1 An atsh wa haꞌi i wuwha mash wa e wepogid g Jiosh haꞌichu i tashogiddam ch wabshaba wabsh ha iattogid g hemajkam. Kut hab waꞌap in wo i wuwha em-shahgid hegam mat wo chum em-mashcha g pi wohokam k wo padch g em-wohochudadag. Jesus Christ o d t-doꞌibiakam. K wabshaba idam pi wohokamchud. S-hohtam at im hu hab wo i ha juh g Jiosh mat hekid wo e ai g ha-tashga. 2 Muꞌijj at am ha oidch hab wo junihid g s-bihtagi haꞌichu hab ha-juni. T heg hekaj muꞌi hemajkam wo pad has ahgad g Jesus himdag. 3 Hegam mo em-iattogid ab amjed g Jiosh haꞌichu ahga o wabsh s-uꞌimkch g em-lialiga. K wabshaba am e nahtokch g Jiosh mat wo ha lodait k im hu hab wo i ha juh.

4 Si o tasho mo e aihim g lodaita tash. Haꞌi atsh am shul g anghil pi apꞌekam ch ed. Tsh g Jiosh am ha shul s-chuhugam k ed k am ha uꞌukch mat haha wo ha lodai geꞌe lodaita tash ed.

5 Muꞌijj g heki hu hemajkam ash wa pi ab hu wohog elid g Jiosh. Kutsh hab juh g geꞌe wiꞌindag matsh ha wiꞌin. Sh eda am wa chum ahgahim g s-apꞌekam ihda mash hab chehgig Noah. Tsh id doꞌibia g Jiosh ch wewaꞌak ehp g wehmaj kihkam.

6 Sh gam hu baꞌich, kush shaꞌi si pi apꞌe hegam mash am d kihkam Sodom ch Gomorra t am. Tsh g Jiosh am wabsh i ha hugio idam kihhim g meikaj mat wo ha chehgi g pi ap hemajkam mat has wo ha juh. 7-8 Kush am hema kih g s-apꞌekam oꞌodham ch hab chehgig Lot ch si s-wohom pi hohhoꞌid g pi ap haꞌichu hab ha-juni. Tsh id g Jiosh doꞌibia matsh hekid i ha hugio hegam kihhim.

9 Wehs ihda o am t-tashogid mo g Jiosh e nahtokch mat wo ha doꞌibia g s-apꞌekam oꞌodham ab amjed g ha-kudutadag k s-koꞌokam ab wo ha namkid g pi apꞌekam mat wo e ai g geꞌe lodaita tash. 10 Jiosh at baꞌich i si s-koꞌokam wo ha namkid hegam mo d wabsh totonto ch pi ap hekaj g e-chuhkug ch pi ab hu wohog elid g t-kownalig Jesus Christ.

Hegam mo ahgachug g pi wohokam o e sheshmachud ch si e hahaschud ch s-ta kekꞌeidam neneok ch s-koꞌokam has ha ahg hegam mo d hahaꞌichu an dahm kahchim ch ed. 11 Anghil o ha baꞌich i s-gewpkdag ch eda pi shaꞌi koꞌokam ab ha abchud hegam hahaꞌichu am tahgio g Jiosh. 12 K eda hegam s-chu iꞌattomkam pi haꞌichu am hu chegito hab masma mo g mischini haꞌichu doakam ch s-koꞌokam has ahg hegai mo haschu pi amichud. T g Jiosh wo ha hugio hab masma mamtp hems wo mua g haꞌichu doakam. 13 S-koꞌokam at ab wo bei g e-namkidadag heg hekaj mo am hab junihim g pi apꞌekam. Dash ha-hohhoꞌida mat chum hems tash ed hab wo junihid g si s-uam haꞌichu. Am ash em-wehm e gegosid. K d si edadag mo hab s-junimk g iattogida. 14 Heg o waꞌi tatchua mat g uꞌuwi an wo ha neidad ch pi ap haꞌichu am wo chegitod. Shahag wepo mo pi ha huhuge g pi ap ha-tatchui. S-uꞌimk o hegai mo pi ab hu d ha-wuikam ch im hu hab pi apko i ha wanimed hegam mo pi gewpkdag. Jiosh o heki hu ab ha mohtoꞌidch g s-koꞌok namkidadag. 15 Heki at hu i e mehkod ab amjed g s-apꞌekam hab masma matsh wa hema hab e juh mash hab chehgig Balaam. Ihda Balaambad ash d chum Jiosh haꞌichu i tashogiddam ch wabshaba s-uꞌimk g lial am hab junihidch g pi apꞌekam. 16 Tsh g Jiosh shohbi g pi ap haꞌichu hab elidaj am hab juhk g wuhlu shoigaj mat haha wabsh neo.

17 No hig pi woho mo pi haꞌichu wehhejed s-kehgaj g shongam matp wo gaksh o g s-chuchk chewagi matp gam hu wabsh wo wiꞌichkwua? Pegih, k hab waꞌap pi haꞌichu wehhejed s-kehgaj idam mo pi ahg g wohokam. Jiosh at am wo ha shul si s-chuhugam k ed. 18 Chum o si s-gimaim ch pehegi neneok ch s-uam haꞌichukaj i ha wanchshulig hegam mo chum e nakog mat wo e doꞌibia 19 no pi am ha ahgid mo wabsh chum haschu s-apꞌe ch eda hejel e wupulshch g pi apꞌekamkaj. Matp haschukaj wo e gewito g oꞌodham k heg hekaj wo e wulshchid.

20 Hegam s-chu iꞌattomkam at s-mai g wohokam ab amjed g t-kownalig Jesus Christ k hekaj wo chum e doꞌibia. Kut heg hekaj baꞌich wo i pi apꞌek mat am ep wo e wupulsh g pi apꞌekamkaj. 21 Ab o ha mahkch g Jiosh g haꞌichu e-ahga. K wabshaba baꞌich i s-apꞌe mat hems pi wo kah matp wabsh gam hu wo s-ohhod. 22 T am wo e wohokamch ihda hab ha-cheꞌidag: