1 Kwajikovə mɨnə kafak,[a] yakamrai nəgkiarien e kɨmi əmiə mamni-əhu əmiə mə takhapəh nɨsorien təvhagə has. Mərɨg tukmə kasor təvhagə hah, yermamə kɨrik kapətawə tukrəgkiar atuə kɨn kapətawə kɨmi Kughen.[b] Yermamə e In e Yesu Kristo, yemə atuatuk. 2 Yesu e, Kughen rɨmɨvəhsi-pən narpɨnien kape təvhagə has kapətawə kɨmin, nɨtawɨn rɨmnaiyu.[c] Nɨtawɨn rɨmnaiyu, pəh nien mə kapətawə pɨsɨn əmə, mərɨg kape narmamə m-fam ye tokrei tanə.[d] 3 Mərɨg tukmə kɨtawə kasəri-pən nəgkiarien kape Kughen,[e] ramhajoun mə kɨtawə kharkun huvə mə kwənhauə mɨnharkun Kughen.[f] 4 Tukmə yermamə rɨmə rɨrkun Kughen[g] mərɨg rapəh nəri-pən-huvəyen nəgkiarien kafan, in rameikuə əmə; nəfrakɨsien rɨrkək iran.[h] 5-6 Mərɨg yermamə yame rəri-pən huvə nəgkiarien kafan,[i] norkeikeiyen kape Kughen ramkuə əfrakɨs kɨn norkeikeiyen yerkin.[j][k] Yermamə yame ramni mə in ravəh Yesu yerkin, tukraməkeikei məri-pən swatuk kɨrikianə əmə yame Yesu rɨmnəri-pən.[l] Norien a tukramhajoun[m] mə kɨtawə kamhavəh Yesu yerkitawə.[n]

7 Yo mɨnə tɨksɨn, pəh nien nəgkiarien vi kɨrik yame yakamrai kɨmi əmiə mə taksəri-pən;[o] mərɨg nəgkiarien akwas kɨrik yame nakwəsərɨg-ta kupən.[p] Nəgkiarien akwas e nəgkiarien yame nakwənharkun-ta. 8 Mərɨg, nəfrakɨs, ramor mə nəgkiarien vi kɨrik tuk əmiə.[q] Kɨni, nɨmraghien kape Yesu mɨne kapəmiə kawor əpu kaməm mə nəgkiarien e rəfrakɨs, meinai taktəkun ai, nəpɨgnapien rɨnamrɨkək,[r] kɨni nɨkhakien əfrakɨs[s] rɨnakhak-pə.[t]

9 Kɨni yeməhuak kɨrik yame ramni mə in ramərer ye nɨkhakien, mərɨg raməməkɨn nəməhuak mɨnə tɨksɨn,[u] yermamə en ramarə hanə ye nəpɨgnapien.[v] 10 Mərɨg yeməhuak yame rorkeikei nəməhuak mɨnə, in ramarə ye nɨkhakien.[w] Kɨni nar kɨrik to rapəh norien rɨmɨr.[x] 11 Mərɨg tukmə raməməkɨn in kɨrik, ramarə hanə ye nəpɨgnapien,[y] rɨmuvrɨg əpɨs in, raməriwək əmə ye nəpɨgnəpien.[z]

18 Kwajikovə mɨnə kafak, kɨtawə kwənhauə ye Nɨpɨg Kwasɨg.[ll] Nakwəsərɨg mə tɨkmɨr kɨrik kape Kristo tukruə.[mm] Kɨni taktəkun ai, tɨkmɨr mɨnə khapsaah kape Kristo kwənhauə ta.[nn] Kwənhauə, kɨtawə kharkun mə kwənhauə ta ye Nɨpɨg Kwasɨg. 19 Iriə kwəsəpəh kapətawə niməhuak mɨnə,[oo] meinai iriə, pəh nien mə kɨtawə əgkəp mɨnə tɨksɨn əfrakɨs a. Rɨpi mə kɨtawə əfrakɨs əgkəp mɨnə tɨksɨn a, to kɨpihapəh nɨsəpəhyen ətawə. Mərɨg iriə kɨmɨsap-ta irətawə, ramhajoun mə iriə pəh nien mə kɨtawə mɨnə tɨksɨn.

20 Mərɨg kɨmiə, Kristo, Yemə Imərhakə, rɨnəvrai-pre-ta Nanmɨn Rhakə[pp] kɨmi əmiə mor kɨmiə nakharkun nəfrakɨsien. 21 Yakamrai nəkwəkwə e kɨmiə əmiə, pəh nien mə nakseinein nəfrakɨsien, mərɨg kɨmiə nakwənharkun ta nəfrakɨsien, kɨni mɨnharkun mə nəfrakɨsien rɨpəh nɨkuəyen kɨn neikuəyen.[qq] 22 ?Pa e in yeikuə kɨrik? Yermamə yame ramni mə Yesu pəh nien mə Kristo yame Kughen rɨmɨrpen. Yermamə e in e, in tɨkmɨr kape Kristo. In rukreikɨn-pən nɨmeitaan kɨmi Rɨmtawə Kughen mɨne Tɨni, Yesu.[rr] 23 Yermamə yame rukreikɨn-pən nɨmeitaan kɨmi Tɨni, Yesu, reinein nofugɨnien ye Rɨmtawə Kughen. Mərɨg yermamə yame ramni nəfrakɨsien ye Tɨni Yesu, rofugɨn ye Rɨmtawə Kughen.[ss]

24 Rɨkimiə tukraməsɨk mɨpəh nɨsəru-kɨnien nəgkiarien yame nakwəsərɨg-ta kupən. Nəgkiarien a raməmɨr hanə irəmiə, mor əmiə naksofugɨn ye Rɨmtawə Kughen mɨne Tɨni, Yesu.[tt] 25 Kɨni nar a in a, nɨmraghien rerɨn, Kughen ruɨni-ta mə tukrɨvəhsi-pə kɨmi ətawə.

26 Yakamrai nəgkiarien mɨnə e kɨmi əmiə mamni-ərhav narmamə yamə mɨne kasarkut tuk nɨvi-tayen əmiə.[uu] 27 Mərɨg kɨmiə, Kristo rɨnəvrai-pre-ta Nanmɨn Rhakə kɨmi əmiə, raməmɨr təvɨr hanə irəmiə.[vv] ?Ror pən, pa mɨn rɨrkun nhajounien nar vi kɨrik kɨmi əmiə? Yermamə rɨrkək. Nanmɨn Rhakə, yame Kristo rɨnəvrai-pre-ta kɨmi əmiə[ww] ramhajoun narɨmnar fam kɨmi əmiə. Nhajounien a raməfrakɨs, mɨpəh neikuəyen nɨpɨg kɨrik. Nanmɨn Rhakə ramhajoun əmiə[xx] mə takasofugɨn ye Kristo mamharpɨn.

28 Kɨni taktəkun ai, kwajikovə mɨnə kafak, takasofugɨn-pən ye Kristo pəh nɨpɨg tukruə,[yy] məm kɨtawə khapəh nhagɨnien, mhapəh nɨsaurɨsien tuk nɨsərerien ye nɨmrɨn.[zz]

29 Tukmə nakharkun mə Yesu In ratuatuk,[] takharkun mə narmamə m-fam yamə mɨne kasor norien atuatuk, iriə a kwajikovə mɨnə kape Kughen.[]

<- 1 JON 11 JON 3 ->