1 Aeni na vaivaridira Shem, Ham, ma Japheth, ra tolu dalena Noah. Gaira tara vahura subo ni gari murina na lualua.

2 A Japheth na tamadira Gomer, Magog, Madai, Javan, Tubal, Meshech, ma Tiras. 3 A Gomer na tamadira Ashkenaz, Riphath, ma Togarmah. 4 A Javan na tamadira Elishah,[a] Tarshish,[b] Kittim ma Rodanim.[c] 5 Rana vavatadira na tinoni rakeri tara va butu mai lilighina na tahi, mi tana lei koukomu, na sopa kema kara leui sopa leudira, mara ghahara tana sopa bubulo.

6 Ham na tamadira Cush, Mizraim,[d] Put, ma Canaan. 7 Cush na tamadira Sheba, Havilah, Sabtah, Raamah ma Sabteca. Ma Raamah na tamadira Sheba ma Dedan. 8 Cush te vahua ghua Nimrod, gaia te mai diki malaghai nagho tana maramana. 9 Nia nina hahanga Yahweh, gaia te puku ni tinoni hili maumanu. Mana ahana te nia rongoragha, keri ke rana vure tara bosa vania siki sakai, “Yahweh ke hangagho ge ko puku ni tinoni hili maumanu te vagha Nimrod.” 10 Nimrod te vuivunia na vunaghi pungisiana tana butonikomu Shinar[e], kolura na komu sule i Babel, Erech, Accad, mi Calneh. 11 Mi kakeri te ghoi ghadaru va tana bubulo i Assyria, mi kakeri te kisua me tughuru vaghinia Nineveh, Rehoboth-Ir, Calah, 12 mi Resen, te ghaha ighobudira Nineveh mi Calah, na komu sule.

13 Ma Mizraim na vaivaridira na kemana Lud, na kemana Anam, kemana Lehab, kemana Naphtuh, 14 kemana Pathrus, kemana Casluh, maia ghua kemana Caphtor, tara va mai gaa rana vure ni Philistia.

15 Canaan na tamadira Sidon, na kamanagho, maia Heth. 16 Ma Canaan na vaivaridira na kemana Jebus, kemana Amor, kemana Girgash, 17 kemana Hivi, kemana Ark, kemana Sin, 18 kemana Arvad, kemana Zemar, mi kemana Hamath. Igeva na lei vaivaridira Canaan tara saopoa tana bona ni pari sule. 19 Tana vovokana na bonadira rana vaivaridira Canaan tara tuvavoka i Sidon vaa i Gaza tana saravahale, mi longa i Gerar, mi levu uluna vaa i Sodom, Gomorrah, Admah, mi Zeboiim, me sara i Lasha.

20 Raini na lei vavatana Ham, na sopa kema kara leui sopa leudira, mara ghahara tana lei sopa bubulo.

21 Shem, na tughana Japheth, te vahura na lei dalena. Ma Shem ke na vaivarina na lei vavatana a Eber.

22 Shem gaia na tamadira Elam, Asshur, Arpachshad, Lud, ma Aram. 23 Ma Aram gaia na tamadira Uz, Hul, Gether, ma Mash.[f] 24 Ma Arpachshad gaia na tamana Shelah, ma Shelah gaia na tamana Eber. 25 Ma Eber te loghora erua dalena na mane. Sakai tadira tara holoa nia Peleg[g] na pukuna tana lei bongi ni volana na lei tinoni lokana na maramana tara vilivoka. Na ahana hoghona ke Joktan. 26 Joktan gaia na tamadira Almodad, Sheleph, Hazarmaveth, Jerah, 27 Hadoram, Uzal, Diklah, 28 Obal, Abimael, Sheba, 29 Ophir, Havilah, ma Jobab. Gaira udolu raini na lei dalena Joktan. 30 Mana vavatana a Joktan te ghaha tana pile bona tara paguha vaa i Mesha pala uluna na lei ghotu i Sephar. 31 Raini na vavatana a Shem, na sopa kema kara leui sopa leudira, mara ghahara tana sopa bubulo.

32 Raini na lei vavatadira tara va butu mai tana lei dalena Noah, na geretughuni tana kema mana kema taonia na kema mana vavata. Na maramana te sepalaghi igaa na tinoni taonia na kemadira murina na lualua.

<- VUIVUNI 9VUIVUNI 11 ->