2 JOHN Ana-wubiba na-John-jinyung Niga na-John, nubagi-yung na-Jesus-inyung naa-mijgalmini-yinyung, ni-warrarrangi anaani ana-lhaawu. Niga ni-yiwanggu, anubani-yung ni-warrarrangi. Anaani-rruj ana-lhaawu, niga wani-magaa warruburru-yung wurru-jambarrgini-yinyung, ana-lhal-aynjaabugij-duj ana-lhal. Nguynju yadhu warruburru-yung amburraa-ḏamarr-ngu-burrangijgaynjini marri amburru-dhi-maṉdhini wugurru.
1Na-John ni-warrarrangi anaani ana-wubiba. 1 Ngaya anaani nga-yiwanggu. Anaani nga-warrarrii nugawi-wuy, ngarra-maṉinyung-guy, na-God yamba ni-wajbarini nagang. Marri nugawi-nyinyung-guy warra-mijburrayung. Anaani nganaa-ḏamarr-ngu-burraa, yijgubulu-windiyung. Marri warruburru wurru-marrbuy-inyung aniijgubulu, wugurraayunggaj nambii-ḏamarr-ngu-burraa nugurru. 2 Anubani aniijgubulu-yinyung ana-lhaawu, wu-burraa ngagurri-rruj. Marri anggu-burraa anggu-wuguuguni wugurru.3 Na-God na-Baba, marri na-Jesus Christ, na-Niwiyayung na-Baba-yinyung, ngagurru ngarrambi-walgaṉmana, marri ngarrambi-man.galagana, marri ngarrambi-lhamaamura-gana anaani. Wuguṉi yamba ngarrambii-ḏamarr-ngu-burraa marri ngarrambi-yiyini anubani aniijgubulu.
Ngagurru ngaambaa-ḏamarr-ngu-burrangijgaynjina. 4 Na-Baba niga ngarrani-magaa, anubani ngaanggu-yandhurrbangana ana-lhaawu aniijgubulu. Mulung-arrgi-yung nugurru aadanu, nirri-yandhurrbangana ana-lhaawu. Wudanila-wala, ngaya anaani ngaaḻaaḻarrii.5 Anaani nga-warrarrii ana-lhaawu nugurri-wuy. Waari anaani anggu-gadhuwa-magaa. Niga na-Jesus anaani ngarrani-magaa wubani-yung a-wulhu-wulhurr. Ni-yamayn, “Nugurru numburraa-ḏamarr-ngu-burrangijgaynjina.” Anaani ngana-magana, danu numburraaṉbina nugurru.
6 Ngagurru-maynji ngaambaa-ḏamarr-ngu-burrangijgaynjina, anaani wiijamana, ngagurru ngaanggu-yandhurrbangana nigawi-nyinyung ana-lhaawu. Ana-wulhu-wulhurr anaani ngarrani-magaa ana-lhaawu, “Numburru-wuguuguni numburraa-ḏamarr-ngu-burrangijgaynjina aadanu.” Dani-yung ngarrani-magaa ngagurru.
Ngagurru ngaambu-dhi-maṉdhina. 7 Arrawindi wurru-wurruj, warruburru-yung ngarrambi-dhaayurrii anaani-rruj ana-lhal. Ngagurru anaani ngurru-marrbuy, ni-waṉiyn na-Jesus Christ ngun.gu-mirri. Yagu warruburru-yung wuu-yamana “Waari”. Warruburru-yung warra-dhaayurrii-yinyung, warruburru-yung wunu-wurrij-bangana-yinyung nigawi-wuy na-Jesus Christ-guy wugurru.8 Nugurru numburru-dhi-maṉdhina. Nurru anaani anubani-yunggaj nurru-mijgalmini nugurri-rruj, nguynju yadhu niga na-Jesus nambaniiyii anaarrawindi aniij-mamaaḻang. Nugurru aadanu aḏaba yagi nirriirru, nguynju yadhu niga nambani-bayarra-gang maaḻamburrg-galawaj nugurru.
9 Na-Jesus Christ niga ngarrani-yiyina. Warra-mulung-arrgi-yung-maynji yagi-maynji wirri-waṉagi ana-lhaawu, marri amburru-wawanggina anaaynbaj-guy ana-lhaawu, aadanu yagi wurru-marrbuy-mi na-God. Yagu nugurru-maynji amburru-wawanggina-wugij ana-lhaawu na-Christ-inyung, numburru-marrbuy na-Baba marri na-Niwiyayung.
