Luva'ana'i Namana Makamakana

This is the New Testament in the Nara Language, Central Province, PAPUA NEW GUINEA
The New Testament in the Nara Language (nrz)
Central Province, Papua New Guinea

Illustrations on pages ... by Birney Boyd. Used with permission.
Illustrations on pages … by Louise Bass, © The British & Foreign Bible Society, 1994.
Illustrations on pages … by Horace Knowles, © The British & Foreign Bible Society, 1954, 1967, 1972, 1995.
Illustrations on pages ... by Horace Knowles revised by Louise Bass, © The British & Foreign Bible Society, 1994.
Illustrations on pages ... © 1996 David C Cook. Used with permission.
Illustrations on pages ... by Gordon Thompson, © 2012 Wycliffe Bible Translators, Inc.
Illustrations on pages ... are UBS New Reader Series, © United Bible Society, 2002.
Illustrations on pages ... by Darwin Dunham, © United Bible Societies, 1989.
Illustrations on pages ... by Graham Wade, © United Bible Societies, 1989.

Colour photographs are used with the permission of the following individuals and organisations:
Puka kanania laloanai demimia davata Puka Vata Vata to'oto'ota Abuta Mataio Mt Maleko Mk Luka Lk Ioane Io Veauneke Eta Vinaula Vn Loma Lm 1 Kolinto 1Kl 2 Kolinto 2Kl Kalatia Kt Epeso Ep Pilipo Pp Kolose Ks 1 Tesalonika 1Ts 2 Tesalonika 2Ts 1 Timoteo 1Tm 2 Timoteo 2Tm Tito Tt Pilemona Pm 'Ebelu Eb Iakobo Ik 1 Petelo 1Pt 2 Petelo 2Pt 1 Ioane 1Io 2 Ioane 2Io 3 Ioane 3Io Iuda Id Ivala'asina Iv Luva Anita Luva Anita Ekakavu Abuta

Puka Vailana

Puka kanania ‘Luva'ana'i Namana Makamakana’ 'eva Dilava ena luva 'ani siako vaika Idume Kabukabuna Dilava ena kau evalalovaita inoku deleleia. Deleleia makava 'eva Elene malatai deleleia vakaia deabia keini mala edeata edeatai deleleia. Vali'u kanania'i 'eva 'ani iabikeinina Lala malanai. Lala malanai deluvaluva mai devakua kauta boutai 'eva 5,000 boina, ia 'eva Bereina District ai demimia, Central Province laloanai.

2 Timoteo 3.16 ai Paulo eluva ediaka,

“Puka Kabukabuna luvata boutai 'eva Dilava Idumena ena viduluai deleleta, inoku eta vinaula 'eva namavaikata, kataua'i luva umauna eka vamalele vaia, bevalalovaita komolo, bevada'ata komolo, mai mauli komolona bevaikabasita kanaua'i ekamia. Kanaua 'ounai Puka kabukabuna luvana betata'u kau Dilava ena vinaula devavaia kauta eva'oluta kave'i vinaula nama'ita boutai bevavaita.”

Lai a'ula Puka kanania ovakua laloanai, luva kanaua “Dilava ena vinaula devavaia kauta beva'oluta kave'i vinaula nama'ita boutai bevavai.” 'eva oni emu ai be'ao.

Puka Kanania Laloanai

Puka kanania laloanai 'eva Iesu Keliso valina nama'ina. Bovakua 'eva boikabasi, kau 'eva Dilava ita bevaka'onamo 'udai. Kanania 'eva puka ka'onamo, beiamo Iesu ena veauneke kauta vaida mai abiveni kauta deta'u puka ka ka deleleta. Kanaua 'ouna puka kanania laloanai 'eva puka boutai lua navui kalakoika (27) demimia, inoku laloatai 'eva Dilava Nakuna Iesu Keliso lovana de'aku. Vikau davatai puka katania deleleta 'eva puka akatai sia demimia. Aoneka kauta delalovaia Iesu eda'a vutuvutu mulinai 'eva ena kau deta'u puka katania deleleta. Maleko ena lelelele 'eva easi makava vakaia muliai 'eva Ioane ena.

Makavanai kau kataua puka kanania luvata deleleta 'eva puka idouta vida mai elena vida 'eva sia deleleta, Maivaka puka 'olana luvata kikita 'eva sia deleleta. Vali'umo muliai 'eva kau deta'u idouta vida mai elena vida deleleta maivaka puka 'olana luvata kikita vaka deleleta 'olana vakuvaku ivaveaveana dainai.

Puka lava'ana'ita vani laloatai puka 'olata luvata kikita vaida venutai 'eva puka vaida vata maivaka idouta mai eleta vaka deleleta. Kanania anina 'eva sisiba vitaitana puka kataua laloatai bodavalita. Puka ka ka imakavatai 'eva ‘Puka laloana ilelena luvana’ deleleta, kataua 'eva puka lovata de'aku, mai venutai 'eva ‘Puka iduvuna namata’ deleleta.

Vali nama'ina deleleia kauta eta lelelele laloatai 'eva melala doutamo puka 'ana'ina luvata vaka deleleta. Kanaua 'ounai puka kanania laloanai luvaluva kataua boita 'eva kena lai availu dodo laloa duasi lai aleleta. Kanaua lai aleleta koma 'olana 'eva oi vakuvaku kaumui oi bo'ika koanai komolonai oi boikabasi, kataua 'eva puka 'ana'ina luvata. Vitaitana kau eta masi deleleta davata vaka kena lai availuta dodo laloa duasi lai aleleta.

Puka iduvuna luvata vaida vaka maka [ ] katania boita laloatai lai aleleta, 'olana luva kataua 'eva lelelele 'ana'ita laloatai sia demia ia vali'umo muliai, vikau doutamo 'ani deole laloanai deleleta. Vaka luva vaida maka ( ) katania boita laloatai 'eva makavana umaunai Elene malatai sia deleleta luvata ia vali'u muliai lai sibomai lai aleleta 'olana luva anina oi kevamuiai lai bavala'asia kave'i 'ounai.

Puka kanania mulinai kabena laloanai 'eva puka kanania laloanai ‘Luva anita’ vaida lai aleleta. Katania 'eva Iuda kauta eta koa mai kubuta 'ava'avata eta koa ua'i boikabasi kave'i ovota bo'ovo 'ounai lai aleleta.

Kanaua mulinai 'eva ‘Luva eka davali abuta’ boikala. Kanaua laloanai 'eva puka 'olana luvata vaida, inoku 'olata luvata ka ka venutai 'eva puka vaida vata maivaka koata mai eleta. Puka kataua laloata boikata 'eva vidulu luvata puka 'olana luvana lovana deakua.