ ፈቶ።

21 ኣፈ ኩሸጎ፥ «ነ ታስ ኮሾስ» ጋኦደስ ዳንዳኦስ። ዎይ ኦማ ቶሄጎ፥ «ነ ታስ ኮሾስ» ጋኦደስ ዳንዳኦስ። 22 የዝን ቦዛ አዝዘ ጋላ ብልቱንꬅ ኑስ አꬊ ኮሻነ። 23 ቦንቾ ኮሾስ ጋእ ኑ ቆፕዘ ብልቱንꬃፓ ባጉንꬃና ጋማ ቦንቻነ። ማህ ኑ ቦርስዘ ኑ ጋላ ብልቱንꬃና አꬂ ቦንቺ ናጋነ። 24 በአደራ ቦርሶሰ ጋላ ብልቱንꬅስ ቦንቾ ኮሾስ። የዝን ጾዚ ኑ ጋላ ብልቱንꬃና ዎል የልꬅ ቦርስዘ ብልቱንꬅስ አꬍዘ ቦንቾ እንግዳ። 25 ጋላ ብልቱንꬅ ፈተ ፈተራ ሻኮ መꬍካይዛራ ዎልስ ቆፖደ ጋር ማህ መꬍዳ። 26 ጋላ ብልቱንꬃፓ ፈተ Ꮉርግንትኮ ብልቱንꬅ ኡባ ኤራ Ꮉርግንታነ። ጋላ ብልቱንꬃፓ ፈተ ቦንችንትኮ ብልቱንꬅ ኡባ ኤራ ኡፋይታነ።

27 ይን ኡቡንꬅ ክርስቶሳ ጋላ፤ ማህ ይን ፈተ ፈተ ኤ ብልተ። 28 ዎሳ ኬꬅተ ጾዚ፥ ቲኖ ሐዋሩንꬃና፥ ላምእንꬃ ናቡንꬃና፥ Ꮉይꬓንꬆ አስታማሩንꬃና፥ ማህ ክለ ባዝ ኦችዙንꬃና፥ ፋꬅዙንꬃና፥ መሉንꬃና ማድዙንꬃና፥ ዎሳ ኬꬃ አህዙንꬃና፥ ዱማ ዱማ ዶናራ ኦህዙንꬃና ዶርዳ። [c]

ማህ ኡባፓ አꬍዘ ኦግቶ ታ ይንታና ቤሳዳ።

<- 1 ቆሮንቶሳ 111 ቆሮንቶሳ 13 ->