—¿Kuali kajki tla se tlakatl kikajkawa isiwa san por ayakmó kuali mowikah?

4 Jesús okinnankili:

—¿Ayamó nonkiamapoah itlajkuilol Dios?, itech ipewaya n tlaltíkpaktli, Dios okinchijchi “tlakatl iwa siwatl.” 5 Noiwa okinmili: “Yika n tlakatl kikawas ita iwa ina iwa moseitilis iwa isiwa, iwa yejwah ome mochiwaskeh san se.” 6 Ijkó kiné, yejwah ayakmó ome, yej sanwel se. Yika, tlan Dios yokiseitili, amaka makinxexelo.

7 Ijkuakó n fariseos okitlajtlanijkeh:

—¿Tleka kiné Moisés okitekawili mamosiwakajkawa se tlakatl, iwa makimajmanili isiwa se amatl kan makijto kikajkawa?

8 Jesús okinmili:

—Moisés okitekawili ximosiwakajkawakah, porke yokixmatiah tlakuawak nomoyolo; pero achto amo ijkó okatka. 9 Ne nomechilia, sanwel tla isiwa omomekati, weletis itlákau kikajkawas isiwa. Porke akin mosiwakajkawa iwa monamiktia iwan ok se siwatl kijtosneki san kimomekatijtok.

10 Itlamachtijkawah n Jesús okilijkeh:

—Tla milák amo kuali se mosiwakajkawas, okachi kuali amo se mamonamikti.

11 Ijkuakó Jesús okinnankili:

—Amo nochteh weletih kajsikamatih nin tlájtoli, yej sanwel non Dios kimpalewia makkajsikamatikah. 12 Onkateh tlakah otlakatkeh eunucos.*Eunuco: se tlakatl non amo weleti kimpia ipilwah Oksikimeh okintoktijkeh eunucos. Iwa oksikimeh nemih kemi eunucos porke kinekih tekitiskeh para Dios. Akin kinekis kiselis nin tlájtoli, makiseli.

—Xikinkawilikah n kokoneh mawikih nonawak iwa amo xikintsakuilikah, porke akimeh yolyamankeh kemi kokoneh kalakiskeh ilwikak kan Dios tlanawatia.

15 Jesús okintlali imawah ipan kokoneh iwa satepa oyá de ompa.

—Kuali tlamachti, ¿tlan moneki manikchiwa, para nikpias nemílistli non ayik tlami?

17 Jesús okinankili:

—¿Tleka techtlajtlania tlan kuali? Sanwel onka se non de milajka kuali, iwa Ye Dios. Pero tla tikneki tiyolitos, xikintlakita n tlanawátilteh.

18 N télpochtli okili n Jesús:

—¿Katliejmeh?

Jesús okinankili:

iwa xiktlasojtla mokni ijkó kemi te timotlasojtla.

20 N télpochtli okinankili:

—Nochi noni nikchijtiwits, ¿tlan okachi nechpoloa manikchiwa?

21 Jesús okili:

—Tla de milajka tikneki ti yetos ti kuali tlakatl, xiknamaka nochi tlan tikpia iwa n tomi xikintliokoli n próbesteh. Ijkó tiktlawelpias weyi tlaxtláwili kan ilwikak. Iwa tias nowa.

22 Keman n télpochtli okikak tlan Jesús okili, oyá omoyolkokojtia porke okitlawelpiaya.

23 Ijkuakó Jesús okinmili itlamachtijkawah:

—De milajka nomechilia, okachi owi kalakis itech ilwikak kan Dios tlanawatia se non kitlawelpia tomi. 24 Oksepa nomechilia, okachi amo owi panos se “kameyo”†Sikimeh tlajkuílolteh kipiah n tlájtoli ‘de kameyo’ porke n michmajkeh kipiah se tomawak riata non okichijchijkeh ika itsojmio n kameyo. Nawi itlamachtijkawah achto yejwah michmajkeh iwa okitekitiltiayah non riata non yejwah okitokayotijkeh kameyo. kan ik ixtololo n akuxa, iwa amo se non kipia tomi maweleti makalaki kan Dios tlanawatia.

25 Ijkuak itlamachtijkawah okikakeh nin tlájtoli, omotlajtlachialtijkeh iwa okimoliayah:

—Tla ijkó, ¿akin weletis momakixtis?

26 Jesús okintlajtlatak iwa okinmili:

—N tlaltikpaktlakah amo weleti kichiwah, pero Dios nochi weleti kichiwa.

27 Ijkuakó Pedro okili:

—Noteko, tejwah otikkajtejkeh nochi tlan otikpiayah iwa mowah tikateh. ¿Tlan tikpiaskeh?

28 Jesús okinnankili:

—De milajka, nomechilia, ijkuak ajsiki n tonati ijkuak nochi moyankuilis, Ne Non onimochi ni tlakatl nimoyayantis, iwa ompa nitlanawatis ika mawistílistli. Ipan non tonati nomejwah akimeh nonwitseh nowah, noiwa nonmoyayantiskeh itech májtlaktli iwa ome (12) siyajteh. Ompa nonkinmixkomakaskeh n májtlaktli iwa n ome (12) tribus de Israel. 29 Iwa nochteh akimeh okikakajtejkeh incha, inmikniwah, inweltiwah, intajwah, impilwah noso intlalwah por tetlapowijtinemih notlajtol, kiseliskeh okachi de nochi tlan okikakajtejkeh, iwa mach ayik mikiskeh yej nochipa yolitoskeh. 30 Pero non axa tlayakantokeh, yejwah yetoskeh iksemi, iwa non axa kateh sa iksemi, yejwah tlayakantoskeh.

<- San Mateo 18San Mateo 20 ->