2
1 ?Huri havagi a vanue dolue ram lalangogi huri vena ra vai gineu esi?
?Huri havagi tangaloi a nora lalangogi mo toa vurogi?
2 Ratahigi tau lo ure ram labe ram rarai ve ra qalo mei Huqe.
Ngere ram vile bubugi ram tovotovo asi vovoi Huqe mena na nona tangaloi vagatai.
3 Ngere ram veve vena, “Ginde da lai vohogi na garovauveu
me da tuli vohogi na garo ngere denire.”
4 Nge mo toga lolo taetae mo mana,
me i Huqe mo vaivei lolohaga meire.
5 Siu nge mo veve vohoginire me na nona loloasi,
mena nona lolobute mo vaire ram matagu.
6 Siu nau teu na Nongu ratahigi me lui Saeon
a Nongu vusi gogona.
7 Ratahigi move, “Neu nain toregi na leo noi Huqe.
Nge mo veve laweau move,
‘Nigo i netungu mwere!
Bagataha nam voragi tamamu.
8 Tareve goin hui deni eu, me neu nain bete lawego a nomu vanue,
mena nom sinobu vin dadari lo duvin ureure.
9 Goin vei vurivurire, gena ruqi aean
me goin momogagi nire mwere na sosovene tano.’ ”
10 Siu i gimiu ratahigi nein iloe.
Nein leohuri, gimiu tangaloi leogoro talo ure.
11 Go tabana nona Huqe mena londo mava,
rongarea mena matagute.
12 Go lai tabe tabegi na maresu mwera vaiteu
mo mero mo vai asisigi nigo huri mo mero u siseri.