5
1-2 Nyangka-pula wati kutjarra tjiinya Mama Kuurrku wangka kulira tjakultjunkupayilu watjaranytja-tjananya tjurrtju purlkanya-ya wantinytjamaaltu palyara wiyaltjaku. Nyangka-pula liita kutjarralu kuliralpi yanu yarnangu pirninyartu parrawatjaranytja, “Pitja-ya nyangka-la pirnilurtu tjurrtju purlkanya palyala wiyala.” Nyangkalta-ya mularrpartu pitjangu palyaranytja. Nyangka-pula wati kutjarra Mama Kuurrku wangka kulira tjakultjunkupayilu lurrtjurringkulalpi palyaranytja.
3-17 Nyangka-ya wati pirni ngurra palunyawana nyinapayilu pitjangu-tjananya tjapirnu, “Yuwa, watjala-lanyatjuya. Nganalu-tjananyanta watjarnu tjurrtju ngaanya-yan marlakulu palyaltjaku?”
Nyangka-ya watjarnu, “Wiya, puurrpa Tjaaralu-lanyatju witurnu pitjala-latju tjurrtju ngaanya marlakulu palyaltjaku.”
Nyangka-ya kuliralpi lata walkatjunu wiyarnu puurrpa nyarra Papulanta nyinapayiku. Tjiinya puurrpa Tjaaranya wiyarrinyangka puurrpa kutjupa yini Turayinya nyinarranytja. Nyangka-ya puurrpa Turayiku ngaapirinypa walkatjunu, “Yuwa puurr, watjala-lanyatju. Mularrpa-munta puurrpa Tjaaralu-tjananya watjarnu pitjala-ya tjurrtju purlkanya Tjurutjamala palyaltjaku? Palunyapirinypa-ya yarnangu pirnilu watjara.”
<- Yatjuranyatjarra 4Yatjuranyatjarra 6 ->