4 అప్పుడ్ సింహాసన ఓల్తన్. అదున్ పొదె ఉద్తనుంఙ్ న్యాయ్ కలెకా అదికార్ సితేర్. యేసున్ బదోల్ ఇడ్త తమ్మె సాక్సముంఙ్ సటీ, దెయ్యమ్నె వాకున్ ఇడ్తదుంఙ్ తల్లున్ ఒడ్గత్ బక్తకెరె ఆత్మలున్ నదురడ్. ఔరు కుర్ర జన్వరున్ లాఙ్, అద్నె మూర్తిన్ ఎక్కద్ మొక్కెతన్. ఔరె కపారుత్ ఎక్కద్ కెయ్యుత్ ఎక్కద్ ముద్ర ఇడ్ గలెతన్. ఔర్ ఇండ్డి పనలెత్న క్రీస్తునడ్ కలయుత్ హజర్ సాల్కు అడ్గిప్త్తెర్.
5 ఆ హజార్ సాల్కు తిర్నంతెంఙ్ తిక్కుత్ మిక్తర్ పానం ఎరెతెర్. ఇది పేలె సులెకాద్. 6 ఈ పేలె పుట్తతి ఇసా సుమ్తర్ పవిత్ర, ఆసిర్వా సుంతర్. ఇవ్రున్ పొయ్ రెండవ తిక్కెకద్ అదికా తోతెద్. ఇవ్రి దెయ్యమున్, క్రీస్తునున్ దెలకెర్ ఎద్ద క్రీస్తున్ వెంట హజార్ సాల్కు బత్కసార్.
13 సందూర్ తన్నత్తి అనెక తిక్తరున్ సియ్తిన్ తికెకాద్ పాతాలముంఙ్ అనెకద్ తిక్తరుంఙ్ సియ్తెర్. ఔరు సిమ్కన తమ్మె కార్యలండ్ న్యాయ్ సుంసార్. 14 తికెకదున్ పాతాలముంఙ్ కిస్నె బట్టిత్ జొపిడెకద్ ఎద్దిన్. ఈ కిస్ ఇంతె పెన్న తికెకాద్. 15 పానం పుస్తకుత్ పేర్ తోసెటనున్ కిస్నె బట్టిత్ జొపిడ్సార్.
<- ప్రకటన 19ప్రకటన 21 ->