1 Eto umo embo peni retemo isapa re amo inena God ta ari sirikari amo mane tiumbeto pambasoa te embo nei ta ari siriketo pehumba ere oa amo ari no te tapa umo oenga pehumba ereoa. 2 Eto ungotena kiari amo God na embo ta ari sasapura siriketo ke be na hajire ikasuja 3 te umo embo teho na embo ta ari avo sirikaroa te umo te tapa ari sapura vahai avo ereoa avoeto God na ari sapura ta hajire ikasuja amo daingeto tiumbeto pambao? 4 Eto God na no ari sapura ta hajire mahu ikau kiaehea te inena jo haperekau aja to aote mane ao avo God na iji koso be jo oi umo simba ere ua te God ta hondate ari avo uje ae ereoete? 5 Amo no jo ngahia amina jo haperekae mihiro God na ke be ta ari sirikari iji te amo God na no degi ta tumo pajire be aisi simba ere ua, 6 iji amite God na embo ta ari siriketo mine inono ta ikau kesora 7 amo embo amuna God ta usasa ta iresi jombure ue God ta uje avo pere ue sovera te iresuja embo amita degi God na vasiri ikau daroho iresuja 8-9 te embomeni tapa amuna ungota uje ta pahue God ta ke ga jujune ue ari sasapura ta pambasora amo God ta tumo na ikau memenga osaga keisora amo Judea embomeni na kihi kesora eto enda nei embomeni amo ambota kesora 10 eto ari jajavotoho embopo amo God na au usasa te peka te na otohu ta iresora amo Judea embomeni na kihi peka humbasora te enda nei embomeni ambota peka humbuto iresora 11 amo God ta tihi ta embomeni tapa inono be ra. 12-15 Eto God na degi nei ta ari sasapura rete javotoho hambasuja amo hajire inonota ikau kesora amo God ta ke pepeni Moses ta degi enu kajena amo enda nei embomeni na eheketo kiae rate enana ta jo ta God ta ke mihia amina ari sasapura davore javotoho davore avo harikeoi kiagora avoeto ari sapura aisora amo God na hajire ikau keisora. Rate God ta ke pepeni kajari amo Judea embomeni na eheketo kiagora te ke avo ambo ambo ae eagora avoeto God na hajire ikau kesora. Avo embo God na ke ingari embo avo javotoho ke mane eaguja te ke agi ari embo avo javotoho ke eaguja. 16 Eto ari einge ere ona amo God ta iji ke kahari puvuresuja amikote Bada Iesu Keriso na embo ta hotembari jo ta ojikari tapa amo siriketo hajire ikau kesora amita ke amo God ta ke hande eagona aita mihia.

17-19 Eto ungo Judea embomeni ta degi avo ikenu God na amita ke peni humbuto humota ue iragova eto God ta tunga humbari embomeni ke ijie na na ereva amite eto ungo meni isapa ta eto God ta ke ingito humbari irae ari avoeto sapura davore javotoho davore amo ungo ahepoekari kiari te God ta uje amite avo ungo kiari embopo avoeto tihi kuru ari embopo kihi humbuto pambari embopo eto mume ta irari embopo ta usasa ikari embopo eto 20 kiari umbae embomeni ahepoekari embopo eto meni isasaraho ta ahe poekari embopo amo ungo na eagova te do eto ungo oenga ainge ae eagove? 21 Eto pegene eagora ahe poekagova amo ungo mane pegene eagove? 22 Eto tiha pahia eagora ahe poekagova amo ungo mane tiha pahia eagove? Eto ungo God ingeni na ari uje ae embopo ungona enana ta jakeka ari bande ta pegene mane eagovete? 23-24 Eto ungo God ta ke peni humbari embo avoeto ungo embo peni ke ereva te God ta ke peni avo poekihe God ta javo eagove sapura eaguja eto God ta ke kajari mihia amina harikihia amo erevira “Ungo Judea embomeni ta ari avo enda nei embomeni na kogue God ta javo ere urumbihera.” 25 eto ungo Judea embomeni na dago God ta toho ke ijie hamo kakamba eagova te God ta ke peni avo poekasova amo hamo kakamba eagova amita ke avo irae asuja 26 rate enda nei embomeni na God ta ke pepeni avo agi ue hamo kakamba ae rate God na kito embo nau be ra aisuja avoeto ungo Judea embomeni amo hamo kakamba ue God ta ke pepeni poekagova 27 te enda nei embomeni hamo kakamba ae amina God ta ke agi eagora amina ungota degi pehumba aisora. 28-29 Ke erena amita be amo erevira Umo Judea embo tombu kiari amina mane eagoa te no jo te hotembari te tapa amina eagoa ainge dombo God ta ke kajari avo kogue hamo kakamba ari amina God ta toho mane asoa te no jo te ahihi te tapa na asoa amo God ta toho aisoa amo embo na ungota hamo kogue pehumba eaguja te no jo avo God na kito osa eaguja.

<- Romans 1Romans 3 ->