1 Munkingame mundu ywakabheghite na uhyubhalilo nnyoyobhalo, na nkotoke kulimbana naywo yakya mahwacho ghake. 2 Bhandu abhegha nhanganganiko, yumu uhyubhalilo ghwake ghunguntegheka kulyegha hilibhi hyoha, peni bhangi bhaabheghite na uhyubhalilo nyoyobhalo, kangulyegha likolo lya manyahi ghweka. 3 Mundu ywakalyegha hilibhi hyohele kakotoke kunhyuyuha yula ywangahotola kulyegha kila kilibhi, na yuna kulyegha likolo lya manyahi ghweka kakotoke kuntosa ywaalegha hilibhi hyoha, kiyaha Chapanga kannyitikila. 4 Ghwenga ndo ghani mbaka ghuyighe kuntosa ntenda lihengo ywa yungi? Pakayima ebu kaghwenga ndo nnando ghwa Bambo ghwake, kulyaghila, katayima ngangalima kiyaha Bambo kanguhotola kunnyimiha.

5 Mundu kaahotola kuhwacha limoo linjubha kukita ndo lya maha kyanalumu kupitingana linjubha lingi, mundu yungi kaahotola kuhwacha manjubha ghoha ndo tela. Kila mundu na katughile kila kyakahwachite mu mahala ghake. 6 Ywakalibhalanga limoo linjubha libhaghulwa kwakya Chapanga kyanalumu kupitingana linjubha lingi, kangutenda habhu kwa kunhokamila Bambo, na yunakulyegha hipongi kangulyegha kwa kunkweha Bambo, kiyaha kangunnumba Chapanga, na yunakulema kulyegha hipongi kangutenda habhu kwa kya Chapanga na kangunnumba Chapanga bhubho. 7 Kiyaha kahone mundu nkati yetu yunakutama kwa kya mwene, na kahone hata yumu nkati yetu yunakuhwegha kwa kya mwene. 8 Handa tungutama, tungutama kwa kya Bambo, na handa tunguhwegha, tunguhwegha kwa kya Bambo. Kya habhu, handa patutama ebu patuhwegha twenga ndo bha Chapanga. 9 Kiyaha kwa kya agha, Kilisito kakihwegha na kakibhegha na ubhumi kangi kwa likaho lya kubhegha Bambo ghwa bhoha, ndo ywa bhala bhaahweghite na bhaabheghite na ubhumi. 10 Peni, bhuli ghwenga? Kiyaha niki ghunguntosa nnongo ghwako? Ebu bhuli ghwenga? Kiyaha niki ghungunnyuyuha nnongo ghwako? Mana twabhoha twaayima muulongolo ghwa kiteho kya toso ya Chapanga. 11 Kiyaha Malembo ghatyekwa,

13 Hino, tuleke kutosana, kihyegho kyake mundu kakotoke kubhika kilibhi kya kunhokela ebu kya kunpotoha mu njila ya ulemwa. 14 Mu kulilunga na Bambo Yesu, mmegha na ulyaghilo kukita kahone hilyo hya maha ng'obhe mu kisilia kyake, peni handa mundu kahwacha kukita kubhegha na hilyo hiibheghite hya maha ng'obhe, ndo kwa aywo hibhegha hya maha ng'obhe. 15 Handa nnongo ghwako ghungunkukuliha kwa hilyo highuhilyegha, hino ndo ghunguleka kulongohwa na upalo. Ghukotoke kutegheka hilyo hyako hibheghe nhokolo ghwa kunhobheha nnongo ywako ywene Kilisito kakihwegha kwa kya ywombe! 16 Ghukotoke kutegheka kila kighukibhonite kya maha kikambukwe kukita ndo kihakata. 17 Kiyaha Ghubhutwa ghwa Chapanga chepa Kulyegha na kunywegha ghweka, ngati ndo shaliya, uhihimilo na uyelelo mu Nhuki ghwa Chapanga. 18 Kiyaha mundu ywohele yunakuntendela Kilisito lihengo kwa njila ayi, kangunnyeleha Chapanga na kuyitikilwa na anabhandu.

19 Kyahabhu, tukangamale kughapalaha ghala ghanakuyegha uhihimilo na kutengelekehana twenga kwa twenga. 20 Ghukotoke kulihanjangana lihengo lya Chapanga yakya ulimbano ghwa kya hilyo. Kulyaghila hilyo hyoha ndo hya maha, peni ndo uhokelo kulyegha kyohele kinakuntenda nnongo ghwako kaghweghe mu ulemwa. 21 Yibha mbaha ghukotoke kulyegha hiponge ebu difwai ebu kutenda nhalo ghungi ghwohele ghwakuntenda nnongo ghwako katende ulemwa. 22 Hino, mwenga ghala ghamughahyubhalila yakya nnando aghwo ghabhe kati ya mwenga na Chapanga. Mbaha mundu yula ywene, ywanga kubhegha na kihokonyo kya kulitosa, kangulipingikiha ng'obhe umaha ghwake. 23 Peni handa ywohele kangubhegha na lyogha kwa kya kila kyakakilyegha, aywo katoswa, kiyaha katenda kila kyakakihyubhalila kukita kibhegha kihakata muulongolo ghwa Chapanga. Hino kyohele kiitendekwa kya nga uhyubhalilo aghwo ndo ulemwa.

<- Akaaloma 13Akaaloma 15 ->