1 Idania mai, Moses te hulira na vure ni Israel na veitotoghoni me lagavulera erua na vunaghi haba paleva uluna na betitina Jordan, me lagavulera rua sagui didira na pari. Na vovoka ani didira na pari [rua na vunaghi haba ini] te vuivuni na nanata Arnon me dato me sara tana betitina Jordan mi tona haliu me va sara tana ghotu Hermon paleva launa. 2 Ma sakai tadira na vunaghi haba ini na ahana Sihon. Gaia te vunaghi haba tana kemana Amor, me ghanaa tana komu sule i Heshbon. Gaia te vunaghi pungisia na levuna Gilead, te vuivuni tana komu Aroer [tana lavuna/lilighina] na nanata Arnon, me tona i ghobuna na nanata Arnon me sara va tana betitina Jabbok paleva launa, aeni na [ririti/kobevoka] tana kemana Amon. 3 Ma Sihon te haba pungisia ghua na boboko Jordan mi bokona na kolokama ni beti i Galilee, ma va saravia na tahi Mate paleva longana maia na komu Beth–Jeshimoth i uluna, maia na ghotu Pisgah.

4 Ma sakai ghua ke na vunaghi haba Moses ma rana Israel tara lagavulea ke, a Og na vunaghi haba ni Bashan. Gaia na sosoko tadira na kemana Rapha, na mumutabu, me vunaghi pungisi tana erua na komu i Ashtaroth maia Edrei. 5 E vunaghi pungisighi na lei bubulo te saroa paleva [launa/longana/North] va tana ghotu Hermon mi tana komu Salecah i uluna, ma gaighi udolu i Bashan paleva uluna me sara tana riritira na kinakabu ni Geshur mi Maacah. Me vunaghi pungisighi ghua na levuna Gilead me sara tana pilena na bubulona na vunaghi haba Sihon ni Heshbon.

6 Moses, nina tinoni ni lutu Yahweh, maia na vure ni Israel tara haurakera nina vure na Vunaghi haba Sihon maia na Vunaghi haba Og. Keri ge Moses te nia hevei didira na pari vania na kemana Ruben, na kemana Gad, mana levuna na kemana Manasseh.

7 Ra ini na gegeredira na lei vunaghi hali Joshua mana lei malaghai ni Israel tara lagavulera ililighi bokona na betitina Jordan, te vuivuni Baal-gad tana lei nanata Lebanon, va tana ghotu Halak te tona dato va Edom. Na lei pari keri ke, Joshua te nia hevei vanira na lei kemana keha ni Israel tara holai tua. 8 Na lei bona ni pari Joshua te tuvalighi vanira te vuivuni tana lei ghotu me tona me va sara lilighini na le ghotu i boko [tara holoa nia Shephelah], ge va sara tana na nanata tana betitina Jordan paleva uluna, ge va saravia malangava na bona mamaha tara holoa nia Negev. Idania na lei bona ni pari ini ke, didira na taba ni vure Het, maia Amor, na tabani vurena Caanan, maia na taba ni vurena Periz, Hivi, maia Jebus tara ghanara. 9 Joshua ma nina malaghai tara lagavulera tua na lei vunaghi haba tana lei komu te vagha i Jericho, Ai te dutuvia Bethel, 10 mi Jerusalem, mi Hebron, 11 mi Jarmuth, mi Lachish, 12 mi Eglon, mi Gezer, 13 mi Debir, mi Geder, 14 mi Hormah, mi Arad, 15 mi Libnah, mi Adullam, 16 mi Makkedah, mi Bethel, 17 mi Tappuah, mi Hepher, 18 mi Aphek, mi Lasharon, 19 mi Madon, mi Hazor, 20 mi Shimron Meron, mi Acshaph, 21 mi Taanach, mi Megiddo, 22 mi Kedesh, mi Jokneam tana bubulo i Carmel, 23 mi Dor tana bubulo i Naphath-Dor, mi Goyim tana bubulo i Galilee[a], 24 mi Tirzah.