10 Warraaynbaj-maynji ambu-yaarri nugurri-wuy, yagi anaani ari wii-yarrijgi ana-lhaawu, yagi warrubawi-yung narra-lharrgi wu-rumi nugurri-wuy anaanga-wuy. Marri yagi nurru-rumi narraalgur-wi wugurru. 11 Warrubawi-yung-maynji ambarraalgur-wana, anaani wiijamana, warruburru amburraaṉbina aladi-windiyung, warruburru-yung amburru-waliynjina wugurru.
Na-John ani-yambina wiiyaw. 12 Anaani arrawindi ana-lhaawu nganamba-magana nugurri-wuy. Yagu yagi nga-warrarri ana-wubiba marri ana-ink. Anaani nga-wurrij-dhaḻagina ngaynjaarri nugurri-wuy, nganamba-milgina. Marri ngaambu-yambiynjina, marri ngaambu-waḻaaḻarrang anaani.13 Ngarrubagi ni-wajbarini-yinyung ngarra-ngarrilharri, marri warruburru warra-mijburrayung ngigawi-nyinyung anaani wurru-burraa-yinyung ngayawi-rruj, burru-yung wurru-yandharrgina lhaawu nugurri-wuy aadanu.
Wiiya.
3 Na-God na-Baba, marri na-Jesus Christ, na-Niwiyayung na-Baba-yinyung, ngagurru ngarrambi-walgaṉmana, marri ngarrambi-man.galagana, marri ngarrambi-lhamaamura-gana anaani. Wuguṉi yamba ngarrambii-ḏamarr-ngu-burraa marri ngarrambi-yiyini anubani aniijgubulu.
5 Anaani nga-warrarrii ana-lhaawu nugurri-wuy. Waari anaani anggu-gadhuwa-magaa. Niga na-Jesus anaani ngarrani-magaa wubani-yung a-wulhu-wulhurr. Ni-yamayn, “Nugurru numburraa-ḏamarr-ngu-burrangijgaynjina.” Anaani ngana-magana, danu numburraaṉbina nugurru.
6 Ngagurru-maynji ngaambaa-ḏamarr-ngu-burrangijgaynjina, anaani wiijamana, ngagurru ngaanggu-yandhurrbangana nigawi-nyinyung ana-lhaawu. Ana-wulhu-wulhurr anaani ngarrani-magaa ana-lhaawu, “Numburru-wuguuguni numburraa-ḏamarr-ngu-burrangijgaynjina aadanu.” Dani-yung ngarrani-magaa ngagurru.
8 Nugurru numburru-dhi-maṉdhina. Nurru anaani anubani-yunggaj nurru-mijgalmini nugurri-rruj, nguynju yadhu niga na-Jesus nambaniiyii anaarrawindi aniij-mamaaḻang. Nugurru aadanu aḏaba yagi nirriirru, nguynju yadhu niga nambani-bayarra-gang maaḻamburrg-galawaj nugurru.
9 Na-Jesus Christ niga ngarrani-yiyina. Warra-mulung-arrgi-yung-maynji yagi-maynji wirri-waṉagi ana-lhaawu, marri amburru-wawanggina anaaynbaj-guy ana-lhaawu, aadanu yagi wurru-marrbuy-mi na-God. Yagu nugurru-maynji amburru-wawanggina-wugij ana-lhaawu na-Christ-inyung, numburru-marrbuy na-Baba marri na-Niwiyayung.
10 Warraaynbaj-maynji ambu-yaarri nugurri-wuy, yagi anaani ari wii-yarrijgi ana-lhaawu, yagi warrubawi-yung narra-lharrgi wu-rumi nugurri-wuy anaanga-wuy. Marri yagi nurru-rumi narraalgur-wi wugurru. 11 Warrubawi-yung-maynji ambarraalgur-wana, anaani wiijamana, warruburru amburraaṉbina aladi-windiyung, warruburru-yung amburru-waliynjina wugurru.
13 Ngarrubagi ni-wajbarini-yinyung ngarra-ngarrilharri, marri warruburru warra-mijburrayung ngigawi-nyinyung anaani wurru-burraa-yinyung ngayawi-rruj, burru-yung wurru-yandharrgina lhaawu nugurri-wuy aadanu.